1 Basi nyoka alikuwa mwerevu kuliko wanyama wote wa mwitu aliowafanya Bwana Mungu. Akamwambia mwanamke, Ati! Hivi ndivyo alivyosema Mungu, Msile matunda ya miti yote ya bustani?
2 Corinthiens 11.3 Apocalypse 12.9 2 Corinthiens 11.14 Apocalypse 20.2 Matthieu 10.16
2 Mwanamke akamwambia nyoka, Matunda ya miti ya bustanini twaweza kula;
Psaumes 58.4
3 lakini matunda ya mti ulio katikati ya bustani Mungu amesema, Msiyale wala msiyaguse, msije mkafa.
Job 1.11 Genèse 2.16-2.17 2 Corinthiens 6.17 1 Chroniques 16.22 Job 2.5
4 Nyoka akamwambia mwanamke, Hakika hamtakufa,
Jean 8.44 2 Corinthiens 11.3 Genèse 3.13 2 Rois 1.4 2 Rois 1.16
5 kwa maana Mungu anajua ya kwamba siku mtakayokula matunda ya mti huo, mtafumbuliwa macho, nanyi mtakuwa kama Mungu, mkijua mema na mabaya.
Ezéchiel 28.2 Genèse 2.17 Exode 20.7 Ezéchiel 29.3 Esaïe 14.14
6 Mwanamke alipoona ya kuwa ule mti wafaa kwa chakula, wapendeza macho, nao ni mti wa kutamanika kwa maarifa, basi alitwaa katika matunda yake akala, akampa na mumewe, naye akala.
1 Jean 2.16 1 Timothée 2.14 2 Samuel 11.2 Josué 7.21 Jacques 1.14-1.15
7 Wakafumbuliwa macho wote wawili wakajijua kuwa wa uchi, wakashona majani ya mtini, wakajifanyia nguo.
Genèse 2.25 Genèse 3.5 Esaïe 59.6 Job 9.29-9.31 Esaïe 28.20
8 Kisha wakasikia sauti ya Bwana Mungu, akitembea bustanini wakati wa jua kupunga; Adamu na mkewe wakajificha kati ya miti ya bustani, Bwana Mungu asiwaone.
Jérémie 23.24 Psaumes 139.1-139.12 Job 31.33 Job 22.14 Genèse 3.10
9 Bwana Mungu akamwita Adamu, akamwambia, Uko wapi?
Genèse 4.9 Genèse 16.8 Josué 7.17-7.19 Genèse 11.5 Apocalypse 20.12-20.13
10 Akasema, Nalisikia sauti yako bustanini, nikaogopa kwa kuwa mimi ni uchi; nikajificha.
Genèse 2.25 Genèse 3.7 Esaïe 47.3 Apocalypse 3.17-3.18 Esaïe 33.14
11 Akasema, Ni nani aliyekuambia ya kuwa u uchi? Je! Umekula wewe matunda ya mti niliyokuagiza usiyale?
Romains 3.20 Psaumes 50.21 Genèse 4.10
12 Adamu akasema, Huyo mwanamke uliyenipa awe pamoja nami ndiye aliyenipa matunda ya mti huo, nikala.
Job 31.33 Jacques 1.13-1.15 Genèse 2.18 Proverbes 28.13 Romains 10.3
13 Bwana Mungu akamwambia mwanamke, Nini hili ulilolifanya? Mwanamke akasema, Nyoka alinidanganya, nikala.2 Corinthiens 11.3 1 Timothée 2.14 2 Samuel 12.9-12.12 Jean 18.35 2 Samuel 3.24
14 Bwana Mungu akamwambia nyoka, Kwa sababu umeyafanya hayo, umelaaniwa wewe kuliko wanyama wote, na kuliko hayawani wote walioko mwituni; kwa tumbo utakwenda, na mavumbi utakula siku zote za maisha yako;
Esaïe 65.25 Michée 7.17 Esaïe 29.4 Psaumes 72.9 Deutéronome 28.15-28.20
15 nami nitaweka uadui kati yako na huyo mwanamke, na kati ya uzao wako na uzao wake; huo utakuponda kichwa, na wewe utamponda kisigino.
Romains 16.20 1 Jean 3.8 Apocalypse 12.17 Galates 4.4 Esaïe 7.14
16 Akamwambia mwanamke, Hakika nitakuzidishia uchungu wako, na kuzaa kwako; kwa utungu utazaa watoto; na tamaa yako itakuwa kwa mumeo, naye atakutawala.
1 Corinthiens 14.34 1 Timothée 2.15 1 Corinthiens 11.3 1 Timothée 2.11-2.12 Jean 16.21
17 Akamwambia Adamu, Kwa kuwa umeisikiliza sauti ya mke wako, ukala matunda ya mti ambao nalikuagiza, nikisema, Usiyale; ardhi imelaaniwa kwa ajili yako; kwa uchungu utakula mazao yake siku zote za maisha yako;
Romains 8.20-8.22 Genèse 5.29 Job 14.1 Matthieu 25.26-25.27 Ecclésiaste 2.22-2.23
18 michongoma na miiba itakuzalia, nawe utakula mboga za kondeni;
Esaïe 5.6 Esaïe 32.13 Job 1.21 Proverbes 22.5 Matthieu 13.7
19 kwa jasho la uso wako utakula chakula, hata utakapoirudia ardhi, ambayo katika hiyo ulitwaliwa; kwa maana u mavumbi wewe, nawe mavumbini utarudi.
Ecclésiaste 12.7 Psaumes 104.29 Genèse 2.7 Job 34.15 Psaumes 90.3
20 Adamu akamwita mkewe jina lake Hawa; kwa kuwa yeye ndiye aliye mama yao wote walio hai.
Actes 17.26 Genèse 2.23 Genèse 2.20 Matthieu 1.23 Genèse 35.18
21 Bwana Mungu akawafanyia Adamu na mkewe mavazi ya ngozi, akawavika.
Esaïe 61.10 Romains 3.22 2 Corinthiens 5.2-5.3 2 Corinthiens 5.21 Genèse 3.7
22 Bwana Mungu akasema, Basi, huyu mtu amekuwa kama mmoja wetu, kwa kujua mema na mabaya; na sasa asije akanyosha mkono wake akatwaa matunda ya mti wa uzima, akala, akaishi milele;
Genèse 1.26 Genèse 2.9 Genèse 3.5 Apocalypse 2.7 Genèse 11.6-11.7
23 kwa hiyo Bwana Mungu akamtoa katika bustani ya Edeni, ailime ardhi ambayo katika hiyo alitwaliwa.
Genèse 4.2 Genèse 2.5 Genèse 4.12 Genèse 9.20 Genèse 3.19
24 Basi akamfukuza huyo mtu, akaweka Makerubi, upande wa mashariki wa bustani ya Edeni, na upanga wa moto uliogeuka huko na huko, kuilinda njia ya mti wa uzima.
Hébreux 1.7 Psaumes 104.4 Exode 25.18-25.22 1 Chroniques 21.16-21.17 Hébreux 10.18-10.22