1 Mfalme Nebukadreza, kwa watu wa kabila zote, na taifa zote, na lugha zote, wanaokaa katika dunia yote; Amani iongezeke kwenu.
Daniel 6.25 Daniel 3.4 1 Pierre 1.2 Esdras 4.17 1 Chroniques 12.18
2 Mimi nimeona vema kutangaza habari za ishara na maajabu, aliyonitendea Mungu aliye juu.
Daniel 3.26 Psaumes 66.16 Psaumes 71.18 Josué 7.19 Psaumes 92.1-92.2
3 Ishara zake ni kubwa kama nini! Na maajabu yake yana uweza kama nini! Ufalme wake ni ufalme wa milele; na mamlaka yake ni ya kizazi hata kizazi.
Daniel 2.44 Daniel 6.26-6.27 Psaumes 105.27 Esaïe 25.1 Daniel 7.14
4 Mimi, Nebukadreza, nalikuwa nikistarehe katika nyumba yangu, nikisitawi katika nyumba yangu ya enzi.
Esaïe 47.7-47.8 Ezéchiel 28.17 Jérémie 48.11 Psaumes 30.6-30.7 Luc 12.19-12.20
5 Nikaota ndoto iliyonitia hofu; mawazo niliyokuwa nayo kitandani mwangu, na njozi za kichwa changu, zikanifadhaisha.
Daniel 2.1 Daniel 5.10 Daniel 7.28 Daniel 2.28-2.29 Daniel 5.5-5.6
6 Basi nikatoa amri kwamba wenye hekima wote wa Babeli, waletwe mbele yangu, ili kunijulisha tafsiri ya ndoto ile.
Daniel 2.2 Esaïe 47.12-47.14 Genèse 41.7-41.8 Esaïe 8.19
7 Ndipo wakaingia waganga, na wachawi, na Wakaldayo, na wanajimu; nikawahadithia ile ndoto; wao wasiweze kunijulisha tafsiri yake.
Esaïe 44.25 Jérémie 27.9-27.10 Daniel 2.7 2 Timothée 3.8-3.9 Genèse 41.8
8 Bali hatimaye Danielii akaingia mbele yangu, ambaye jina lake ni Belteshaza, kwa kufuata jina la mungu wangu; tena ndani yake inakaa roho ya miungu watakatifu; nikamhadithia ile ndoto, nikisema,
Daniel 1.7 Daniel 5.14 Daniel 4.18 Daniel 5.11-5.12 Daniel 2.11
9 Ee Belteshaza, mkuu wa waganga, kwa sababu ninajua ya kuwa roho ya miungu watakatifu inakaa ndani yako, na ya kuwa hapana neno la siri likushindalo, niambie njozi za ndoto yangu niliyoiona, na tafsiri yake.
Daniel 5.11 Daniel 2.48 Daniel 4.8 Ezéchiel 28.3 Daniel 4.5
10 Njozi za kichwa changu kitandani mwangu zilikuwa hivi; naliona, na tazama, palikuwa na mti katikati ya nchi, urefu wake mkubwa sana.
Daniel 4.5 Ezéchiel 31.3-31.18 Daniel 4.20-4.26 Psaumes 37.35-37.36 Esaïe 10.33-10.34
11 Mti ule ukakua, ukawa na nguvu, urefu wake ulifika mpaka mbinguni, na kuonekana kwake mpaka mwisho wa dunia.
Deutéronome 9.1 Daniel 4.21-4.22 Matthieu 11.23 Genèse 11.4
12 Majani yake yalikuwa mazuri, na matunda yake mengi, na ndani yake chakula cha kuwatosha watu wote; wanyama wa kondeni walipata uvuli chini yake, na ndege wa angani walikaa katika matawi yake; kila kitu chenye mwili kilipata chakula kwake.
Ezéchiel 17.23 Lamentations 4.20 Luc 13.19 Ezéchiel 31.6-31.7 Matthieu 13.32
13 Nikaona katika njozi za kichwa changu kitandani mwangu, na tazama, mlinzi, naye ni mtakatifu, alishuka kutoka mbinguni.
Deutéronome 33.2 Daniel 7.1 Daniel 8.13 Daniel 4.5 Zacharie 14.5
14 Akapaza sauti yake, akasema, Ukateni mti huu, yafyekeni matawi yake, yapukusieni mbali majani yake, na kuyatawanya matunda yake, wanyama na waondoke hapo chini yake, na ndege katika matawi yake.
Matthieu 3.10 Ezéchiel 31.12-31.13 Daniel 4.23 Luc 3.9 Daniel 4.12
15 Walakini kiacheni kisiki cha shina lake katika ardhi, pamoja na pingu ya chuma na shaba, katika majani mororo ya kondeni; kikapate maji kwa umande wa mbinguni, na sehemu yake iwe pamoja na wanyama katika majani ya nchi;
Job 14.7-14.9 Daniel 4.25-4.27 Ezéchiel 29.14-29.15
16 moyo wake ubadilike, usiwe moyo wa binadamu, na apewe moyo wa mnyama; nyakati saba zikapite juu yake.
Daniel 4.23 Daniel 4.25 Luc 8.27-8.29 Daniel 12.7 Daniel 7.25
17 Hukumu hii imekuja kwa agizo la walinzi, na amri hii kwa neno la watakatifu; kusudi walio hai wapate kujua ya kuwa Aliye juu anatawala katika ufalme wa wanadamu, naye humpa amtakaye, tena humtawaza juu yake aliye mnyonge.
Daniel 4.25 Daniel 11.21 Jérémie 27.5-27.7 1 Samuel 2.8 Daniel 2.21
18 Mimi, Nebukadreza, nimeiona ndoto hii; na wewe, Ee Belteshaza, eleza tafsiri yake, kwa maana wenye hekima wote wa ufalme wangu hawawezi kunijulisha tafsiri yake; bali wewe waweza, maana roho ya miungu watakatifu inakaa ndani yako.Daniel 5.8 Daniel 5.15 Genèse 41.8 Genèse 41.15 Daniel 4.7-4.9
19 Ndipo Danielii, aliyeitwa jina lake Belteshaza, akashangaa kwa muda, na fikira zake zikamfadhaisha. Mfalme akajibu akasema, Ee Belteshaza, ndoto ile isikufadhaishe wala tafsiri yake. Belteshaza akajibu, akasema, Bwana wangu, ndoto hii iwapate wao wakuchukiao, na tafsiri yake iwapate adui zako.
Daniel 7.28 Daniel 8.27 Daniel 10.16-10.17 Daniel 4.24 Jérémie 4.19
20 Ule mti uliouona, uliokua, ukawa na nguvu, urefu wake ukafika mpaka mbinguni, na kuonekana kwake mpaka dunia yote;
Daniel 4.10-4.12 Ezéchiel 31.16 Ezéchiel 31.3
21 ambao majani yake yalikuwa mazuri, na matunda yake mengi, na ndani yake chakula cha kuwatosha wote; ambao chini yake wanyama wa kondeni walikaa, na ndege wa angani walikuwa na makao yao katika matawi yake;
22 ni wewe, Ee mfalme, uliyekua, na kupata nguvu; maana ukuu wako umekua na kufika mpaka mbinguni, na mamlaka yako yamefika mpaka mwisho wa dunia.
Daniel 2.37-2.38 2 Samuel 12.7 Jérémie 27.6-27.8 Matthieu 14.4 Genèse 11.4
23 Tena, kwa kuwa mfalme alimwona mlinzi, naye ni mtakatifu, akishuka kutoka mbinguni, akisema, Ukateni mti huu, mkauangamize; ila kiacheni kisiki cha shina lake katika ardhi, pamoja na pingu ya chuma na shaba, katika majani mororo ya kondeni; kikatiwe maji kwa umande wa mbinguni, na sehemu yake iwe pamoja na wanyama wa kondeni, hata nyakati saba zipite juu yake;
Daniel 5.21 Daniel 4.13-4.16
24 tafsiri yake ni hii, Ee mfalme, nayo ni amri yake Aliye juu, iliyomjia bwana wangu, mfalme;
Psaumes 107.40 Job 40.11-40.12 Esaïe 46.10-46.11 Job 1.12-1.19 Daniel 4.17
25 ya kuwa utafukuzwa mbali na wanadamu, na makao yako yatakuwa pamoja na wanyama wa kondeni, nawe utalazimishwa kula majani kama ng’ombe, nawe utatiwa maji kwa umande wa mbinguni, na nyakati saba zitapita juu yako; hata utakapojua ya kuwa Aliye juu ndiye anayemiliki katika ufalme wa wanadamu, naye humpa yeye amtakaye, awaye yote.
Daniel 4.17 Psaumes 83.18 Jérémie 27.5 Psaumes 106.20 Daniel 2.21
26 Na kwa kuwa waliamuru kukiacha kisiki cha shina lake; ufalme wako utakuwa imara kwako, baada ya wewe kujua ya kuwa mbingu ndizo zinazotawala.
Daniel 4.15 Daniel 4.23 Luc 15.21 Matthieu 5.34 Daniel 2.37
27 Kwa sababu hiyo, Ee mfalme, shauri langu lipate kibali kwako; ukaache dhambi zako kwa kutenda haki, ukaache maovu yako kwa kuwahurumia maskini; huenda ukapata kuzidishiwa siku zako za kukaa raha.
Esaïe 55.6-55.7 Actes 8.22 Jonas 3.9 1 Rois 21.29 Psaumes 41.1-41.3
28 Hayo yote yakampata mfalme Nebukadreza.
Nombres 23.19 Zacharie 1.6 Matthieu 24.35 Proverbes 10.24
29 Baada ya miezi kumi na miwili, alikuwa akitembea ndani ya jumba la kifalme katika Babeli.
1 Pierre 3.20 Genèse 6.3 2 Pierre 3.9-3.10 Apocalypse 2.21 Ecclésiaste 8.11
30 Mfalme akanena, akasema, Mji huu sio Babeli mkubwa nilioujenga mimi, uwe kao langu la kifalme, kwa uwezo wa nguvu zangu, ili uwe utukufu wa enzi yangu?
Psaumes 49.20 Apocalypse 17.5 Proverbes 16.18 Apocalypse 18.21 Psaumes 73.8
31 Hata neno lile lilipokuwa katika kinywa cha mfalme, sauti ilikuja kutoka mbinguni, ikisema, Ee mfalme Nebukadreza, maneno haya unaambiwa wewe; Ufalme huu umeondoka kwako.
Luc 12.20 Actes 9.3-9.5 Apocalypse 16.7 Matthieu 3.17 1 Samuel 13.14
32 Nawe utafukuzwa mbali na wanadamu, na makao yako yatakuwa pamoja na wanyama wa kondeni; utalishwa majani kama ng’ombe, na nyakati saba zitapita juu yako, hata utakapojua ya kuwa Aliye juu ndiye anayemiliki katika ufalme wa wanadamu, naye humpa amtakaye, awaye yote.
Daniel 5.21 Jérémie 27.5 Job 12.18-12.21 Proverbes 8.15-8.16 Exode 9.29
33 Saa iyo hiyo jambo hilo likatimizwa, likampata Nebukadreza; alifukuzwa mbali na wanadamu, akala majani kama ng’ombe, na mwili wake ulilowa maji kwa umande wa mbinguni, hata nywele zake zikakua, zikawa kama manyoya ya tai, na kucha zake kama kucha za ndege.
Daniel 4.25 Daniel 4.32 Job 20.5 Esaïe 30.14 Daniel 5.21
34 Hata mwisho wa siku hizo, mimi, Nebukadreza, nikainua macho yangu kuelekea mbingu, fahamu zangu zikanirudia; nikamhimidi Yeye aliye juu, nikamsifu na kumheshimu Yeye aishiye milele; kwa maana mamlaka yake ni mamlaka ya milele, na ufalme wake hudumu toka kizazi hata kizazi;
Daniel 12.7 Apocalypse 4.10 Jérémie 10.10 Luc 1.33 Daniel 4.32
35 na watu wote wanaokaa duniani wamehesabiwa kuwa si kitu, naye hufanya kama atakavyo, katika jeshi la mbinguni, na katika hao wanaokaa duniani; wala hapana awezaye kuuzuia mkono wake, wala kumwuliza, Unafanya nini wewe?
Psaumes 115.3 Esaïe 43.13 Ephésiens 1.11 Psaumes 135.6 Matthieu 11.25-11.26
36 Basi wakati uo huo fahamu zangu zikanirudia, na kwa ajili ya utukufu wa ufalme wangu, enzi yangu na fahari yangu zikanirudia; na mawaziri wangu, na madiwani wangu, wakaja kunitafuta; nami nikathibitika katika ufalme wangu, nikaongezewa enzi kupita kiasi.
Proverbes 22.4 Matthieu 6.33 2 Chroniques 33.12-33.13 1 Samuel 2.30 2 Corinthiens 4.17
37 Basi mimi, Nebukadreza, namhimidi Mfalme wa mbinguni, namtukuza na kumheshimu; maana matendo yake yote ni kweli, na njia zake ni za adili; na wale waendao kwa kutakabari, yeye aweza kuwadhili.
Deutéronome 32.4 Job 40.11-40.12 Psaumes 33.4-33.5 Exode 18.11 Apocalypse 15.3