1 Chroniques 18.3
Vulgate

Prospérité de David

¹ factum est autem post haec ut percuteret David Philisthim et humiliaret eos et tolleret Geth et filias eius de manu Philisthim
2 Samuel 8.1-8.18 1 Samuel 27.4 2 Samuel 1.20 1 Samuel 5.8
² percuteretque Moab et fierent Moabitae servi David offerentes ei munera
2 Rois 3.4-3.5 1 Rois 10.2 Psaumes 72.8-72.10 Esaïe 11.14 Psaumes 60.8
³ eo tempore percussit David etiam Adadezer regem Suba regionis Emath quando perrexit ut dilataret imperium suum usque ad flumen Eufraten
Psaumes 60.1 2 Samuel 8.3 2 Samuel 10.6 1 Samuel 14.47 Exode 23.31
⁴ cepit ergo David mille quadrigas eius et septem milia equites ac viginti milia virorum peditum subnervavitque omnes equos curruum exceptis centum quadrigis quas reservavit sibi
2 Samuel 8.4 Psaumes 33.16-33.17 Josué 11.6 Josué 11.9 1 Rois 10.26
⁵ supervenit autem et Syrus damascenus ut auxilium praeberet Adadezer regi Suba sed et huius percussit David viginti duo milia virorum
1 Chroniques 19.6 1 Samuel 14.47 2 Samuel 8.5-8.6 1 Rois 11.23-11.24 1 Chroniques 18.3
⁶ et posuit milites in Damasco ut Syria quoque serviret sibi et offerret munera adiuvitque eum Dominus in cunctis ad quae perrexerat
1 Chroniques 18.2 1 Chroniques 17.8 Psaumes 121.8 Psaumes 18.43-18.44 Proverbes 21.31
⁷ tulit quoque David faretras aureas quas habuerant servi Adadezer et adtulit eas in Hierusalem
2 Chroniques 12.9-12.10 2 Chroniques 9.15-9.16 1 Rois 10.16-10.17 1 Rois 14.26-14.28
⁸ necnon de Thebath et Chun urbibus Adadezer aeris plurimum de quo fecit Salomon mare aeneum et columnas et vasa aenea
2 Samuel 8.8 2 Chroniques 4.12-4.18 1 Rois 7.15-7.47 2 Chroniques 4.2-4.6 Jérémie 52.17-52.23
⁹ quod cum audisset Thou rex Emath percussisse videlicet David omnem exercitum Adadezer regis Suba
2 Samuel 8.9
¹⁰ misit Aduram filium suum ad regem David ut postularet ab eo pacem et congratularetur ei eo quod expugnasset et percussisset Adadezer adversarius quippe Thou erat Adadezer
2 Samuel 8.10 2 Chroniques 9.1 Esaïe 39.1 2 Chroniques 9.23-9.24
¹¹ sed et omnia vasa aurea et argentea et aenea consecravit rex David Domino cum argento et auro quod tulerat ex universis gentibus tam de Idumea et Moab et filiis Ammon quam de Philisthim et Amalech
Exode 35.21-35.24 1 Rois 7.51 2 Chroniques 5.1 1 Chroniques 22.14 Psaumes 83.6-83.7
¹² Abisai vero filius Sarviae percussit Edom in valle Salinarum decem et octo milia
1 Samuel 26.6 2 Samuel 21.17 Psaumes 60.1 Psaumes 60.8-60.9 1 Chroniques 19.11
¹³ et constituit in Edom praesidium ut serviret Idumea David salvavitque Dominus David in cunctis ad quae perrexerat
1 Chroniques 18.6 2 Samuel 7.14-7.17 Genèse 27.37 2 Samuel 23.14 Psaumes 121.7
¹⁴ regnavit ergo David super universum Israhel et faciebat iudicium atque iustitiam cuncto populo suo
Jérémie 23.5-23.6 Psaumes 78.71-78.72 2 Samuel 8.15 Jérémie 33.15 Esaïe 9.7
¹⁵ porro Ioab filius Sarviae erat super exercitum et Iosaphat filius Ahilud a commentariis
1 Chroniques 11.6 1 Rois 4.3 2 Samuel 8.16
¹⁶ Sadoc autem filius Ahitob et Ahimelech filius Abiathar sacerdotes et Susa scriba
2 Samuel 8.17 2 Samuel 20.25 1 Rois 4.3 1 Rois 2.35 1 Chroniques 24.6
¹⁷ Banaias vero filius Ioiada super legiones Cherethi et Felethi porro filii David primi ad manum regis
2 Samuel 8.18 2 Samuel 15.18 1 Rois 2.34-2.35 2 Samuel 20.23 2 Samuel 20.7