2 Rois 24.6
Vulgate

¹ in diebus eius ascendit Nabuchodonosor rex Babylonis et factus est ei Ioiachim servus tribus annis et rursum rebellavit contra eumJérémie 25.1 Daniel 1.1 Jérémie 25.9 2 Chroniques 36.6-36.21 Jérémie 46.2
² inmisitque ei Dominus latrunculos Chaldeorum et latrunculos Syriae latrunculos Moab et latrunculos filiorum Ammon et inmisit eos in Iudam ut disperderent eum iuxta verbum Domini quod locutus erat per servos suos prophetasJérémie 35.11 2 Rois 23.27 2 Rois 21.12-21.14 Jérémie 32.28 Jérémie 25.9
³ factum est autem hoc per verbum Domini contra Iudam ut auferret eum coram se propter peccata Manasse universa quae fecit2 Rois 18.25 Michée 2.10 2 Rois 21.2-21.11 Lévitique 26.33-26.35 Esaïe 46.10-46.11
⁴ et propter sanguinem innoxium quem effudit et implevit Hierusalem cruore innocentium et ob hanc rem noluit Dominus propitiari2 Rois 21.16 Jérémie 15.1-15.2 Ezéchiel 33.25 Jérémie 2.34 Lamentations 3.42
⁵ reliqua autem sermonum Ioiachim et universa quae fecit nonne haec scripta sunt in libro sermonum dierum regum Iuda et dormivit Ioiachim cum patribus suis2 Chroniques 36.8 Jérémie 26.1-26.24 Jérémie 22.13-22.17
⁶ regnavitque Ioiachin filius eius pro eoJérémie 22.18-22.19 2 Chroniques 36.6 Jérémie 36.30 2 Chroniques 36.8
⁷ et ultra non addidit rex Aegypti ut egrederetur de terra sua tulerat enim rex Babylonis a rivo Aegypti usque ad fluvium Eufraten omnia quae fuerant regis AegyptiJérémie 46.2 Jérémie 37.5-37.7 Genèse 15.18 Nombres 34.5 1 Rois 4.21
⁸ decem et octo annorum erat Ioiachin cum regnare coepisset et tribus mensibus regnavit in Hierusalem nomen matris eius Naestha filia Helnathan de Hierusalem1 Chroniques 3.16 2 Chroniques 36.9 Jérémie 22.24 Jérémie 24.1 Jérémie 22.28
⁹ et fecit malum coram Domino iuxta omnia quae fecerat pater eius ¹⁰ in tempore illo ascenderunt servi Nabuchodonosor regis Babylonis in Hierusalem et circumdata est urbs munitionibus2 Rois 25.2 Daniel 1.1-1.2
¹¹ venitque Nabuchodonosor rex Babylonis ad civitatem cum servi eius obpugnarent eam ¹² egressusque est Ioiachin rex Iuda ad regem Babylonis ipse et mater eius et servi eius et principes eius et eunuchi eius et suscepit eum rex Babylonis anno octavo regni suiJérémie 52.28 Jérémie 24.1 Jérémie 29.1-29.2 2 Rois 25.27 2 Chroniques 36.10
¹³ et protulit inde omnes thesauros domus Domini et thesauros domus regiae et concidit universa vasa aurea quae fecerat Salomon rex Israhel in templo Domini iuxta verbum Domini2 Rois 20.17 Esaïe 39.6 Jérémie 20.5 1 Rois 7.48-7.50 2 Rois 25.13-25.15
¹⁴ et transtulit omnem Hierusalem et universos principes et omnes fortes exercitus decem milia in captivitatem et omnem artificem et clusorem nihilque relictum est exceptis pauperibus populi terrae2 Rois 25.12 Jérémie 52.28 Jérémie 52.16 2 Rois 24.16 Jérémie 40.7
¹⁵ transtulit quoque Ioiachin in Babylonem et matrem regis et uxores regis et eunuchos eius et iudices terrae duxit in captivitatem de Hierusalem in Babylonem2 Chroniques 36.10 Jérémie 22.24-22.28 Esther 2.6 Ezéchiel 17.12 2 Rois 24.8
¹⁶ et omnes viros robustos septem milia et artifices et clusores mille omnes viros fortes et bellatores duxitque eos rex Babylonis captivos in BabylonemJérémie 52.28 2 Rois 24.14 Jérémie 29.2
¹⁷ et constituit Matthaniam patruum eius pro eo inposuitque nomen ei SedeciamJérémie 37.1 2 Chroniques 36.4 2 Rois 23.34 2 Chroniques 36.10-36.13 1 Chroniques 3.15-3.16
¹⁸ vicesimum et primum annum aetatis habebat Sedecias cum regnare coepisset et undecim annis regnavit in Hierusalem nomen matris eius erat Amithal filia Hieremiae de Lobna2 Rois 23.31 Jérémie 52.1-52.11 2 Chroniques 36.11 Jérémie 37.1
¹⁹ et fecit malum coram Domino iuxta omnia quae fecerat Ioiachim2 Rois 23.37 2 Chroniques 36.12 Jérémie 37.1-37.21 Jérémie 24.8 Ezéchiel 21.25
²⁰ irascebatur enim Dominus contra Hierusalem et contra Iudam donec proiceret eos a facie sua recessitque Sedecias a rege Babylonis2 Chroniques 36.13 Esaïe 19.11-19.14 Jérémie 38.17-38.21 2 Rois 22.17 2 Thessaloniciens 2.9-2.11