2 Rois 24.6
Vulgate

¹ in diebus eius ascendit Nabuchodonosor rex Babylonis et factus est ei Ioiachim servus tribus annis et rursum rebellavit contra eum
Jérémie 25.1 Daniel 1.1 Jérémie 25.9 Jérémie 46.2 2 Rois 17.5
² inmisitque ei Dominus latrunculos Chaldeorum et latrunculos Syriae latrunculos Moab et latrunculos filiorum Ammon et inmisit eos in Iudam ut disperderent eum iuxta verbum Domini quod locutus erat per servos suos prophetas
Jérémie 35.11 2 Rois 23.27 Ezéchiel 19.8 2 Rois 20.17 2 Rois 21.12-21.14
³ factum est autem hoc per verbum Domini contra Iudam ut auferret eum coram se propter peccata Manasse universa quae fecit
2 Rois 18.25 2 Rois 23.26-23.27 Genèse 50.20 Exode 20.5 2 Chroniques 24.24
⁴ et propter sanguinem innoxium quem effudit et implevit Hierusalem cruore innocentium et ob hanc rem noluit Dominus propitiari
2 Rois 21.16 Psaumes 106.38 Jérémie 19.4 Deutéronome 19.10 Nombres 35.33
⁵ reliqua autem sermonum Ioiachim et universa quae fecit nonne haec scripta sunt in libro sermonum dierum regum Iuda et dormivit Ioiachim cum patribus suis
2 Chroniques 36.8 Jérémie 22.13-22.17 Jérémie 26.1-26.24
⁶ regnavitque Ioiachin filius eius pro eo
Jérémie 22.18-22.19 Jérémie 36.30 2 Chroniques 36.6 2 Chroniques 36.8
⁷ et ultra non addidit rex Aegypti ut egrederetur de terra sua tulerat enim rex Babylonis a rivo Aegypti usque ad fluvium Eufraten omnia quae fuerant regis Aegypti
Jérémie 37.5-37.7 Jérémie 46.2 Genèse 15.18 Nombres 34.5 Josué 15.4

Règne de Jojakin sur Juda

⁸ decem et octo annorum erat Ioiachin cum regnare coepisset et tribus mensibus regnavit in Hierusalem nomen matris eius Naestha filia Helnathan de Hierusalem
2 Chroniques 36.9 1 Chroniques 3.16 Jérémie 22.28 Jérémie 37.1 Jérémie 22.24
⁹ et fecit malum coram Domino iuxta omnia quae fecerat pater eius
¹⁰ in tempore illo ascenderunt servi Nabuchodonosor regis Babylonis in Hierusalem et circumdata est urbs munitionibus
Daniel 1.1-1.2 2 Rois 25.2
¹¹ venitque Nabuchodonosor rex Babylonis ad civitatem cum servi eius obpugnarent eam
¹² egressusque est Ioiachin rex Iuda ad regem Babylonis ipse et mater eius et servi eius et principes eius et eunuchi eius et suscepit eum rex Babylonis anno octavo regni sui
Jérémie 52.28 Jérémie 24.1 Jérémie 29.1-29.2 2 Rois 25.27 2 Chroniques 36.10
¹³ et protulit inde omnes thesauros domus Domini et thesauros domus regiae et concidit universa vasa aurea quae fecerat Salomon rex Israhel in templo Domini iuxta verbum Domini
2 Rois 20.17 Esaïe 39.6 1 Rois 7.48-7.50 Jérémie 20.5 2 Rois 25.13-25.15
¹⁴ et transtulit omnem Hierusalem et universos principes et omnes fortes exercitus decem milia in captivitatem et omnem artificem et clusorem nihilque relictum est exceptis pauperibus populi terrae
2 Rois 25.12 Jérémie 52.28 Ezéchiel 1.1-1.2 Ezéchiel 17.14 Jérémie 52.16
¹⁵ transtulit quoque Ioiachin in Babylonem et matrem regis et uxores regis et eunuchos eius et iudices terrae duxit in captivitatem de Hierusalem in Babylonem
2 Chroniques 36.10 Jérémie 22.24-22.28 Esther 2.6 2 Rois 24.8 Ezéchiel 17.12
¹⁶ et omnes viros robustos septem milia et artifices et clusores mille omnes viros fortes et bellatores duxitque eos rex Babylonis captivos in Babylonem
Jérémie 52.28 Jérémie 29.2 2 Rois 24.14
¹⁷ et constituit Matthaniam patruum eius pro eo inposuitque nomen ei Sedeciam
Jérémie 37.1 2 Rois 23.34 2 Chroniques 36.4 1 Chroniques 3.15-3.16 Jérémie 52.1

Règne de Sédécias sur Juda

¹⁸ vicesimum et primum annum aetatis habebat Sedecias cum regnare coepisset et undecim annis regnavit in Hierusalem nomen matris eius erat Amithal filia Hieremiae de Lobna
2 Rois 23.31 Jérémie 52.1-52.11 Jérémie 37.1 2 Chroniques 36.11
¹⁹ et fecit malum coram Domino iuxta omnia quae fecerat Ioiachim
2 Rois 23.37 Jérémie 37.1-37.21 Jérémie 24.8 Ezéchiel 21.25 2 Chroniques 36.12
²⁰ irascebatur enim Dominus contra Hierusalem et contra Iudam donec proiceret eos a facie sua recessitque Sedecias a rege Babylonis
2 Chroniques 36.13 Deutéronome 2.30 Deutéronome 29.27 1 Corinthiens 1.20 Ezéchiel 17.15-17.20