Conseils pour le service dans l’Église
1 Σὺ οὖν, τέκνον μου, ἐνδυναμοῦ ἐν τῇ χάριτι τῇ ἐν Χριστῷ Ἰησοῦ,
Ephésiens 6.10 1 Corinthiens 16.13 2 Timothée 1.7 1 Timothée 1.18 Josué 1.7
2 καὶ ἃ ἤκουσας παρ’ ἐμοῦ διὰ πολλῶν μαρτύρων, ταῦτα παράθου πιστοῖς ἀνθρώποις, οἵτινες ἱκανοὶ ἔσονται καὶ ἑτέρους διδάξαι.
2 Timothée 1.13-1.14 1 Timothée 6.12 1 Timothée 1.18 Tite 1.5-1.9 2 Timothée 3.10
3 ⸀συγκακοπάθησον ὡς καλὸς στρατιώτης ⸂Χριστοῦ Ἰησοῦ⸃.
2 Timothée 1.8 2 Timothée 4.5 Jacques 1.12 1 Timothée 1.18 2 Timothée 3.11
4 οὐδεὶς στρατευόμενος ἐμπλέκεται ταῖς τοῦ βίου πραγματείαις, ἵνα τῷ στρατολογήσαντι ἀρέσῃ·
Luc 8.14 2 Pierre 2.20 2 Timothée 4.10 1 Thessaloniciens 2.4 2 Corinthiens 5.9
5 ἐὰν δὲ καὶ ἀθλῇ τις, οὐ στεφανοῦται ἐὰν μὴ νομίμως ἀθλήσῃ·
Jacques 1.12 1 Corinthiens 9.24-9.27 Apocalypse 2.10 Hébreux 12.4 2 Timothée 4.7-4.8
6 τὸν κοπιῶντα γεωργὸν δεῖ πρῶτον τῶν καρπῶν μεταλαμβάνειν.
Hébreux 10.36 Matthieu 21.33-21.41 Luc 10.2 1 Corinthiens 9.7-9.11 Matthieu 20.1
7 νόει ⸀ὃ λέγω· ⸀δώσει γάρ σοι ὁ κύριος σύνεσιν ἐν πᾶσιν.
Genèse 41.38-41.39 1 Jean 5.20 Jacques 3.17 Colossiens 1.9 Hébreux 3.1
8 Μνημόνευε Ἰησοῦν Χριστὸν ἐγηγερμένον ἐκ νεκρῶν, ἐκ σπέρματος Δαυίδ, κατὰ τὸ εὐαγγέλιόν μου·
Matthieu 1.1 Romains 2.16 Actes 2.24 Luc 24.46 Actes 2.30
9 ἐν ᾧ κακοπαθῶ μέχρι δεσμῶν ὡς κακοῦργος. ἀλλὰ ὁ λόγος τοῦ θεοῦ οὐ δέδεται·
2 Timothée 1.8 Philippiens 1.7 Actes 28.31 2 Timothée 1.12 Actes 9.16
10 διὰ τοῦτο πάντα ὑπομένω διὰ τοὺς ἐκλεκτούς, ἵνα καὶ αὐτοὶ σωτηρίας τύχωσιν τῆς ἐν Χριστῷ Ἰησοῦ μετὰ δόξης αἰωνίου.
Colossiens 1.24 2 Corinthiens 4.17 1 Pierre 5.10 2 Corinthiens 1.6 1 Thessaloniciens 5.9
11 πιστὸς ὁ λόγος· εἰ γὰρ συναπεθάνομεν, καὶ συζήσομεν·
Romains 6.8 1 Timothée 1.15 1 Thessaloniciens 5.10 Romains 6.5 1 Thessaloniciens 4.17
12 εἰ ὑπομένομεν, καὶ συμβασιλεύσομεν· εἰ ⸀ἀρνησόμεθα, κἀκεῖνος ἀρνήσεται ἡμᾶς·
Matthieu 10.33 Romains 8.17 Apocalypse 20.4 Luc 12.9 Apocalypse 20.6
13 εἰ ἀπιστοῦμεν, ἐκεῖνος πιστὸς μένει· ⸀ἀρνήσασθαι ἑαυτὸν οὐ δύναται.
Romains 3.3 Nombres 23.19 Tite 1.2 2 Thessaloniciens 3.3 1 Corinthiens 1.9
14 Ταῦτα ὑπομίμνῃσκε, διαμαρτυρόμενος ἐνώπιον τοῦ ⸀κυρίου, μὴ λογομαχεῖν, ⸀ἐπ’ οὐδὲν χρήσιμον, ἐπὶ καταστροφῇ τῶν ἀκουόντων.
2 Timothée 2.23 1 Timothée 5.21 2 Timothée 4.1 Romains 14.1 1 Samuel 12.21
15 σπούδασον σεαυτὸν δόκιμον παραστῆσαι τῷ θεῷ, ἐργάτην ἀνεπαίσχυντον, ὀρθοτομοῦντα τὸν λόγον τῆς ἀληθείας.
2 Pierre 1.10 2 Pierre 1.15 2 Corinthiens 10.18 2 Corinthiens 5.9 1 Thessaloniciens 2.4
16 τὰς δὲ βεβήλους κενοφωνίας περιΐστασο· ἐπὶ πλεῖον γὰρ προκόψουσιν ἀσεβείας,
Tite 3.9 1 Timothée 6.20 Esdras 10.10 2 Thessaloniciens 2.7-2.8 Osée 12.1
17 καὶ ὁ λόγος αὐτῶν ὡς γάγγραινα νομὴν ἕξει· ὧν ἐστιν Ὑμέναιος καὶ Φίλητος,
1 Timothée 1.20 Nahum 3.15 Jacques 5.3
18 οἵτινες περὶ τὴν ἀλήθειαν ἠστόχησαν, ⸀λέγοντες ἀνάστασιν ἤδη γεγονέναι, καὶ ἀνατρέπουσιν τήν τινων πίστιν.
1 Corinthiens 15.12 1 Timothée 1.19 1 Timothée 6.21 Jacques 5.19 1 Jean 2.19
19 ὁ μέντοι στερεὸς θεμέλιος τοῦ θεοῦ ἕστηκεν, ἔχων τὴν σφραγῖδα ταύτην· Ἔγνω κύριος τοὺς ὄντας αὐτοῦ, καί· Ἀποστήτω ἀπὸ ἀδικίας πᾶς ὁ ὀνομάζων τὸ ὄνομα κυρίου.
Jean 10.14 1 Corinthiens 8.3 1 Jean 3.7-3.10 Nombres 16.5 Luc 13.27
20 Ἐν μεγάλῃ δὲ οἰκίᾳ οὐκ ἔστιν μόνον σκεύη χρυσᾶ καὶ ἀργυρᾶ ἀλλὰ καὶ ξύλινα καὶ ὀστράκινα, καὶ ἃ μὲν εἰς τιμὴν ἃ δὲ εἰς ἀτιμίαν·
Romains 9.21-9.23 Lamentations 4.2 1 Pierre 2.5 1 Timothée 3.15 1 Corinthiens 3.16-3.17
21 ἐὰν οὖν τις ἐκκαθάρῃ ἑαυτὸν ἀπὸ τούτων, ἔσται σκεῦος εἰς τιμήν, ἡγιασμένον, ⸀εὔχρηστον τῷ δεσπότῃ, εἰς πᾶν ἔργον ἀγαθὸν ἡτοιμασμένον.
2 Timothée 3.17 Ephésiens 2.10 1 Jean 3.3 2 Corinthiens 7.1 2 Timothée 2.20
22 τὰς δὲ νεωτερικὰς ἐπιθυμίας φεῦγε, δίωκε δὲ δικαιοσύνην, πίστιν, ἀγάπην, εἰρήνην μετὰ τῶν ἐπικαλουμένων τὸν κύριον ἐκ καθαρᾶς καρδίας.1 Corinthiens 6.18 1 Timothée 6.11 1 Pierre 2.11 Hébreux 12.14 1 Pierre 3.11
23 τὰς δὲ μωρὰς καὶ ἀπαιδεύτους ζητήσεις παραιτοῦ, εἰδὼς ὅτι γεννῶσι μάχας·
Tite 3.9 2 Timothée 2.14 1 Timothée 4.7 2 Timothée 2.16 1 Timothée 1.4
24 δοῦλον δὲ κυρίου οὐ δεῖ μάχεσθαι, ἀλλὰ ἤπιον εἶναι πρὸς πάντας, διδακτικόν, ἀνεξίκακον,
Tite 3.2 1 Timothée 3.2-3.3 Tite 1.7 Philippiens 2.14 Colossiens 3.13
25 ἐν πραΰτητι παιδεύοντα τοὺς ἀντιδιατιθεμένους, μήποτε ⸀δώῃ αὐτοῖς ὁ θεὸς μετάνοιαν εἰς ἐπίγνωσιν ἀληθείας,
1 Timothée 2.4 Galates 6.1 Actes 8.22 1 Pierre 3.15 Actes 2.38
26 καὶ ἀνανήψωσιν ἐκ τῆς τοῦ διαβόλου παγίδος, ἐζωγρημένοι ὑπ’ αὐτοῦ εἰς τὸ ἐκείνου θέλημα.
Esaïe 49.25-49.26 1 Timothée 3.7 Psaumes 124.7 Apocalypse 20.2-20.3 Esaïe 42.6-42.7