Deutéronome 33
Septante

Bénédiction de Moïse

1 καὶ αὕτη ἡ εὐλογία ἣν εὐλόγησεν Μωυσῆς ἄνθρωπος τοῦ θεοῦ τοὺς υἱοὺς Ισραηλ πρὸ τῆς τελευτῆς αὐτοῦ.
Josué 14.6 1 Samuel 9.6-9.7 Genèse 49.28 Jean 14.27 2 Pierre 1.21
2 καὶ εἶπεν κύριος ἐκ Σινα ἥκει καὶ ἐπέφανεν ἐκ Σηιρ ἡμῖν καὶ κατέσπευσεν ἐξ ὄρους Φαραν σὺν μυριάσιν Καδης ἐκ δεξιῶν αὐτοῦ ἄγγελοι μετ’ αὐτοῦ.
Habakuk 3.3 Actes 7.53 Apocalypse 5.11 Psaumes 68.17 Psaumes 68.7-68.8
3 καὶ ἐφείσατο τοῦ λαοῦ αὐτοῦ καὶ πάντες οἱ ἡγιασμένοι ὑπὸ τὰς χεῖράς σου καὶ οὗτοι ὑπὸ σέ εἰσιν καὶ ἐδέξατο ἀπὸ τῶν λόγων αὐτοῦ.
Luc 10.39 Deutéronome 7.6-7.8 Actes 22.3 Malachie 1.2 Psaumes 50.5
4 νόμον ὃν ἐνετείλατο ἡμῖν Μωυσῆς κληρονομίαν συναγωγαῖς Ιακωβ.
Psaumes 119.111 Jean 1.17 Jean 7.19 Psaumes 119.72 Deutéronome 9.26-9.29
5 καὶ ἔσται ἐν τῷ ἠγαπημένῳ ἄρχων συναχθέντων ἀρχόντων λαῶν ἅμα φυλαῖς Ισραηλ.
Deutéronome 32.15 Juges 17.6 Nombres 16.13-16.15 Genèse 36.31 Juges 8.22
6 ζήτω Ρουβην καὶ μὴ ἀποθανέτω καὶ ἔστω πολὺς ἐν ἀριθμῷ.
Genèse 49.3-49.4 Genèse 49.8 Nombres 32.31-32.32 Josué 22.1-22.9
7 καὶ αὕτη Ιουδα εἰσάκουσον κύριε φωνῆς Ιουδα καὶ εἰς τὸν λαὸν αὐτοῦ εἰσέλθοισαν αἱ χεῖρες αὐτοῦ διακρινοῦσιν αὐτῷ καὶ βοηθὸς ἐκ τῶν ἐχθρῶν αὐτοῦ ἔσῃ.
Genèse 49.8-49.12 Psaumes 21.8 Psaumes 146.5 2 Samuel 7.9-7.12 Apocalypse 19.13-19.16
8 καὶ τῷ Λευι εἶπεν δότε Λευι δήλους αὐτοῦ καὶ ἀλήθειαν αὐτοῦ τῷ ἀνδρὶ τῷ ὁσίῳ ὃν ἐπείρασαν αὐτὸν ἐν πείρᾳ ἐλοιδόρησαν αὐτὸν ἐπὶ ὕδατος ἀντιλογίας.
Exode 17.7 Exode 28.30 Nombres 20.13 Psaumes 106.16 Lévitique 8.8
9 ὁ λέγων τῷ πατρὶ καὶ τῇ μητρί οὐχ ἑόρακά σε καὶ τοὺς ἀδελφοὺς αὐτοῦ οὐκ ἐπέγνω καὶ τοὺς υἱοὺς αὐτοῦ ἀπέγνω ἐφύλαξεν τὰ λόγιά σου καὶ τὴν διαθήκην σου διετήρησεν.
Malachie 2.5-2.7 Matthieu 22.16 2 Corinthiens 5.16 1 Chroniques 17.17 Lévitique 21.11
10 δηλώσουσιν τὰ δικαιώματά σου τῷ Ιακωβ καὶ τὸν νόμον σου τῷ Ισραηλ ἐπιθήσουσιν θυμίαμα ἐν ὀργῇ σου διὰ παντὸς ἐπὶ τὸ θυσιαστήριόν σου.
Psaumes 51.19 Lévitique 10.11 Deutéronome 17.9-17.11 Exode 30.7-30.8 Ezéchiel 43.27
11 εὐλόγησον κύριε τὴν ἰσχὺν αὐτοῦ καὶ τὰ ἔργα τῶν χειρῶν αὐτοῦ δέξαι κάταξον ὀσφὺν ἐχθρῶν ἐπανεστηκότων αὐτῷ καὶ οἱ μισοῦντες αὐτὸν μὴ ἀναστήτωσαν.
Ezéchiel 43.27 Ezéchiel 20.40-20.41 2 Samuel 24.23 Matthieu 10.14-10.15 Luc 10.10-10.12
12 καὶ τῷ Βενιαμιν εἶπεν ἠγαπημένος ὑπὸ κυρίου κατασκηνώσει πεποιθώς καὶ ὁ θεὸς σκιάζει ἐπ’ αὐτῷ πάσας τὰς ἡμέρας καὶ ἀνὰ μέσον τῶν ὤμων αὐτοῦ κατέπαυσεν.
Psaumes 132.14 1 Rois 12.21 Deutéronome 12.10 Esaïe 37.35 Esaïe 51.16
13 καὶ τῷ Ιωσηφ εἶπεν ἀπ’ εὐλογίας κυρίου ἡ γῆ αὐτοῦ ἀπὸ ὡρῶν οὐρανοῦ καὶ δρόσου καὶ ἀπὸ ἀβύσσων πηγῶν κάτωθεν.
Genèse 49.22-49.26 Proverbes 19.12 Genèse 27.28-27.29 Deutéronome 32.2 Psaumes 110.3
14 καὶ καθ’ ὥραν γενημάτων ἡλίου τροπῶν καὶ ἀπὸ συνόδων μηνῶν.
Psaumes 74.16 Apocalypse 22.2 Deutéronome 28.8 Matthieu 5.45 2 Samuel 23.4
15 καὶ ἀπὸ κορυφῆς ὀρέων ἀρχῆς καὶ ἀπὸ κορυφῆς βουνῶν ἀενάων.
Habakuk 3.6 Genèse 49.26 Jacques 5.7
16 καὶ καθ’ ὥραν γῆς πληρώσεως καὶ τὰ δεκτὰ τῷ ὀφθέντι ἐν τῷ βάτῳ ἔλθοισαν ἐπὶ κεφαλὴν Ιωσηφ καὶ ἐπὶ κορυφῆς δοξασθεὶς ἐν ἀδελφοῖς.
Exode 3.2-3.4 Actes 7.35 Psaumes 24.1 Genèse 49.26 Genèse 45.9-45.11
17 πρωτότοκος ταύρου τὸ κάλλος αὐτοῦ κέρατα μονοκέρωτος τὰ κέρατα αὐτοῦ ἐν αὐτοῖς ἔθνη κερατιεῖ ἅμα ἕως ἐπ’ ἄκρου γῆς αὗται μυριάδες Εφραιμ καὶ αὗται χιλιάδες Μανασση.
Nombres 23.22 Psaumes 44.5 1 Rois 22.11 Nombres 24.8 Psaumes 92.10
18 καὶ τῷ Ζαβουλων εἶπεν εὐφράνθητι Ζαβουλων ἐν ἐξοδίᾳ σου καί Ισσαχαρ ἐν τοῖς σκηνώμασιν αὐτοῦ.
Genèse 49.13-49.15 Josué 19.11 Juges 5.14
19 ἔθνη ἐξολεθρεύσουσιν καὶ ἐπικαλέσεσθε ἐκεῖ καὶ θύσετε θυσίαν δικαιοσύνης ὅτι πλοῦτος θαλάσσης θηλάσει σε καὶ ἐμπόρια παράλιον κατοικούντων.
Esaïe 2.3 Esaïe 60.5 Psaumes 4.5 Exode 15.17 Psaumes 107.22
20 καὶ τῷ Γαδ εἶπεν εὐλογημένος ἐμπλατύνων Γαδ ὡς λέων ἀνεπαύσατο συντρίψας βραχίονα καὶ ἄρχοντα.
Genèse 49.19 Josué 13.8 1 Chroniques 5.18-5.21 Psaumes 18.36 Josué 13.24-13.28
21 καὶ εἶδεν ἀπαρχὴν αὐτοῦ ὅτι ἐκεῖ ἐμερίσθη γῆ ἀρχόντων συνηγμένων ἅμα ἀρχηγοῖς λαῶν δικαιοσύνην κύριος ἐποίησεν καὶ κρίσιν αὐτοῦ μετὰ Ισραηλ.
Josué 1.14 Josué 4.12-4.13 Josué 22.1-22.4 Juges 5.2 Juges 5.11
22 καὶ τῷ Δαν εἶπεν Δαν σκύμνος λέοντος καὶ ἐκπηδήσεται ἐκ τοῦ Βασαν.
Juges 18.27 Josué 19.47 Juges 16.30 Juges 13.2 Juges 13.24-13.25
23 καὶ τῷ Νεφθαλι εἶπεν Νεφθαλι πλησμονὴ δεκτῶν καὶ ἐμπλησθήτω εὐλογίαν παρὰ κυρίου θάλασσαν καὶ λίβα κληρονομήσει.
Genèse 49.21 Josué 19.32-19.39 Psaumes 90.14 Matthieu 4.16 Psaumes 36.8
24 καὶ τῷ Ασηρ εἶπεν εὐλογητὸς ἀπὸ τέκνων Ασηρ καὶ ἔσται δεκτὸς τοῖς ἀδελφοῖς αὐτοῦ βάψει ἐν ἐλαίῳ τὸν πόδα αὐτοῦ.
Genèse 49.20 Job 29.6 Proverbes 3.3-3.4 Psaumes 128.3 Psaumes 128.6
25 σίδηρος καὶ χαλκὸς τὸ ὑπόδημα αὐτοῦ ἔσται καὶ ὡς αἱ ἡμέραι σου ἡ ἰσχύς σου.
Esaïe 41.10 Psaumes 138.3 Philippiens 4.13 2 Chroniques 16.9 Colossiens 1.11
26 οὐκ ἔστιν ὥσπερ ὁ θεὸς τοῦ ἠγαπημένου ὁ ἐπιβαίνων ἐπὶ τὸν οὐρανὸν βοηθός σου καὶ ὁ μεγαλοπρεπὴς τοῦ στερεώματος.
Exode 15.11 Psaumes 104.3 Habakuk 3.8 Psaumes 68.33-68.34 Deutéronome 32.15
27 καὶ σκέπασις θεοῦ ἀρχῆς καὶ ὑπὸ ἰσχὺν βραχιόνων ἀενάων καὶ ἐκβαλεῖ ἀπὸ προσώπου σου ἐχθρὸν λέγων ἀπόλοιο.
Psaumes 18.2 Psaumes 91.9 Esaïe 25.4 Romains 16.20 Esaïe 57.15
28 καὶ κατασκηνώσει Ισραηλ πεποιθὼς μόνος ἐπὶ γῆς Ιακωβ ἐπὶ σίτῳ καὶ οἴνῳ καὶ ὁ οὐρανὸς αὐτῷ συννεφὴς δρόσῳ.
Nombres 23.9 Genèse 27.28 Jérémie 23.6 Deutéronome 33.13 Esaïe 48.1
29 μακάριος σύ Ισραηλ τίς ὅμοιός σοι λαὸς σῳζόμενος ὑπὸ κυρίου ὑπερασπιεῖ ὁ βοηθός σου καὶ ἡ μάχαιρα καύχημά σου καὶ ψεύσονταί σε οἱ ἐχθροί σου καὶ σὺ ἐπὶ τὸν τράχηλον αὐτῶν ἐπιβήσῃ.
Psaumes 115.9-115.11 2 Samuel 7.23 Esaïe 45.17 Esaïe 12.2 Deutéronome 32.13