Proverbes 5
Biblia Hebraica Stuttgartensia

¹ בְּ֭נִי לְחָכְמָתִ֣י הַקְשִׁ֑יבָה לִ֝תְבוּנָתִ֗י הַט־אָזְנֶֽךָ׃ Proverbes 22.17 Proverbes 4.20 Proverbes 2.1 Apocalypse 3.13 Jacques 1.19
² לִשְׁמֹ֥ר מְזִמֹּ֑ות וְ֝דַ֗עַת שְׂפָתֶ֥יךָ יִנְצֹֽרוּ׃ Proverbes 15.7 Proverbes 16.23 Psaumes 71.15 Malachie 2.6-2.7 Psaumes 119.13
³ כִּ֤י נֹ֣פֶת תִּ֭טֹּפְנָה שִׂפְתֵ֣י זָרָ֑ה וְחָלָ֖ק מִשֶּׁ֣מֶן חִכָּֽהּ׃ Proverbes 2.16 Psaumes 55.21 Proverbes 6.24 Proverbes 7.5 Proverbes 7.21
⁴ וְֽ֭אַחֲרִיתָהּ מָרָ֣ה כַֽלַּעֲנָ֑ה חַ֝דָּ֗ה כְּחֶ֣רֶב פִּיֹּֽות׃ Ecclésiaste 7.26 Hébreux 4.12 Psaumes 55.21 Proverbes 7.22-7.23 Psaumes 57.4
⁵ רַ֭גְלֶיהָ יֹרְדֹ֣ות מָ֑וֶת שְׁ֝אֹ֗ול צְעָדֶ֥יהָ יִתְמֹֽכוּ׃ Proverbes 7.27 Proverbes 2.18-2.19
⁶ אֹ֣רַח חַ֭יִּים פֶּן־תְּפַלֵּ֑ס נָע֥וּ מַ֝עְגְּלֹתֶ֗יהָ לֹ֣א תֵדָֽע׃ פ Proverbes 4.26 Psaumes 16.11 Psaumes 119.59 Proverbes 5.21 Proverbes 6.12-6.13
⁷ וְעַתָּ֣ה בָ֭נִים שִׁמְעוּ־לִ֑י וְאַל־תָּ֝ס֗וּרוּ מֵאִמְרֵי־פִֽי׃ Proverbes 4.1 Proverbes 7.24 Hébreux 12.25 Proverbes 3.21 Proverbes 8.32-8.36
⁸ הַרְחֵ֣ק מֵעָלֶ֣יהָ דַרְכֶּ֑ךָ וְאַל־תִּ֝קְרַ֗ב אֶל־פֶּ֥תַח בֵּיתָֽהּ׃ Proverbes 7.25 Proverbes 4.15 Matthieu 6.13 Proverbes 6.27-6.28 Ephésiens 5.11
⁹ פֶּן־תִּתֵּ֣ן לַאֲחֵרִ֣ים הֹודֶ֑ךָ וּ֝שְׁנֹתֶ֗יךָ לְאַכְזָרִֽי׃ Proverbes 6.29-6.35 Osée 4.13-4.14 Néhémie 13.26 Genèse 38.23-38.26 Juges 16.19-16.21
¹⁰ פֶּֽן־יִשְׂבְּע֣וּ זָרִ֣ים כֹּחֶ֑ךָ וַ֝עֲצָבֶ֗יךָ בְּבֵ֣ית נָכְרִֽי׃ Proverbes 6.35 Luc 15.30 Proverbes 31.3 Osée 7.9
¹¹ וְנָהַמְתָּ֥ בְאַחֲרִיתֶ֑ךָ בִּכְלֹ֥ות בְּ֝שָׂרְךָ֗ וּשְׁאֵרֶֽךָ׃ Apocalypse 22.15 Nombres 5.27 1 Corinthiens 5.4-5.5 Romains 6.21 Deutéronome 32.29
¹² וְֽאָמַרְתָּ֗ אֵ֭יךְ שָׂנֵ֣אתִי מוּסָ֑ר וְ֝תֹוכַ֗חַת נָאַ֥ץ לִבִּֽי׃ Proverbes 12.1 Proverbes 15.5 Proverbes 1.25 Proverbes 1.7 Proverbes 1.22
¹³ וְֽלֹא־שָׁ֭מַעְתִּי בְּקֹ֣ול מֹורָ֑י וְ֝לִֽמְלַמְּדַ֗י לֹא־הִטִּ֥יתִי אָזְנִֽי׃ 1 Thessaloniciens 5.12-5.13 1 Thessaloniciens 4.8 Hébreux 13.7 Luc 15.18
¹⁴ כִּ֭מְעַט הָיִ֣יתִי בְכָל־רָ֑ע בְּתֹ֖וךְ קָהָ֣ל וְעֵדָֽה׃ Proverbes 13.20 Osée 4.11-4.14 Nombres 25.1-25.6 2 Pierre 2.10-2.18 1 Corinthiens 10.6-10.8
¹⁵ שְׁתֵה־מַ֥יִם מִבֹּורֶ֑ךָ וְ֝נֹזְלִ֗ים מִתֹּ֥וךְ בְּאֵרֶֽךָ׃ 1 Corinthiens 7.2-7.5 Hébreux 13.4 Proverbes 5.18-5.19
¹⁶ יָפ֣וּצוּ מַעְיְנֹתֶ֣יךָ ח֑וּצָה בָּ֝רְחֹבֹ֗ות פַּלְגֵי־מָֽיִם׃ Psaumes 68.26 Psaumes 127.3 Deutéronome 33.28 Juges 12.9 Psaumes 128.3
¹⁷ יִֽהְיוּ־לְךָ֥ לְבַדֶּ֑ךָ וְאֵ֖ין לְזָרִ֣ים אִתָּֽךְ׃ ¹⁸ יְהִֽי־מְקֹורְךָ֥ בָר֑וּךְ וּ֝שְׂמַ֗ח מֵאֵ֥שֶׁת נְעוּרֶֽךָ׃ Ecclésiaste 9.9 Cantique 4.15 Cantique 4.12 Malachie 2.14-2.15
¹⁹ אַיֶּ֥לֶת אֲהָבִ֗ים וְֽיַעֲלַ֫ת־חֵ֥ן דַּ֭דֶּיהָ יְרַוֻּ֣ךָ בְכָל־עֵ֑ת בְּ֝אַהֲבָתָ֗הּ תִּשְׁגֶּ֥ה תָמִֽיד׃ Cantique 2.9 Cantique 4.5 Cantique 8.14 Cantique 7.3 Cantique 2.17
²⁰ וְלָ֤מָּה תִשְׁגֶּ֣ה בְנִ֣י בְזָרָ֑ה וּ֝תְחַבֵּ֗ק חֵ֣ק נָכְרִיָּֽה׃ Proverbes 6.24 Proverbes 7.5 Proverbes 22.14 Proverbes 23.27-23.28 Proverbes 2.16-2.19
²¹ כִּ֤י נֹ֨כַח׀ עֵינֵ֣י יְ֭הוָה דַּרְכֵי־אִ֑ישׁ וְֽכָל־מַעְגְּלֹתָ֥יו מְפַלֵּֽס׃ Hébreux 4.13 Job 34.21 Job 31.4 Jérémie 16.17 Proverbes 15.3
²² עַֽוֹונֹותָ֗יו יִלְכְּדֻנֹ֥ו אֶת־הָרָשָׁ֑ע וּבְחַבְלֵ֥י חַ֝טָּאתֹ֗ו יִתָּמֵֽךְ׃ Psaumes 7.15-7.16 Psaumes 9.15 Proverbes 11.5 Ecclésiaste 7.26 Proverbes 11.3
²³ ה֗וּא יָ֭מוּת בְּאֵ֣ין מוּסָ֑ר וּבְרֹ֖ב אִוַּלְתֹּ֣ו יִשְׁגֶּֽה׃ פ Job 4.21 Job 36.12 Proverbes 10.21 Proverbes 14.14 2 Pierre 2.15-2.22