Proverbes 5.12
Biblia Hebraica Stuttgartensia

¹ בְּ֭נִי לְחָכְמָתִ֣י הַקְשִׁ֑יבָה לִ֝תְבוּנָתִ֗י הַט־אָזְנֶֽךָ׃Proverbes 22.17 Proverbes 4.20 Proverbes 2.1 Proverbes 4.1 Apocalypse 3.13
² לִשְׁמֹ֥ר מְזִמֹּ֑ות וְ֝דַ֗עַת שְׂפָתֶ֥יךָ יִנְצֹֽרוּ׃Proverbes 15.2 Cantique 4.11 Proverbes 15.7 Proverbes 16.23 Psaumes 71.15
³ כִּ֤י נֹ֣פֶת תִּ֭טֹּפְנָה שִׂפְתֵ֣י זָרָ֑ה וְחָלָ֖ק מִשֶּׁ֣מֶן חִכָּֽהּ׃Proverbes 2.16 Psaumes 55.21 Proverbes 7.21 Proverbes 6.24 Proverbes 7.5
⁴ וְֽ֭אַחֲרִיתָהּ מָרָ֣ה כַֽלַּעֲנָ֑ה חַ֝דָּ֗ה כְּחֶ֣רֶב פִּיֹּֽות׃Ecclésiaste 7.26 Hébreux 4.12 Psaumes 55.21 Juges 16.15-16.21 Proverbes 6.24-6.35
⁵ רַ֭גְלֶיהָ יֹרְדֹ֣ות מָ֑וֶת שְׁ֝אֹ֗ול צְעָדֶ֥יהָ יִתְמֹֽכוּ׃Proverbes 7.27 Proverbes 2.18-2.19
⁶ אֹ֣רַח חַ֭יִּים פֶּן־תְּפַלֵּ֑ס נָע֥וּ מַ֝עְגְּלֹתֶ֗יהָ לֹ֣א תֵדָֽע׃ פProverbes 4.26 Psaumes 16.11 Psaumes 119.59 Proverbes 5.21 2 Thessaloniciens 2.9-2.10
⁷ וְעַתָּ֣ה בָ֭נִים שִׁמְעוּ־לִ֑י וְאַל־תָּ֝ס֗וּרוּ מֵאִמְרֵי־פִֽי׃Proverbes 4.1 Proverbes 22.17-22.21 Proverbes 4.21 Proverbes 7.24 Hébreux 12.25
⁸ הַרְחֵ֣ק מֵעָלֶ֣יהָ דַרְכֶּ֑ךָ וְאַל־תִּ֝קְרַ֗ב אֶל־פֶּ֥תַח בֵּיתָֽהּ׃Proverbes 7.25 Proverbes 4.15 Ephésiens 5.11 Matthieu 6.13 Proverbes 6.27-6.28
⁹ פֶּן־תִּתֵּ֣ן לַאֲחֵרִ֣ים הֹודֶ֑ךָ וּ֝שְׁנֹתֶ֗יךָ לְאַכְזָרִֽי׃Néhémie 13.26 Genèse 38.23-38.26 Juges 16.19-16.21 Proverbes 6.29-6.35 Osée 4.13-4.14
¹⁰ פֶּֽן־יִשְׂבְּע֣וּ זָרִ֣ים כֹּחֶ֑ךָ וַ֝עֲצָבֶ֗יךָ בְּבֵ֣ית נָכְרִֽי׃Proverbes 31.3 Osée 7.9 Proverbes 6.35 Luc 15.30
¹¹ וְנָהַמְתָּ֥ בְאַחֲרִיתֶ֑ךָ בִּכְלֹ֥ות בְּ֝שָׂרְךָ֗ וּשְׁאֵרֶֽךָ׃Apocalypse 22.15 Proverbes 7.23 Apocalypse 21.8 Jérémie 5.31 Nombres 5.27
¹² וְֽאָמַרְתָּ֗ אֵ֭יךְ שָׂנֵ֣אתִי מוּסָ֑ר וְ֝תֹוכַ֗חַת נָאַ֥ץ לִבִּֽי׃Proverbes 12.1 Proverbes 1.22 Proverbes 15.5 Proverbes 1.25 Proverbes 1.7
¹³ וְֽלֹא־שָׁ֭מַעְתִּי בְּקֹ֣ול מֹורָ֑י וְ֝לִֽמְלַמְּדַ֗י לֹא־הִטִּ֥יתִי אָזְנִֽי׃Hébreux 13.7 Luc 15.18 1 Thessaloniciens 5.12-5.13 1 Thessaloniciens 4.8
¹⁴ כִּ֭מְעַט הָיִ֣יתִי בְכָל־רָ֑ע בְּתֹ֖וךְ קָהָ֣ל וְעֵדָֽה׃2 Pierre 2.10-2.18 1 Corinthiens 10.6-10.8 Proverbes 13.20 Osée 4.11-4.14 Nombres 25.1-25.6
¹⁵ שְׁתֵה־מַ֥יִם מִבֹּורֶ֑ךָ וְ֝נֹזְלִ֗ים מִתֹּ֥וךְ בְּאֵרֶֽךָ׃1 Corinthiens 7.2-7.5 Hébreux 13.4 Proverbes 5.18-5.19
¹⁶ יָפ֣וּצוּ מַעְיְנֹתֶ֣יךָ ח֑וּצָה בָּ֝רְחֹבֹ֗ות פַּלְגֵי־מָֽיִם׃Psaumes 68.26 Esaïe 48.21 Genèse 24.60 Psaumes 127.3 Deutéronome 33.28
¹⁷ יִֽהְיוּ־לְךָ֥ לְבַדֶּ֑ךָ וְאֵ֖ין לְזָרִ֣ים אִתָּֽךְ׃ ¹⁸ יְהִֽי־מְקֹורְךָ֥ בָר֑וּךְ וּ֝שְׂמַ֗ח מֵאֵ֥שֶׁת נְעוּרֶֽךָ׃Ecclésiaste 9.9 Malachie 2.14-2.15 Cantique 4.15 Cantique 4.12
¹⁹ אַיֶּ֥לֶת אֲהָבִ֗ים וְֽיַעֲלַ֫ת־חֵ֥ן דַּ֭דֶּיהָ יְרַוֻּ֣ךָ בְכָל־עֵ֑ת בְּ֝אַהֲבָתָ֗הּ תִּשְׁגֶּ֥ה תָמִֽיד׃Cantique 2.9 Cantique 4.5 Cantique 7.3 Cantique 8.14 Proverbes 5.15
²⁰ וְלָ֤מָּה תִשְׁגֶּ֣ה בְנִ֣י בְזָרָ֑ה וּ֝תְחַבֵּ֗ק חֵ֣ק נָכְרִיָּֽה׃Proverbes 6.24 Proverbes 7.5 Proverbes 2.16-2.19 1 Rois 11.1 Proverbes 23.33
²¹ כִּ֤י נֹ֨כַח׀ עֵינֵ֣י יְ֭הוָה דַּרְכֵי־אִ֑ישׁ וְֽכָל־מַעְגְּלֹתָ֥יו מְפַלֵּֽס׃Hébreux 4.13 Jérémie 16.17 Proverbes 15.3 Job 34.21 Job 31.4
²² עַֽוֹונֹותָ֗יו יִלְכְּדֻנֹ֥ו אֶת־הָרָשָׁ֑ע וּבְחַבְלֵ֥י חַ֝טָּאתֹ֗ו יִתָּמֵֽךְ׃Psaumes 7.15-7.16 Psaumes 9.15 1 Corinthiens 5.9-5.10 Galates 6.7-6.8 Osée 4.11-4.14
²³ ה֗וּא יָ֭מוּת בְּאֵ֣ין מוּסָ֑ר וּבְרֹ֖ב אִוַּלְתֹּ֣ו יִשְׁגֶּֽה׃ פJob 4.21 Job 36.12 Proverbes 10.21 Proverbes 14.32 Psaumes 81.12