Job 10.15
Vulgate

¹ taedet animam meam vitae meae dimittam adversum me eloquium meum loquar in amaritudine animae meae
Job 7.11 1 Rois 19.4 Job 9.21 Nombres 11.15 Job 16.6-16.16
² dicam Deo noli me condemnare indica mihi cur me ita iudices
Job 9.29 Psaumes 143.2 Job 34.31-34.32 Psaumes 109.21 Psaumes 38.1-38.8
³ numquid bonum tibi videtur si calumnieris et opprimas me opus manuum tuarum et consilium impiorum adiuves
Esaïe 64.8 Job 14.15 Psaumes 138.8 Job 34.18-34.19 Job 8.20
⁴ numquid oculi carnei tibi sunt aut sicut videt homo et tu videbis
1 Samuel 16.7 Job 9.32 Apocalypse 1.14 Luc 16.15
⁵ numquid sicut dies hominis dies tui et anni tui sicut humana sunt tempora
2 Pierre 3.8 Psaumes 102.24-102.27 Psaumes 90.2-90.4 Job 36.26 Psaumes 102.12
⁶ ut quaeras iniquitatem meam et peccatum meum scruteris
Job 14.16 1 Corinthiens 4.5 Psaumes 44.21 Psaumes 10.15 Job 10.14-10.17
⁷ et scias quia nihil impium fecerim cum sit nemo qui de manu tua possit eruere
Deutéronome 32.39 Psaumes 1.6 Daniel 3.15 1 Thessaloniciens 2.10 Job 23.10
⁸ manus tuae plasmaverunt me et fecerunt me totum in circuitu et sic repente praecipitas me
Psaumes 119.73 Esaïe 43.7 Job 10.3 Jérémie 18.3-18.10 Genèse 6.6-6.7
⁹ memento quaeso quod sicut lutum feceris me et in pulverem reduces me
Genèse 2.7 Esaïe 64.8 Genèse 3.19 Ecclésiaste 12.7 Jérémie 18.6
¹⁰ nonne sicut lac mulsisti me et sicut caseum me coagulasti
Psaumes 139.14-139.16
¹¹ pelle et carnibus vestisti me et ossibus et nervis conpegisti me
Job 40.17-40.18 Ephésiens 4.16 2 Corinthiens 5.2-5.3 Ezéchiel 37.4-37.8
¹² vitam et misericordiam tribuisti mihi et visitatio tua custodivit spiritum meum
Job 33.4 Actes 17.25 Genèse 19.19 Matthieu 6.25 Actes 17.28
¹³ licet haec celes in corde tuo tamen scio quia universorum memineris
Job 23.13 Job 23.9 Esaïe 45.15 Esaïe 46.9-46.11 Ecclésiaste 8.6-8.7
¹⁴ si peccavi et ad horam pepercisti mihi cur ab iniquitate mea mundum me esse non pateris
Job 7.21 Psaumes 130.3 Nombres 14.18 Exode 34.7 Job 14.16
¹⁵ et si impius fuero vae mihi est et si iustus non levabo caput saturatus adflictione et miseria
Esaïe 3.11 Job 9.15 Psaumes 25.18 Job 10.7 Job 9.20-9.21
¹⁶ et propter superbiam quasi leaenam capies me reversusque mirabiliter me crucias
Esaïe 38.13 Lamentations 3.10 Job 5.9 Amos 3.8 Osée 13.7-13.8
¹⁷ instauras testes tuos contra me et multiplicas iram tuam adversum me et poenae militant in me
Job 16.8 Ruth 1.21 Job 19.6-19.11 Psaumes 55.19 Sophonie 1.12
¹⁸ quare de vulva eduxisti me qui utinam consumptus essem ne oculus me videret
Jérémie 20.14-20.18 Job 14.10 Job 11.20 Jérémie 15.10 Job 3.10-3.11
¹⁹ fuissem quasi qui non essem de utero translatus ad tumulum
Psaumes 58.8
²⁰ numquid non paucitas dierum meorum finietur brevi dimitte ergo me ut plangam paululum dolorem meum
Job 14.1 Psaumes 39.13 Job 7.16-7.21 Job 8.9 Job 9.25-9.26
²¹ antequam vadam et non revertar ad terram tenebrosam et opertam mortis caligine
Job 3.5 2 Samuel 12.23 Psaumes 23.4 Job 16.22 Job 7.8-7.10
²² terram miseriae et tenebrarum ubi umbra mortis et nullus ordo et sempiternus horror inhabitans
Job 34.22 Luc 16.26 Job 3.5 Psaumes 23.4 Psaumes 44.19