Esaïe 32
Biblia Hebraica Stuttgartensia

¹ הֵ֥ן לְצֶ֖דֶק יִמְלָךְ־מֶ֑לֶךְ וּלְשָׂרִ֖ים לְמִשְׁפָּ֥ט יָשֹֽׂרוּ׃ Esaïe 9.6-9.7 Apocalypse 19.11 Jérémie 33.15 Jérémie 23.5-23.6 2 Samuel 23.3
² וְהָיָה־אִ֥ישׁ כְּמַֽחֲבֵא־ר֖וּחַ וְסֵ֣תֶר זָ֑רֶם כְּפַלְגֵי־מַ֣יִם בְּצָיֹ֔ון כְּצֵ֥ל סֶֽלַע־כָּבֵ֖ד בְּאֶ֥רֶץ עֲיֵפָֽה׃ Esaïe 25.4 Esaïe 9.6 Esaïe 43.20 Psaumes 143.9 Esaïe 41.18
³ וְלֹ֥א תִשְׁעֶ֖ינָה עֵינֵ֣י רֹאִ֑ים וְאָזְנֵ֥י שֹׁמְעִ֖ים תִּקְשַֽׁבְנָה׃ Esaïe 29.18 Marc 7.37 1 Jean 2.20-2.21 Esaïe 35.5-35.6 Esaïe 60.1-60.2
⁴ וּלְבַ֥ב נִמְהָרִ֖ים יָבִ֣ין לָדָ֑עַת וּלְשֹׁ֣ון עִלְּגִ֔ים תְּמַהֵ֖ר לְדַבֵּ֥ר צָחֹֽות׃ Esaïe 29.24 Actes 6.7 Cantique 7.9 Galates 1.23 Matthieu 11.25
⁵ לֹֽא־יִקָּרֵ֥א עֹ֛וד לְנָבָ֖ל נָדִ֑יב וּלְכִילַ֕י לֹ֥א יֵֽאָמֵ֖ר שֹֽׁועַ׃ Esaïe 5.20 1 Samuel 25.25 Proverbes 23.6-23.8 Psaumes 15.4 Malachie 3.18
⁶ כִּ֤י נָבָל֙ נְבָלָ֣ה יְדַבֵּ֔ר וְלִבֹּ֖ו יַעֲשֶׂה־אָ֑וֶן לַעֲשֹׂ֣ות חֹ֗נֶף וּלְדַבֵּ֤ר אֶל־יְהוָה֙ תֹּועָ֔ה לְהָרִיק֙ נֶ֣פֶשׁ רָעֵ֔ב וּמַשְׁקֶ֥ה צָמֵ֖א יַחְסִֽיר׃ Esaïe 3.15 1 Samuel 24.13 Job 22.5-22.9 Jacques 1.14-1.15 Proverbes 19.3
⁷ וְכֵלַ֖י כֵּלָ֣יו רָעִ֑ים ה֚וּא זִמֹּ֣ות יָעָ֔ץ לְחַבֵּ֤ל עֲנִיִּים֙ בְּאִמְרֵי־שֶׁ֔קֶר וּבְדַבֵּ֥ר אֶבְיֹ֖ון מִשְׁפָּֽט׃ Jérémie 5.26-5.28 Esaïe 5.23 Matthieu 26.4 Matthieu 26.14-26.16 Actes 6.11-6.13
⁸ וְנָדִ֖יב נְדִיבֹ֣ות יָעָ֑ץ וְה֖וּא עַל־נְדִיבֹ֥ות יָקֽוּם׃ פ Luc 6.33-6.35 Psaumes 112.9 Proverbes 11.24-11.25 Actes 9.39 Actes 11.29-11.30
⁹ נָשִׁים֙ שַֽׁאֲנַנֹּ֔ות קֹ֖מְנָה שְׁמַ֣עְנָה קֹולִ֑י בָּנֹות֙ בֹּֽטחֹ֔ות הַאְזֵ֖נָּה אִמְרָתִֽי׃ Esaïe 28.23 Esaïe 3.16 Sophonie 2.15 Deutéronome 28.56 Lamentations 4.5
¹⁰ יָמִים֙ עַל־שָׁנָ֔ה תִּרְגַּ֖זְנָה בֹּֽטְחֹ֑ות כִּ֚י כָּלָ֣ה בָצִ֔יר אֹ֖סֶף בְּלִ֥י יָבֹֽוא׃ Esaïe 7.23 Osée 3.4 Jérémie 25.10-25.11 Joël 1.7 Esaïe 24.7-24.12
¹¹ חִרְדוּ֙ שַֽׁאֲנַנֹּ֔ות רְגָ֖זָה בֹּֽטְחֹ֑ות פְּשֹׁ֣טָֽה וְעֹ֔רָה וַחֲגֹ֖ורָה עַל־חֲלָצָֽיִם׃ Esaïe 47.1-47.3 Jérémie 6.26 Esaïe 20.4 Esaïe 2.19 Luc 23.27-23.30
¹² עַל־שָׁדַ֖יִם סֹֽפְדִ֑ים עַל־שְׂדֵי־חֶ֕מֶד עַל־גֶּ֖פֶן פֹּרִיָּֽה׃ Ezéchiel 20.15 Ezéchiel 20.6 Lamentations 2.11 Nahum 2.7 Deutéronome 8.7-8.8
¹³ עַ֚ל אַדְמַ֣ת עַמִּ֔י קֹ֥וץ שָׁמִ֖יר תַּֽעֲלֶ֑ה כִּ֚י עַל־כָּל־בָּתֵּ֣י מָשֹׂ֔ושׂ קִרְיָ֖ה עַלִּיזָֽה׃ Esaïe 22.2 Osée 9.6 Esaïe 34.13 Esaïe 7.23 Esaïe 6.11
¹⁴ כִּֽי־אַרְמֹ֣ון נֻטָּ֔שׁ הֲמֹ֥ון עִ֖יר עֻזָּ֑ב עֹ֣פֶל וָבַ֜חַן הָיָ֨ה בְעַ֤ד מְעָרֹות֙ עַד־עֹולָ֔ם מְשֹׂ֥ושׂ פְּרָאִ֖ים מִרְעֵ֥ה עֲדָרִֽים׃ Esaïe 27.10 Esaïe 24.12 Esaïe 24.10 Esaïe 25.2 Esaïe 24.1-24.3
¹⁵ עַד־יֵ֨עָרֶ֥ה עָלֵ֛ינוּ ר֖וּחַ מִמָּרֹ֑ום וְהָיָ֤ה מִדְבָּר֙ לַכַּרְמֶ֔ל וְהַכַּרְמֶ֖ל לַיַּ֥עַר יֵחָשֵֽׁב׃ Esaïe 29.17 Ezéchiel 39.29 Tite 3.5-3.6 Esaïe 44.3 Esaïe 35.1-35.2
¹⁶ וְשָׁכַ֥ן בַּמִּדְבָּ֖ר מִשְׁפָּ֑ט וּצְדָקָ֖ה בַּכַּרְמֶ֥ל תֵּשֵֽׁב׃ Osée 3.5 Esaïe 42.4 Psaumes 94.14-94.15 Esaïe 60.21 Esaïe 56.6-56.8
¹⁷ וְהָיָ֛ה מַעֲשֵׂ֥ה הַצְּדָקָ֖ה שָׁלֹ֑ום וַֽעֲבֹדַת֙ הַצְּדָקָ֔ה הַשְׁקֵ֥ט וָבֶ֖טַח עַד־עֹולָֽם׃ Psaumes 119.165 Romains 14.17 Psaumes 85.8 Philippiens 4.6-4.9 Esaïe 26.3
¹⁸ וְיָשַׁ֥ב עַמִּ֖י בִּנְוֵ֣ה שָׁלֹ֑ום וּֽבְמִשְׁכְּנֹות֙ מִבְטַחִ֔ים וּבִמְנוּחֹ֖ת שַׁאֲנַנֹּֽות׃ Osée 2.18-2.23 Ezéchiel 34.25-34.26 Zacharie 2.5 Esaïe 60.17-60.18 Jérémie 33.16
¹⁹ וּבָרַ֖ד בְּרֶ֣דֶת הַיָּ֑עַר וּבַשִּׁפְלָ֖ה תִּשְׁפַּ֥ל הָעִֽיר׃ Esaïe 28.17 Esaïe 30.30 Esaïe 28.2 Esaïe 26.5 Zacharie 11.2
²⁰ אַשְׁרֵיכֶ֕ם זֹרְעֵ֖י עַל־כָּל־מָ֑יִם מְשַׁלְּחֵ֥י רֶֽגֶל־הַשֹּׁ֖ור וְהַחֲמֹֽור׃ ס Ecclésiaste 11.1 Esaïe 30.23-30.24 Actes 5.14 Esaïe 55.10-55.11 Esaïe 19.5-19.7