Esaïe 23.13
Biblia Hebraica Stuttgartensia

¹ מַשָּׂ֖א צֹ֑ר הֵילִ֣ילוּ׀ אֳנִיֹּ֣ות תַּרְשִׁ֗ישׁ כִּֽי־שֻׁדַּ֤ד מִבַּ֨יִת֙ מִבֹּ֔וא מֵאֶ֥רֶץ כִּתִּ֖ים נִגְלָה־לָֽמֹו׃Joël 3.4-3.8 Esaïe 2.16 Genèse 10.4 Amos 1.9-1.10 Jérémie 47.4
² דֹּ֖מּוּ יֹ֣שְׁבֵי אִ֑י סֹחֵ֥ר צִידֹ֛ון עֹבֵ֥ר יָ֖ם מִלְאֽוּךְ׃Esaïe 47.5 Habakuk 2.20 Ezéchiel 27.8-27.36 Esaïe 41.1 Ezéchiel 27.3-27.4
³ וּבְמַ֤יִם רַבִּים֙ זֶ֣רַע שִׁחֹ֔ר קְצִ֥יר יְאֹ֖ור תְּבֽוּאָתָ֑הּ וַתְּהִ֖י סְחַ֥ר גֹּויִֽם׃1 Chroniques 13.5 Jérémie 2.18 Apocalypse 18.11-18.13 Esaïe 32.20 Esaïe 23.8
⁴ בֹּ֣ושִׁי צִידֹ֔ון כִּֽי־אָמַ֣ר יָ֔ם מָעֹ֥וז הַיָּ֖ם לֵאמֹ֑ר לֹֽא־חַ֣לְתִּי וְלֹֽא־יָלַ֗דְתִּי וְלֹ֥א גִדַּ֛לְתִּי בַּחוּרִ֖ים רֹומַ֥מְתִּי בְתוּלֹֽות׃Genèse 10.15 Osée 9.11-9.14 Ezéchiel 26.3-26.6 Apocalypse 18.23 Genèse 10.19
⁵ כַּֽאֲשֶׁר־שֵׁ֖מַע לְמִצְרָ֑יִם יָחִ֖ילוּ כְּשֵׁ֥מַע צֹֽר׃Josué 2.9-2.11 Exode 15.14-15.16 Ezéchiel 28.19 Ezéchiel 26.15-26.21 Esaïe 19.16
⁶ עִבְר֖וּ תַּרְשִׁ֑ישָׁה הֵילִ֖ילוּ יֹ֥שְׁבֵי אִֽי׃Esaïe 23.12 Esaïe 16.7 Esaïe 23.1-23.2 Esaïe 23.10 Esaïe 21.15
⁷ הֲזֹ֥את לָכֶ֖ם עַלִּיזָ֑ה מִֽימֵי־קֶ֤דֶם קַדְמָתָהּ֙ יֹבִל֣וּהָ רַגְלֶ֔יהָ מֵֽרָחֹ֖וק לָגֽוּר׃Esaïe 22.2 Ecclésiaste 10.7 Esaïe 47.1-47.2 Josué 19.29 Esaïe 32.13
⁸ מִ֚י יָעַ֣ץ זֹ֔את עַל־צֹ֖ר הַמַּֽעֲטִירָ֑ה אֲשֶׁ֤ר סֹחֲרֶ֨יה֙ שָׂרִ֔ים כִּנְעָנֶ֖יהָ נִכְבַּדֵּי־אָֽרֶץ׃Esaïe 10.8 Jérémie 50.44-50.45 Apocalypse 18.8 Deutéronome 29.24-29.28 Esaïe 36.9
⁹ יְהוָ֥ה צְבָאֹ֖ות יְעָצָ֑הּ לְחַלֵּל֙ גְּאֹ֣ון כָּל־צְבִ֔י לְהָקֵ֖ל כָּל־נִכְבַּדֵּי־אָֽרֶץ׃Esaïe 13.11 Job 40.11-40.12 Daniel 4.37 Esaïe 2.11 Esaïe 46.10-46.11
¹⁰ עִבְרִ֥י אַרְצֵ֖ךְ כַּיְאֹ֑ר בַּת־תַּרְשִׁ֕ישׁ אֵ֖ין מֵ֥זַח עֹֽוד׃Romains 5.6 1 Samuel 28.20 Aggée 2.22 Psaumes 18.32 Lamentations 1.6
¹¹ יָדֹו֙ נָטָ֣ה עַל־הַיָּ֔ם הִרְגִּ֖יז מַמְלָכֹ֑ות יְהוָה֙ צִוָּ֣ה אֶל־כְּנַ֔עַן לַשְׁמִ֖ד מָעֻזְנֶֽיהָ׃Zacharie 9.3-9.4 Exode 14.21 Jean 2.16 Esaïe 25.2 Esaïe 14.16-14.17
¹² וַיֹּ֕אמֶר לֹֽא־תֹוסִ֥יפִי עֹ֖וד לַעְלֹ֑וז הַֽמְעֻשָּׁקָ֞ה בְּתוּלַ֣ת בַּת־צִידֹ֗ון כִּתִּים֙ ק֣וּמִי עֲבֹ֔רִי גַּם־שָׁ֖ם לֹא־יָנ֥וּחַֽ לָֽךְ׃Apocalypse 18.22 Esaïe 23.1-23.2 Esaïe 47.1 Ezéchiel 26.13-26.14 Lamentations 4.15
¹³ הֵ֣ן׀ אֶ֣רֶץ כַּשְׂדִּ֗ים זֶ֤ה הָעָם֙ לֹ֣א הָיָ֔ה אַשּׁ֖וּר יְסָדָ֣הּ לְצִיִּ֑ים הֵקִ֣ימוּ בַחוּנָ֗יו עֹרְרוּ֙ אַרְמְנֹותֶ֔יהָ שָׂמָ֖הּ לְמַפֵּלָֽה׃Esdras 4.9-4.10 Genèse 10.10-10.11 Ezéchiel 29.18 Genèse 11.28 Psaumes 72.9
¹⁴ הֵילִ֖ילוּ אֳנִיֹּ֣ות תַּרְשִׁ֑ישׁ כִּ֥י שֻׁדַּ֖ד מָעֻזְּכֶֽן׃ סEsaïe 23.1 Esaïe 23.6 Ezéchiel 27.25-27.30 Esaïe 2.16 Apocalypse 18.11-18.19
¹⁵ וְהָיָה֙ בַּיֹּ֣ום הַה֔וּא וְנִשְׁכַּ֤חַת צֹר֙ שִׁבְעִ֣ים שָׁנָ֔ה כִּימֵ֖י מֶ֣לֶךְ אֶחָ֑ד מִקֵּ֞ץ שִׁבְעִ֤ים שָׁנָה֙ יִהְיֶ֣ה לְצֹ֔ר כְּשִׁירַ֖ת הַזֹּונָֽה׃Jérémie 25.22 Apocalypse 17.10 Jérémie 27.3-27.7 Daniel 8.21 Ezéchiel 29.11
¹⁶ קְחִ֥י כִנֹּ֛ור סֹ֥בִּי עִ֖יר זֹונָ֣ה נִשְׁכָּחָ֑ה הֵיטִ֤יבִי נַגֵּן֙ הַרְבִּי־שִׁ֔יר לְמַ֖עַן תִּזָּכֵֽרִי׃Proverbes 7.10-7.12 Jérémie 30.14
¹⁷ וְהָיָ֞ה מִקֵּ֣ץ׀ שִׁבְעִ֣ים שָׁנָ֗ה יִפְקֹ֤ד יְהוָה֙ אֶת־צֹ֔ר וְשָׁבָ֖ה לְאֶתְנַנָּ֑ה וְזָֽנְתָ֛ה אֶת־כָּל־מַמְלְכֹ֥ות הָאָ֖רֶץ עַל־פְּנֵ֥י הָאֲדָמָֽה׃Nahum 3.4 Ezéchiel 27.6-27.36 Ezéchiel 16.26 Apocalypse 18.9-18.14 1 Timothée 3.8
¹⁸ וְהָיָ֨ה סַחְרָ֜הּ וְאֶתְנַנָּ֗הּ קֹ֚דֶשׁ לַֽיהוָ֔ה לֹ֥א יֵֽאָצֵ֖ר וְלֹ֣א יֵֽחָסֵ֑ן כִּ֣י לַיֹּשְׁבִ֞ים לִפְנֵ֤י יְהוָה֙ יִֽהְיֶ֣ה סַחְרָ֔הּ לֶאֱכֹ֥ל לְשָׂבְעָ֖ה וְלִמְכַסֶּ֥ה עָתִֽיק׃ פPsaumes 72.10 Proverbes 13.22 Proverbes 28.8 Luc 8.3 Zacharie 14.20-14.21