Cantique 1
Biblia Hebraica Stuttgartensia

¹ שִׁ֥יר הַשִּׁירִ֖ים אֲשֶׁ֥ר לִשְׁלֹמֹֽה׃ ² יִשָּׁקֵ֨נִי֙ מִנְּשִׁיקֹ֣ות פִּ֔יהוּ כִּֽי־טֹובִ֥ים דֹּדֶ֖יךָ מִיָּֽיִן׃ Psaumes 63.3-63.5 Cantique 1.4 Cantique 4.10 Esaïe 55.1-55.2 Actes 21.7
³ לְרֵ֨יחַ֙ שְׁמָנֶ֣יךָ טֹובִ֔ים שֶׁ֖מֶן תּוּרַ֣ק שְׁמֶ֑ךָ עַל־כֵּ֖ן עֲלָמֹ֥ות אֲהֵבֽוּךָ׃ Ecclésiaste 7.1 Cantique 4.10 Jean 12.3 Psaumes 45.14 Exode 30.23-30.28
⁴ מָשְׁכֵ֖נִי אַחֲרֶ֣יךָ נָּר֑וּצָה הֱבִיאַ֨נִי הַמֶּ֜לֶךְ חֲדָרָ֗יו נָגִ֤ילָה וְנִשְׂמְחָה֙ בָּ֔ךְ נַזְכִּ֤ירָה דֹדֶ֨יךָ֙ מִיַּ֔יִן מֵישָׁרִ֖ים אֲהֵבֽוּךָ׃ ס Jean 6.44 Psaumes 45.14-45.15 Psaumes 119.32 Jean 12.32 Osée 11.4
⁵ שְׁחֹורָ֤ה אֲנִי֙ וְֽנָאוָ֔ה בְּנֹ֖ות יְרוּשָׁלִָ֑ם כְּאָהֳלֵ֣י קֵדָ֔ר כִּירִיעֹ֖ות שְׁלֹמֹֽה׃ Cantique 5.8 Psaumes 120.5 Cantique 5.16 Cantique 4.3 Cantique 2.7
⁶ אַל־תִּרְא֨וּנִי֙ שֶׁאֲנִ֣י שְׁחַרְחֹ֔רֶת שֶׁשֱּׁזָפַ֖תְנִי הַשָּׁ֑מֶשׁ בְּנֵ֧י אִמִּ֣י נִֽחֲרוּ־בִ֗י שָׂמֻ֨נִי֙ נֹטֵרָ֣ה אֶת־הַכְּרָמִ֔ים כַּרְמִ֥י שֶׁלִּ֖י לֹ֥א נָטָֽרְתִּי׃ Psaumes 69.8 Cantique 8.11-8.12 Ruth 1.19-1.21 Actes 14.22 Matthieu 10.35-10.36
⁷ הַגִּ֣ידָה לִּ֗י שֶׁ֤אָהֲבָה֙ נַפְשִׁ֔י אֵיכָ֣ה תִרְעֶ֔ה אֵיכָ֖ה תַּרְבִּ֣יץ בַּֽצָּהֳרָ֑יִם שַׁלָּמָ֤ה אֶֽהְיֶה֙ כְּעֹ֣טְיָ֔ה עַ֖ל עֶדְרֵ֥י חֲבֵרֶֽיךָ׃ Cantique 3.1-3.4 Psaumes 23.1-23.2 Esaïe 13.20 1 Pierre 1.8 Psaumes 116.1
⁸ אִם־לֹ֤א תֵדְעִי֙ לָ֔ךְ הַיָּפָ֖ה בַּנָּשִׁ֑ים צְֽאִי־לָ֞ךְ בְּעִקְבֵ֣י הַצֹּ֗אן וּרְעִי֙ אֶת־גְּדִיֹּתַ֔יִךְ עַ֖ל מִשְׁכְּנֹ֥ות הָרֹעִֽים׃ ס Cantique 6.1 Cantique 5.9 Jacques 2.21 Cantique 1.15 Apocalypse 19.7-19.8
⁹ לְסֻסָתִי֙ בְּרִכְבֵ֣י פַרְעֹ֔ה דִּמִּיתִ֖יךְ רַעְיָתִֽי׃ Cantique 2.2 Cantique 2.10 Cantique 2.13 Cantique 4.1 Cantique 1.15
¹⁰ נָאו֤וּ לְחָיַ֨יִךְ֙ בַּתֹּרִ֔ים צַוָּארֵ֖ךְ בַּחֲרוּזִֽים׃ Ezéchiel 16.11-16.13 Cantique 5.13 1 Pierre 3.4 Proverbes 1.9 Genèse 41.42
¹¹ תֹּורֵ֤י זָהָב֙ נַעֲשֶׂה־לָּ֔ךְ עִ֖ם נְקֻדֹּ֥ות הַכָּֽסֶף׃ Philippiens 3.21 Psaumes 149.4 Cantique 8.9 Genèse 1.26 Ephésiens 5.25-5.27
¹² עַד־שֶׁ֤הַמֶּ֨לֶךְ֙ בִּמְסִבֹּ֔ו נִרְדִּ֖י נָתַ֥ן רֵיחֹֽו׃ Jean 12.3 Apocalypse 3.20 Luc 24.30-24.32 Marc 14.3 Cantique 4.13-4.16
¹³ צְרֹ֨ור הַמֹּ֤ר׀ דֹּודִי֙ לִ֔י בֵּ֥ין שָׁדַ֖י יָלִֽין׃ Jean 19.39 Psaumes 45.8 Cantique 2.7 Ephésiens 3.17 Cantique 8.3-8.4
¹⁴ אֶשְׁכֹּ֨ל הַכֹּ֤פֶר׀ דֹּודִי֙ לִ֔י בְּכַרְמֵ֖י עֵ֥ין גֶּֽדִי׃ ס Cantique 1.13 1 Samuel 23.29-24.1 Josué 15.62 Cantique 2.3 Cantique 4.13-4.14
¹⁵ הִנָּ֤ךְ יָפָה֙ רַעְיָתִ֔י הִנָּ֥ךְ יָפָ֖ה עֵינַ֥יִךְ יֹונִֽים׃ Cantique 4.1 Cantique 5.12 Cantique 4.7 Cantique 4.10 Cantique 1.8
¹⁶ הִנְּךָ֙ יָפֶ֤ה דֹודִי֙ אַ֣ף נָעִ֔ים אַף־עַרְשֵׂ֖נוּ רַעֲנָנָֽה׃ Cantique 2.3 Psaumes 45.2 Philippiens 3.8-3.9 Apocalypse 5.11-5.13 Psaumes 110.3
¹⁷ קֹרֹ֤ות בָּתֵּ֨ינוּ֙ אֲרָזִ֔ים רַהִיטֵ֖נוּ בְּרֹותִֽים׃ 1 Pierre 2.4-2.5 Cantique 8.9 1 Rois 6.9 1 Timothée 3.15-3.16 Ezéchiel 42.3