Cantique 1.2
Biblia Hebraica Stuttgartensia

¹ שִׁ֥יר הַשִּׁירִ֖ים אֲשֶׁ֥ר לִשְׁלֹמֹֽה׃ ² יִשָּׁקֵ֨נִי֙ מִנְּשִׁיקֹ֣ות פִּ֔יהוּ כִּֽי־טֹובִ֥ים דֹּדֶ֖יךָ מִיָּֽיִן׃Cantique 1.4 Cantique 4.10 Psaumes 63.3-63.5 Esaïe 55.1-55.2 Luc 15.20
³ לְרֵ֨יחַ֙ שְׁמָנֶ֣יךָ טֹובִ֔ים שֶׁ֖מֶן תּוּרַ֣ק שְׁמֶ֑ךָ עַל־כֵּ֖ן עֲלָמֹ֥ות אֲהֵבֽוּךָ׃Ecclésiaste 7.1 Jean 12.3 Psaumes 45.14 Cantique 4.10 Exode 30.23-30.28
⁴ מָשְׁכֵ֖נִי אַחֲרֶ֣יךָ נָּר֑וּצָה הֱבִיאַ֨נִי הַמֶּ֜לֶךְ חֲדָרָ֗יו נָגִ֤ילָה וְנִשְׂמְחָה֙ בָּ֔ךְ נַזְכִּ֤ירָה דֹדֶ֨יךָ֙ מִיַּ֔יִן מֵישָׁרִ֖ים אֲהֵבֽוּךָ׃ סJean 6.44 Psaumes 45.14-45.15 Psaumes 119.32 Jean 12.32 Osée 11.4
⁵ שְׁחֹורָ֤ה אֲנִי֙ וְֽנָאוָ֔ה בְּנֹ֖ות יְרוּשָׁלִָ֑ם כְּאָהֳלֵ֣י קֵדָ֔ר כִּירִיעֹ֖ות שְׁלֹמֹֽה׃Cantique 5.8 Psaumes 120.5 Cantique 4.3 Cantique 2.7 Cantique 2.14
⁶ אַל־תִּרְא֨וּנִי֙ שֶׁאֲנִ֣י שְׁחַרְחֹ֔רֶת שֶׁשֱּׁזָפַ֖תְנִי הַשָּׁ֑מֶשׁ בְּנֵ֧י אִמִּ֣י נִֽחֲרוּ־בִ֗י שָׂמֻ֨נִי֙ נֹטֵרָ֣ה אֶת־הַכְּרָמִ֔ים כַּרְמִ֥י שֶׁלִּ֖י לֹ֥א נָטָֽרְתִּי׃Psaumes 69.8 Cantique 8.11-8.12 Matthieu 10.35-10.36 Jérémie 8.21 Matthieu 10.25
⁷ הַגִּ֣ידָה לִּ֗י שֶׁ֤אָהֲבָה֙ נַפְשִׁ֔י אֵיכָ֣ה תִרְעֶ֔ה אֵיכָ֖ה תַּרְבִּ֣יץ בַּֽצָּהֳרָ֑יִם שַׁלָּמָ֤ה אֶֽהְיֶה֙ כְּעֹ֣טְיָ֔ה עַ֖ל עֶדְרֵ֥י חֲבֵרֶֽיךָ׃Cantique 3.1-3.4 Esaïe 13.20 Psaumes 23.1-23.2 Genèse 37.16 Esaïe 26.9
⁸ אִם־לֹ֤א תֵדְעִי֙ לָ֔ךְ הַיָּפָ֖ה בַּנָּשִׁ֑ים צְֽאִי־לָ֞ךְ בְּעִקְבֵ֣י הַצֹּ֗אן וּרְעִי֙ אֶת־גְּדִיֹּתַ֔יִךְ עַ֖ל מִשְׁכְּנֹ֥ות הָרֹעִֽים׃ סCantique 6.1 Cantique 5.9 Jacques 5.10 Psaumes 16.3 Hébreux 6.12
⁹ לְסֻסָתִי֙ בְּרִכְבֵ֣י פַרְעֹ֔ה דִּמִּיתִ֖יךְ רַעְיָתִֽי׃Cantique 2.10 Cantique 2.13 Cantique 2.2 Jean 15.14-15.15 2 Chroniques 1.14-1.17
¹⁰ נָאו֤וּ לְחָיַ֨יִךְ֙ בַּתֹּרִ֔ים צַוָּארֵ֖ךְ בַּחֲרוּזִֽים׃Ezéchiel 16.11-16.13 Cantique 5.13 1 Pierre 3.4 Genèse 24.47 Cantique 4.9
¹¹ תֹּורֵ֤י זָהָב֙ נַעֲשֶׂה־לָּ֔ךְ עִ֖ם נְקֻדֹּ֥ות הַכָּֽסֶף׃Philippiens 3.21 Psaumes 149.4 Cantique 8.9 Genèse 1.26 Ephésiens 5.25-5.27
¹² עַד־שֶׁ֤הַמֶּ֨לֶךְ֙ בִּמְסִבֹּ֔ו נִרְדִּ֖י נָתַ֥ן רֵיחֹֽו׃Jean 12.3 Cantique 4.13-4.16 Matthieu 26.26-26.28 Matthieu 22.4 Psaumes 45.1
¹³ צְרֹ֨ור הַמֹּ֤ר׀ דֹּודִי֙ לִ֔י בֵּ֥ין שָׁדַ֖י יָלִֽין׃Jean 19.39 Psaumes 45.8 Genèse 43.11 Cantique 4.6 Cantique 5.5
¹⁴ אֶשְׁכֹּ֨ל הַכֹּ֤פֶר׀ דֹּודִי֙ לִ֔י בְּכַרְמֵ֖י עֵ֥ין גֶּֽדִי׃ סCantique 1.13 1 Samuel 23.29-24.1 Josué 15.62 Cantique 2.3 Cantique 4.13-4.14
¹⁵ הִנָּ֤ךְ יָפָה֙ רַעְיָתִ֔י הִנָּ֥ךְ יָפָ֖ה עֵינַ֥יִךְ יֹונִֽים׃Cantique 4.1 Cantique 5.12 Cantique 4.7 Cantique 7.6 2 Corinthiens 11.2-11.3
¹⁶ הִנְּךָ֙ יָפֶ֤ה דֹודִי֙ אַ֣ף נָעִ֔ים אַף־עַרְשֵׂ֖נוּ רַעֲנָנָֽה׃Cantique 2.3 Apocalypse 5.11-5.13 Psaumes 110.3 Zacharie 9.17 Cantique 5.10-5.16
¹⁷ קֹרֹ֤ות בָּתֵּ֨ינוּ֙ אֲרָזִ֔ים רַהִיטֵ֖נוּ בְּרֹותִֽים׃Ezéchiel 42.3 Psaumes 92.12 Ezéchiel 41.16 Hébreux 11.10 2 Chroniques 2.8-2.9