A paglia è u cantellu
1 « Ùn ghjudicate, di manera à ùn esse ghjudicati ;
Luc 6.37 Jacques 4.11-4.12 Romains 2.1-2.2 Romains 14.10-14.13 Luc 6.41
2 chì com’è vo ghjudicate, sereti ghjudicati, è com’è vo misurate, serà misuratu per voi.
Marc 4.24 Luc 6.38 Juges 1.7 Jacques 2.13 2 Corinthiens 9.6
3 Perchè feghji a paglia chì hè in l’ochju di u to fratellu, mentre chì ùn t’avvedi d’avè un cantellu in u toiu ?
Jean 8.7-8.9 Galates 6.1 2 Samuel 12.5-12.6 Luc 18.11 2 Chroniques 28.9-28.10
4 O allora comu poi dì à u to fratellu : ‘aspetta, ch’e ti cacci sta paglia da l’ochju’ quandu chì, in lu toiu, ci hè un cantellu ?
5 O furdanò, caccia prima u cantellu da u to ochju, è tandu ci viderai per caccià a paglia da l’ochju di u to fratellu !
Luc 13.15 Matthieu 23.13-23.28 Luc 4.23 Psaumes 51.9-51.13 Matthieu 22.18
6 Ùn date ciò chì hè santu à i cani, ùn lampate e perule à i porci, di paura ch’elli e calceghinu, è chjimpà vi si s’elli si voltanu. »
Proverbes 9.7-9.8 Proverbes 23.9 Actes 13.45-13.47 2 Timothée 4.14-4.15 Proverbes 26.11
Cherite, circate, pichjate à a porta
7 « Dumandate, è vi serà datu, circate, è truverate, pichjate, è vi serà apertu ;
Matthieu 21.22 1 Jean 3.22 Jean 15.7 Marc 11.24 Jean 15.16
8 chì à chì dumanda riceve, è à chì cerca trova, è à chì pichja, li serà apertu.
Jean 3.8-3.10 Jean 2.2 Luc 23.42-23.43 Actes 9.11 Psaumes 81.16
9 O quale trà di voi, sì u figliolu li dumanda u pane, li derà una petra ?
Luc 11.11-11.13
10 O s’ellu dumanda u pesciu li derà un serpu ?
11 Dunque sì voi, chì site gattivi, sapete dà belli rigali à i vostri figlioli, quantu più u vostru Babbu chì hè in i celi ne derà robba bella à quelli chì li dumandaranu. »
Luc 11.11-11.13 Romains 8.32 Esaïe 49.15 2 Corinthiens 9.8-9.15 Psaumes 86.5
Comu fà à l’altri
12 « Dunque, tuttu ciò chè vo vulerete chì l’altri fessinu per voi, fate la voi stessu per elli. Chì què hè a Lege è i Prufeti. »
Romains 13.8-13.10 Luc 6.31 Galates 5.13-5.14 Lévitique 19.18 Zacharie 8.16-8.17
E duie porte
13 « Entrate per a porta stretta, chì largu hè u passagiu è bella a strada chì portanu à a perdita, è sò numarosi quelli chì c’entrinu.
Luc 13.24-13.25 Proverbes 16.25 Esaïe 55.7 Galates 5.24 Ezéchiel 18.27-18.32
14 Ma strintu hè u passagiu è ristrettu u viottulu chì portanu à a vita, è quelli chì u trovanu sò pochi ! »
Marc 8.34 Matthieu 16.24-16.25 Romains 12.2 Esaïe 35.8 Luc 13.23-13.30
Si cunnosci l’arburu à i frutti
15 « Guardate vi da i falsi prufeti, chì veninu sin’à voi vistuti da pecure allora chì, in sottu, sò lupi rapaci.
1 Jean 4.1 2 Pierre 2.1-2.3 Matthieu 24.11 Deutéronome 13.1-13.3 Colossiens 2.8
16 I ricunoscereti à i so frutti. Soca si pò coglie uva annantu à i tanghi o fighe annantu à i cardi ?
Luc 6.43-6.45 Jacques 3.12 Matthieu 12.33 Matthieu 7.20 2 Pierre 2.10-2.18
17 Cusì ogni arburu bonu face i frutti belli, allora chì l’arburu fragicu faci i frutti gattivi.
Esaïe 5.3-5.5 Galates 5.22-5.24 Psaumes 92.13-92.14 Ephésiens 5.9 Matthieu 12.33-12.35
18 Un arburu bonu ùn pò fà frutti gattivi nè una arburu fragicu frutti belli.
1 Jean 3.9-3.10 Galates 5.17
19 Ogni arburu chì ùn face micca un bellu fruttu, si taglia è si lampa in u focu.
Matthieu 3.10 Jean 15.2-15.6 Jude 1.12 Luc 3.9 Hébreux 6.8
20 Di fatti, i cunoscereti à i so frutti. »
Matthieu 7.16 Actes 5.38
Dì è fà
21 « A chì mi dice ‘O Signore, O Signore’ ùn entrerà sicuru in lu regnu di i celi, ma à chì face a voluntà di u mo Babbu chì hè in i celi, quellu, sì.
Romains 2.13 Jacques 1.22 Luc 11.28 Matthieu 25.11-25.12 Jean 6.40
22 Parechji mi diceranu quellu ghjornu : ‘O Signore, O Signore, ùn hè in nome toiu chè no avemu prufetizatu, è lampatu fora i demonii, è fattu miraculi assai ?’
1 Corinthiens 13.1-13.2 Luc 13.25-13.27 Nombres 24.4 Malachie 3.17-3.18 Jean 11.51
23 È tandu li diceraghju : ‘Ùn v’aghju mai cunisciutu ; scantate vi da mè, voi chì fate l’iniquità !’ »
Matthieu 25.41 Psaumes 6.8 Luc 13.27 Jean 10.14 Luc 13.25
A parabula di e duie case
24 « Dunque, à chì sente ste parolle, e meie, è e mette in pratica, serà cum’è un omu astutu, chì hà custruitu a so casa annantu u scogliu ;
Luc 6.47-6.49 Jean 13.17 Luc 11.28 Proverbes 10.8 Jean 14.15
25 è hè falata a piossa, è sò vinute e piene, è anu suffiatu i venti, è si sò lampati contru à quella casa, è ùn si n’hè falata chì era stata fatta annantu à u scogliu.
Jacques 1.12 Psaumes 125.1-125.2 1 Pierre 1.7 Actes 14.22 1 Corinthiens 3.13-3.15
26 È à chì sente ste parole, e meie, è ùn e mette in pratica, serà cum’è un omu senza sennu, chì hà custruitu a so casa annantu à a rena ;
Jacques 2.20 Luc 6.49 Jérémie 8.9 Proverbes 14.1 1 Samuel 2.30
27 è hè falata a piossa, è sò vinute e piene, è anu suffiatu i venti, è si sò lampati contru à quella casa, è a casa si ne hè falata, è a so ruina fù tamanta ! »
Matthieu 13.19-13.22 Ezéchiel 13.10-13.16 1 Corinthiens 3.13 Hébreux 10.26-10.31 2 Pierre 2.20-2.22
L’autorità di Ghjesù
28 « È, quandu Ghjesù ebbe compiu di discorre, e folle eranu cumosse da u so insignamentu
Luc 4.32 Marc 6.2 Marc 1.22 Jean 7.46 Jean 7.15
29 perchè ellu l’insegnava cum’è unu chì hà una autorità è micca com’elli fecianu i so maestri di a Lege. »
Hébreux 4.12-4.13 Matthieu 15.1-15.9 Matthieu 5.28 Matthieu 23.2-23.6 Matthieu 28.18