Esaïe 36
Septante

Le règne d’Ézéchias

Invasion de Juda par Sanchérib

1 καὶ ἐγένετο τοῦ τεσσαρεσκαιδεκάτου ἔτους βασιλεύοντος Εζεκιου ἀνέβη Σενναχηριμ βασιλεὺς Ἀσσυρίων ἐπὶ τὰς πόλεις τῆς Ιουδαίας τὰς ὀχυρὰς καὶ ἔλαβεν αὐτάς.
2 Chroniques 32.1 2 Rois 18.13 2 Rois 18.17 Esaïe 10.28-10.32 Esaïe 8.7-8.8
2 καὶ ἀπέστειλεν βασιλεὺς Ἀσσυρίων Ραψακην ἐκ Λαχις εἰς Ιερουσαλημ πρὸς τὸν βασιλέα Εζεκιαν μετὰ δυνάμεως πολλῆς καὶ ἔστη ἐν τῷ ὑδραγωγῷ τῆς κολυμβήθρας τῆς ἄνω ἐν τῇ ὁδῷ τοῦ ἀγροῦ τοῦ γναφέως.
Esaïe 7.3 2 Chroniques 32.9-32.23 2 Rois 18.17-18.37 Esaïe 22.9-22.11
3 καὶ ἐξῆλθεν πρὸς αὐτὸν Ελιακιμ ὁ τοῦ Χελκιου ὁ οἰκονόμος καὶ Σομνας ὁ γραμματεὺς καὶ Ιωαχ ὁ τοῦ Ασαφ ὁ ὑπομνηματογράφος.
2 Samuel 20.24-20.25 Esaïe 22.15-22.21 2 Samuel 8.16-8.17
4 καὶ εἶπεν αὐτοῖς Ραψακης εἴπατε Εζεκια τάδε λέγει ὁ βασιλεὺς ὁ μέγας βασιλεὺς Ἀσσυρίων τί πεποιθὼς εἶ.
2 Rois 18.19-18.37 2 Rois 19.10 Psaumes 71.10-71.11 Daniel 4.30 Esaïe 37.11-37.15
5 μὴ ἐν βουλῇ ἢ λόγοις χειλέων παράταξις γίνεται καὶ νῦν ἐπὶ τίνι πέποιθας ὅτι ἀπειθεῖς μοι.
2 Rois 18.7 Proverbes 24.5-24.6 Ezéchiel 17.15 Jérémie 52.3 Proverbes 21.30-21.31
6 ἰδοὺ πεποιθὼς εἶ ἐπὶ τὴν ῥάβδον τὴν καλαμίνην τὴν τεθλασμένην ταύτην ἐπ’ Αἴγυπτον ὃς ἂν ἐπ’ αὐτὴν ἐπιστηρισθῇ εἰσελεύσεται εἰς τὴν χεῖρα αὐτοῦ οὕτως ἐστὶν Φαραω βασιλεὺς Αἰγύπτου καὶ πάντες οἱ πεποιθότες ἐπ’ αὐτῷ.
Ezéchiel 29.6-29.7 2 Rois 17.4 Jérémie 37.5-37.8 Esaïe 31.3 Esaïe 20.5-20.6
7 εἰ δὲ λέγετε ἐπὶ κύριον τὸν θεὸν ἡμῶν πεποίθαμεν.
2 Rois 18.4-18.5 2 Chroniques 32.12 Deutéronome 12.13-12.14 2 Rois 18.22 Psaumes 42.10-42.11
8 νῦν μείχθητε τῷ κυρίῳ μου τῷ βασιλεῖ Ἀσσυρίων καὶ δώσω ὑμῖν δισχιλίαν ἵππον εἰ δυνήσεσθε δοῦναι ἀναβάτας ἐπ’ αὐτούς.
1 Samuel 17.40-17.43 1 Rois 20.10 Esaïe 10.13-10.14 2 Rois 18.23 Psaumes 20.7-20.8
9 καὶ πῶς δύνασθε ἀποστρέψαι εἰς πρόσωπον τοπάρχου ἑνός οἰκέται εἰσὶν οἱ πεποιθότες ἐπ’ Αἰγυπτίοις εἰς ἵππον καὶ ἀναβάτην.
Esaïe 10.8 Esaïe 20.5 Jérémie 2.36 Esaïe 30.7 Esaïe 30.16-30.17
10 καὶ νῦν μὴ ἄνευ κυρίου ἀνέβημεν ἐπὶ τὴν χώραν ταύτην πολεμῆσαι αὐτήν.
1 Rois 13.18 2 Chroniques 35.21 Esaïe 37.28 2 Rois 18.25 Esaïe 10.5-10.7
11 καὶ εἶπεν πρὸς αὐτὸν Ελιακιμ καὶ Σομνας καὶ Ιωαχ λάλησον πρὸς τοὺς παῖδάς σου Συριστί ἀκούομεν γὰρ ἡμεῖς καὶ μὴ λάλει πρὸς ἡμᾶς Ιουδαϊστί καὶ ἵνα τί λαλεῖς εἰς τὰ ὦτα τῶν ἀνθρώπων τῶν ἐπὶ τῷ τείχει.
Esdras 4.7 Daniel 2.4 2 Rois 18.26-18.27
12 καὶ εἶπεν Ραψακης πρὸς αὐτούς μὴ πρὸς τὸν κύριον ὑμῶν ἢ πρὸς ὑμᾶς ἀπέσταλκέν με ὁ κύριός μου λαλῆσαι τοὺς λόγους τούτους οὐχὶ πρὸς τοὺς ἀνθρώπους τοὺς καθημένους ἐπὶ τῷ τείχει ἵνα φάγωσιν κόπρον καὶ πίωσιν οὖρον μεθ’ ὑμῶν ἅμα.
Lévitique 26.29 Jérémie 19.9 2 Rois 6.25-6.29 Ezéchiel 4.16 Esaïe 9.20
13 καὶ ἔστη Ραψακης καὶ ἐβόησεν φωνῇ μεγάλῃ Ιουδαϊστὶ καὶ εἶπεν ἀκούσατε τοὺς λόγους τοῦ βασιλέως τοῦ μεγάλου βασιλέως Ἀσσυρίων.
2 Chroniques 32.18 1 Samuel 17.8-17.11 Ezéchiel 31.3-31.10 Esaïe 8.7 Esaïe 10.8-10.13
14 τάδε λέγει ὁ βασιλεύς μὴ ἀπατάτω ὑμᾶς Εζεκιας λόγοις οἳ οὐ δυνήσονται ῥύσασθαι ὑμᾶς.
2 Chroniques 32.11 Esaïe 37.10-37.13 2 Thessaloniciens 2.4 Daniel 6.20 Daniel 7.25
15 καὶ μὴ λεγέτω ὑμῖν Εζεκιας ὅτι ῥύσεται ὑμᾶς ὁ θεός καὶ οὐ μὴ παραδοθῇ ἡ πόλις αὕτη ἐν χειρὶ βασιλέως Ἀσσυρίων.
Esaïe 37.23-37.24 Esaïe 36.7 Matthieu 27.43 Psaumes 71.9-71.11 Psaumes 22.7-22.8
16 μὴ ἀκούετε Εζεκιου τάδε λέγει ὁ βασιλεὺς Ἀσσυρίων εἰ βούλεσθε εὐλογηθῆναι ἐκπορεύεσθε πρός με καὶ φάγεσθε ἕκαστος τὴν ἄμπελον αὐτοῦ καὶ τὰς συκᾶς καὶ πίεσθε ὕδωρ τοῦ λάκκου ὑμῶν.
Zacharie 3.10 1 Rois 4.25 Michée 4.4 1 Samuel 11.3 1 Rois 4.20
17 ἕως ἂν ἔλθω καὶ λάβω ὑμᾶς εἰς γῆν ὡς ἡ γῆ ὑμῶν γῆ σίτου καὶ οἴνου καὶ ἄρτων καὶ ἀμπελώνων.
2 Rois 17.6-17.23 Deutéronome 8.7-8.9 Deutéronome 11.12 Proverbes 12.10 2 Rois 18.32
18 μὴ ὑμᾶς ἀπατάτω Εζεκιας λέγων ὁ θεὸς ὑμῶν ῥύσεται ὑμᾶς μὴ ἐρρύσαντο οἱ θεοὶ τῶν ἐθνῶν ἕκαστος τὴν ἑαυτοῦ χώραν ἐκ χειρὸς βασιλέως Ἀσσυρίων.
Esaïe 36.15 Psaumes 12.4 Jérémie 10.10-10.12 Daniel 3.15 2 Rois 19.12-19.13
19 ποῦ ἐστιν ὁ θεὸς Αιμαθ καὶ Αρφαθ καὶ ποῦ ὁ θεὸς τῆς πόλεως Σεπφαριμ μὴ ἐδύναντο ῥύσασθαι Σαμάρειαν ἐκ χειρός μου.
Jérémie 49.23 Esaïe 10.9-10.11 2 Rois 18.10-18.12 Esaïe 37.11-37.13 2 Samuel 8.9
20 τίς τῶν θεῶν πάντων τῶν ἐθνῶν τούτων ἐρρύσατο τὴν γῆν αὐτοῦ ἐκ τῆς χειρός μου ὅτι ῥύσεται ὁ θεὸς Ιερουσαλημ ἐκ χειρός μου.
2 Chroniques 32.19 Psaumes 73.9 1 Rois 20.23 Exode 5.2 Job 15.25-15.26
21 καὶ ἐσιώπησαν καὶ οὐδεὶς ἀπεκρίθη αὐτῷ λόγον διὰ τὸ προστάξαι τὸν βασιλέα μηδένα ἀποκριθῆναι.
Proverbes 26.4 Psaumes 38.13-38.15 Psaumes 39.1 2 Rois 18.37 2 Rois 18.26
22 καὶ εἰσῆλθεν Ελιακιμ ὁ τοῦ Χελκιου ὁ οἰκονόμος καὶ Σομνας ὁ γραμματεὺς τῆς δυνάμεως καὶ Ιωαχ ὁ τοῦ Ασαφ ὁ ὑπομνηματογράφος πρὸς Εζεκιαν ἐσχισμένοι τοὺς χιτῶνας καὶ ἀπήγγειλαν αὐτῷ τοὺς λόγους Ραψακου.
Esaïe 36.3 Esaïe 33.7 2 Rois 5.7 Esaïe 36.11 Matthieu 26.65