Job 10.13
Vulgate

¹ taedet animam meam vitae meae dimittam adversum me eloquium meum loquar in amaritudine animae meae
Job 7.11 1 Rois 19.4 Nombres 11.15 Job 9.21 Job 6.2-6.4
² dicam Deo noli me condemnare indica mihi cur me ita iudices
Job 9.29 Psaumes 143.2 Lamentations 5.16-5.17 Job 8.5-8.6 1 Corinthiens 11.31-11.32
³ numquid bonum tibi videtur si calumnieris et opprimas me opus manuum tuarum et consilium impiorum adiuves
Esaïe 64.8 Job 14.15 Psaumes 138.8 Job 8.20 Job 9.24
⁴ numquid oculi carnei tibi sunt aut sicut videt homo et tu videbis
1 Samuel 16.7 Luc 16.15 Job 9.32 Apocalypse 1.14
⁵ numquid sicut dies hominis dies tui et anni tui sicut humana sunt tempora
2 Pierre 3.8 Psaumes 102.12 Hébreux 1.12 Psaumes 102.24-102.27 Psaumes 90.2-90.4
⁶ ut quaeras iniquitatem meam et peccatum meum scruteris
Job 14.16 Jérémie 2.34 Sophonie 1.12 Jean 2.24-2.25 1 Corinthiens 4.5
⁷ et scias quia nihil impium fecerim cum sit nemo qui de manu tua possit eruere
Deutéronome 32.39 Jean 21.17 Job 42.7 2 Corinthiens 1.12 Psaumes 7.3
⁸ manus tuae plasmaverunt me et fecerunt me totum in circuitu et sic repente praecipitas me
Psaumes 119.73 Esaïe 43.7 Job 10.3 Jérémie 18.3-18.10 Genèse 6.6-6.7
⁹ memento quaeso quod sicut lutum feceris me et in pulverem reduces me
Genèse 2.7 Esaïe 64.8 Genèse 3.19 Ecclésiaste 12.7 Jérémie 18.6
¹⁰ nonne sicut lac mulsisti me et sicut caseum me coagulasti
Psaumes 139.14-139.16
¹¹ pelle et carnibus vestisti me et ossibus et nervis conpegisti me
2 Corinthiens 5.2-5.3 Ezéchiel 37.4-37.8 Job 40.17-40.18 Ephésiens 4.16
¹² vitam et misericordiam tribuisti mihi et visitatio tua custodivit spiritum meum
Matthieu 6.25 Actes 17.28 Job 33.4 Actes 17.25 Genèse 19.19
¹³ licet haec celes in corde tuo tamen scio quia universorum memineris
Job 23.13 Romains 11.33 Ephésiens 3.11 Esaïe 45.7 Lamentations 3.37
¹⁴ si peccavi et ad horam pepercisti mihi cur ab iniquitate mea mundum me esse non pateris
Job 7.21 Psaumes 130.3 Job 9.28 Psaumes 139.1 Nombres 14.18
¹⁵ et si impius fuero vae mihi est et si iustus non levabo caput saturatus adflictione et miseria
Esaïe 3.11 Job 9.15 Job 10.7 Job 9.20-9.21 Psaumes 25.18
¹⁶ et propter superbiam quasi leaenam capies me reversusque mirabiliter me crucias
Esaïe 38.13 Lamentations 3.10 Job 5.9 Deutéronome 28.59 Nombres 16.29-16.30
¹⁷ instauras testes tuos contra me et multiplicas iram tuam adversum me et poenae militant in me
Job 16.8 Ruth 1.21 Sophonie 1.12 Jérémie 48.11 Job 16.11-16.16
¹⁸ quare de vulva eduxisti me qui utinam consumptus essem ne oculus me videret
Jérémie 20.14-20.18 Job 3.10-3.11 Matthieu 26.24 Job 14.10 Job 11.20
¹⁹ fuissem quasi qui non essem de utero translatus ad tumulum
Psaumes 58.8
²⁰ numquid non paucitas dierum meorum finietur brevi dimitte ergo me ut plangam paululum dolorem meum
Job 14.1 Psaumes 39.13 Job 13.21 Psaumes 39.5 Job 7.6-7.7
²¹ antequam vadam et non revertar ad terram tenebrosam et opertam mortis caligine
2 Samuel 12.23 Job 3.5 Job 16.22 Psaumes 23.4 Job 14.10-14.14
²² terram miseriae et tenebrarum ubi umbra mortis et nullus ordo et sempiternus horror inhabitans
Psaumes 44.19 Jérémie 2.6 Job 38.17 Jérémie 13.16 Psaumes 88.12