Cantique 1.8
Biblia Hebraica Stuttgartensia

La jeune femme

¹ שִׁ֥יר הַשִּׁירִ֖ים אֲשֶׁ֥ר לִשְׁלֹמֹֽה׃
² יִשָּׁקֵ֨נִי֙ מִנְּשִׁיקֹ֣ות פִּ֔יהוּ כִּֽי־טֹובִ֥ים דֹּדֶ֖יךָ מִיָּֽיִן׃
Psaumes 63.3-63.5 Cantique 1.4 Cantique 4.10 Esaïe 55.1-55.2 Cantique 8.1-8.2
³ לְרֵ֨יחַ֙ שְׁמָנֶ֣יךָ טֹובִ֔ים שֶׁ֖מֶן תּוּרַ֣ק שְׁמֶ֑ךָ עַל־כֵּ֖ן עֲלָמֹ֥ות אֲהֵבֽוּךָ׃
Ecclésiaste 7.1 Cantique 4.10 Jean 12.3 Psaumes 45.14 Exode 30.23-30.28
⁴ מָשְׁכֵ֖נִי אַחֲרֶ֣יךָ נָּר֑וּצָה הֱבִיאַ֨נִי הַמֶּ֜לֶךְ חֲדָרָ֗יו נָגִ֤ילָה וְנִשְׂמְחָה֙ בָּ֔ךְ נַזְכִּ֤ירָה דֹדֶ֨יךָ֙ מִיַּ֔יִן מֵישָׁרִ֖ים אֲהֵבֽוּךָ׃ ס
Jean 6.44 Psaumes 45.14-45.15 Osée 11.4 Ephésiens 2.6 Psaumes 119.32

La jeune femme

⁵ שְׁחֹורָ֤ה אֲנִי֙ וְֽנָאוָ֔ה בְּנֹ֖ות יְרוּשָׁלִָ֑ם כְּאָהֳלֵ֣י קֵדָ֔ר כִּירִיעֹ֖ות שְׁלֹמֹֽה׃
Psaumes 120.5 Cantique 5.8 Cantique 2.14 Cantique 5.16 Cantique 4.3
⁶ אַל־תִּרְא֨וּנִי֙ שֶׁאֲנִ֣י שְׁחַרְחֹ֔רֶת שֶׁשֱּׁזָפַ֖תְנִי הַשָּׁ֑מֶשׁ בְּנֵ֧י אִמִּ֣י נִֽחֲרוּ־בִ֗י שָׂמֻ֨נִי֙ נֹטֵרָ֣ה אֶת־הַכְּרָמִ֔ים כַּרְמִ֥י שֶׁלִּ֖י לֹ֥א נָטָֽרְתִּי׃
Psaumes 69.8 Cantique 8.11-8.12 Michée 7.6 Marc 4.6 Matthieu 10.22
⁷ הַגִּ֣ידָה לִּ֗י שֶׁ֤אָהֲבָה֙ נַפְשִׁ֔י אֵיכָ֣ה תִרְעֶ֔ה אֵיכָ֖ה תַּרְבִּ֣יץ בַּֽצָּהֳרָ֑יִם שַׁלָּמָ֤ה אֶֽהְיֶה֙ כְּעֹ֣טְיָ֔ה עַ֖ל עֶדְרֵ֥י חֲבֵרֶֽיךָ׃
Cantique 3.1-3.4 Psaumes 23.1-23.2 Esaïe 13.20 Cantique 5.8 Matthieu 10.37

Les filles de Jérusalem

⁸ אִם־לֹ֤א תֵדְעִי֙ לָ֔ךְ הַיָּפָ֖ה בַּנָּשִׁ֑ים צְֽאִי־לָ֞ךְ בְּעִקְבֵ֣י הַצֹּ֗אן וּרְעִי֙ אֶת־גְּדִיֹּתַ֔יִךְ עַ֖ל מִשְׁכְּנֹ֥ות הָרֹעִֽים׃ ס
Cantique 6.1 Cantique 5.9 1 Corinthiens 11.1 Jérémie 6.16 Psaumes 45.13

Le jeune homme

⁹ לְסֻסָתִי֙ בְּרִכְבֵ֣י פַרְעֹ֔ה דִּמִּיתִ֖יךְ רַעְיָתִֽי׃
Cantique 2.13 Cantique 2.2 Cantique 2.10 Cantique 5.2 Esaïe 31.1
¹⁰ נָאו֤וּ לְחָיַ֨יִךְ֙ בַּתֹּרִ֔ים צַוָּארֵ֖ךְ בַּחֲרוּזִֽים׃
Ezéchiel 16.11-16.13 Cantique 5.13 1 Pierre 3.4 2 Pierre 1.3-1.4 Esaïe 3.18-3.21

Les filles de Jérusalem

¹¹ תֹּורֵ֤י זָהָב֙ נַעֲשֶׂה־לָּ֔ךְ עִ֖ם נְקֻדֹּ֥ות הַכָּֽסֶף׃
Psaumes 149.4 Philippiens 3.21 Ephésiens 5.25-5.27 Cantique 8.9 Genèse 1.26

La jeune femme

¹² עַד־שֶׁ֤הַמֶּ֨לֶךְ֙ בִּמְסִבֹּ֔ו נִרְדִּ֖י נָתַ֥ן רֵיחֹֽו׃
Jean 12.3 Matthieu 22.11 Philippiens 4.18 Apocalypse 8.3-8.4 Apocalypse 3.20
¹³ צְרֹ֨ור הַמֹּ֤ר׀ דֹּודִי֙ לִ֔י בֵּ֥ין שָׁדַ֖י יָלִֽין׃
Psaumes 45.8 Jean 19.39 Cantique 3.5 Cantique 5.1 Cantique 2.7
¹⁴ אֶשְׁכֹּ֨ל הַכֹּ֤פֶר׀ דֹּודִי֙ לִ֔י בְּכַרְמֵ֖י עֵ֥ין גֶּֽדִי׃ ס
Cantique 2.3 Cantique 4.13-4.14 Cantique 1.13 1 Samuel 23.29-24.1 Josué 15.62

Le jeune homme

¹⁵ הִנָּ֤ךְ יָפָה֙ רַעְיָתִ֔י הִנָּ֥ךְ יָפָ֖ה עֵינַ֥יִךְ יֹונִֽים׃
Cantique 4.1 Cantique 5.12 Cantique 4.7 Cantique 5.2 Cantique 6.4

La jeune femme

¹⁶ הִנְּךָ֙ יָפֶ֤ה דֹודִי֙ אַ֣ף נָעִ֔ים אַף־עַרְשֵׂ֖נוּ רַעֲנָנָֽה׃
Cantique 2.3 Zacharie 9.17 Cantique 5.10-5.16 Cantique 3.7 Psaumes 45.2
¹⁷ קֹרֹ֤ות בָּתֵּ֨ינוּ֙ אֲרָזִ֔ים רַהִיטֵ֖נוּ בְּרֹותִֽים׃
Hébreux 11.10 2 Chroniques 2.8-2.9 Cantique 7.5 1 Pierre 2.4-2.5 Cantique 8.9