Esaïe 23.10
Septante

Prophétie sur Tyr

¹ τὸ ὅραμα Τύρου ὀλολύζετε πλοῖα Καρχηδόνος ὅτι ἀπώλετο καὶ οὐκέτι ἔρχονται ἐκ γῆς Κιτιαίων ἦκται αἰχμάλωτος.
Joël 3.4-3.8 Jérémie 47.4 Jérémie 25.22 Genèse 10.4 Esaïe 2.16
² τίνι ὅμοιοι γεγόνασιν οἱ ἐνοικοῦντες ἐν τῇ νήσῳ μεταβόλοι Φοινίκης διαπερῶντες τὴν θάλασσαν.
Esaïe 47.5 Psaumes 46.10 Ezéchiel 28.2 Habakuk 2.20 Ezéchiel 27.8-27.36
³ ἐν ὕδατι πολλῷ σπέρμα μεταβόλων ὡς ἀμητοῦ εἰσφερομένου οἱ μεταβόλοι τῶν ἐθνῶν.
Jérémie 2.18 1 Chroniques 13.5 Joël 3.5 Ezéchiel 28.4 Apocalypse 18.11-18.13
⁴ αἰσχύνθητι Σιδών εἶπεν ἡ θάλασσα ἡ δὲ ἰσχὺς τῆς θαλάσσης εἶπεν οὐκ ὤδινον οὐδὲ ἔτεκον οὐδὲ ἐξέθρεψα νεανίσκους οὐδὲ ὕψωσα παρθένους.
Apocalypse 18.23 Genèse 10.19 Jérémie 47.3-47.4 Genèse 10.15 Osée 9.11-9.14
⁵ ὅταν δὲ ἀκουστὸν γένηται Αἰγύπτῳ λήμψεται αὐτοὺς ὀδύνη περὶ Τύρου.
Exode 15.14-15.16 Josué 2.9-2.11 Ezéchiel 27.29-27.36 Apocalypse 18.17-18.19 Ezéchiel 28.19
⁶ ἀπέλθατε εἰς Καρχηδόνα ὀλολύξατε οἱ ἐνοικοῦντες ἐν τῇ νήσῳ ταύτῃ.
Esaïe 23.12 Esaïe 23.1-23.2 Esaïe 23.10 Esaïe 21.15 Esaïe 16.7
⁷ οὐχ αὕτη ἦν ὑμῶν ἡ ὕβρις ἡ ἀπ’ ἀρχῆς πρὶν ἢ παραδοθῆναι αὐτήν.
Esaïe 22.2 Esaïe 47.1-47.2 Josué 19.29 Esaïe 32.13 Ecclésiaste 10.7
⁸ τίς ταῦτα ἐβούλευσεν ἐπὶ Τύρον μὴ ἥσσων ἐστὶν ἢ οὐκ ἰσχύει οἱ ἔμποροι αὐτῆς ἔνδοξοι ἄρχοντες τῆς γῆς.
Esaïe 36.9 Ezéchiel 28.2-28.6 Ezéchiel 28.12-28.18 Esaïe 10.8 Jérémie 50.44-50.45
⁹ κύριος σαβαωθ ἐβουλεύσατο παραλῦσαι πᾶσαν τὴν ὕβριν τῶν ἐνδόξων καὶ ἀτιμάσαι πᾶν ἔνδοξον ἐπὶ τῆς γῆς.
Esaïe 13.11 Daniel 4.37 Esaïe 2.11 Job 40.11-40.12 Jérémie 51.62
¹⁰ ἐργάζου τὴν γῆν σου καὶ γὰρ πλοῖα οὐκέτι ἔρχεται ἐκ Καρχηδόνος.
Lamentations 1.6 Esaïe 23.14 Job 12.21 Romains 5.6 1 Samuel 28.20
¹¹ ἡ δὲ χείρ σου οὐκέτι ἰσχύει κατὰ θάλασσαν ἡ παροξύνουσα βασιλεῖς κύριος σαβαωθ ἐνετείλατο περὶ Χανααν ἀπολέσαι αὐτῆς τὴν ἰσχύν.
Zacharie 9.3-9.4 Exode 14.21 Genèse 9.25 Psaumes 46.6 Esaïe 23.3
¹² καὶ ἐροῦσιν οὐκέτι μὴ προσθῆτε τοῦ ὑβρίζειν καὶ ἀδικεῖν τὴν θυγατέρα Σιδῶνος καὶ ἐὰν ἀπέλθῃς εἰς Κιτιεῖς οὐδὲ ἐκεῖ σοι ἀνάπαυσις ἔσται.
Apocalypse 18.22 Esaïe 47.1 Ezéchiel 26.13-26.14 Esaïe 23.1-23.2 Lamentations 1.15
¹³ καὶ εἰς γῆν Χαλδαίων καὶ αὕτη ἠρήμωται ἀπὸ τῶν Ἀσσυρίων οὐδὲ ἐκεῖ σοι ἀνάπαυσις ἔσται ὅτι ὁ τοῖχος αὐτῆς πέπτωκεν.
Esaïe 10.5 Genèse 2.14 Actes 7.4 Job 1.17 Genèse 11.9
¹⁴ ὀλολύζετε πλοῖα Καρχηδόνος ὅτι ἀπώλετο τὸ ὀχύρωμα ὑμῶν.
Esaïe 23.1 Ezéchiel 27.25-27.30 Esaïe 2.16 Apocalypse 18.11-18.19 Esaïe 23.6
¹⁵ καὶ ἔσται ἐν τῇ ἡμέρᾳ ἐκείνῃ καταλειφθήσεται Τύρος ἔτη ἑβδομήκοντα ὡς χρόνος βασιλέως ὡς χρόνος ἀνθρώπου καὶ ἔσται μετὰ ἑβδομήκοντα ἔτη ἔσται Τύρος ὡς ᾆσμα πόρνης.
Jérémie 25.22 Jérémie 25.9-25.11 Jérémie 29.10 Apocalypse 17.10 Jérémie 27.3-27.7
¹⁶ λαβὲ κιθάραν ῥέμβευσον πόλεις πόρνη ἐπιλελησμένη καλῶς κιθάρισον πολλὰ ᾆσον ἵνα σου μνεία γένηται.
Proverbes 7.10-7.12 Jérémie 30.14
¹⁷ καὶ ἔσται μετὰ ἑβδομήκοντα ἔτη ἐπισκοπὴν ποιήσει ὁ θεὸς Τύρου καὶ πάλιν ἀποκατασταθήσεται εἰς τὸ ἀρχαῖον καὶ ἔσται ἐμπόριον πάσαις ταῖς βασιλείαις τῆς οἰκουμένης.
Nahum 3.4 Ezéchiel 27.6-27.36 Apocalypse 19.2 1 Timothée 3.3 Actes 15.14
¹⁸ καὶ ἔσται αὐτῆς ἡ ἐμπορία καὶ ὁ μισθὸς ἅγιον τῷ κυρίῳ οὐκ αὐτοῖς συναχθήσεται ἀλλὰ τοῖς κατοικοῦσιν ἔναντι κυρίου πᾶσα ἡ ἐμπορία αὐτῆς φαγεῖν καὶ πιεῖν καὶ ἐμπλησθῆναι εἰς συμβολὴν μνημόσυνον ἔναντι κυρίου.
Psaumes 72.10 Matthieu 25.35-25.40 Actes 9.39 Deutéronome 26.12-26.14 Proverbes 3.9-3.10