Psaumes 8
Biblia Hebraica Stuttgartensia

La gloire de Dieu dans la création

1 לַמְנַצֵּ֥חַ עַֽל־הַגִּתִּ֗ית מִזְמֹ֥ור לְדָוִֽד׃
Psaumes 113.2-113.4 Psaumes 8.9 Psaumes 57.5 Psaumes 148.13 Hébreux 7.26
2 (8.1) יְהוָ֤ה אֲדֹנֵ֗ינוּ מָֽה־אַדִּ֣יר שִׁ֭מְךָ בְּכָל־הָאָ֑רֶץ אֲשֶׁ֥ר תְּנָ֥ה הֹ֝ודְךָ֗ עַל־הַשָּׁמָֽיִם׃
Matthieu 21.16 1 Corinthiens 1.27 Matthieu 11.25 Psaumes 44.16 Esaïe 37.36-37.38
3 (8.2) מִפִּ֤י עֹֽולְלִ֨ים׀ וְֽיֹנְקִים֮ יִסַּ֪דְתָּ֫ עֹ֥ז לְמַ֥עַן צֹורְרֶ֑יךָ לְהַשְׁבִּ֥ית אֹ֝ויֵ֗ב וּמִתְנַקֵּֽם׃
Psaumes 111.2 Romains 1.20 Exode 31.18 Psaumes 104.19 Genèse 1.1
4 (8.3) כִּֽי־אֶרְאֶ֣ה שָׁ֭מֶיךָ מַעֲשֵׂ֣י אֶצְבְּעֹתֶ֑יךָ יָרֵ֥חַ וְ֝כֹוכָבִ֗ים אֲשֶׁ֣ר כֹּונָֽנְתָּה׃
Psaumes 144.3 Job 7.17 Hébreux 2.6-2.9 Job 25.6 Ezéchiel 8.15
5 (8.4) מָֽה־אֱנֹ֥ושׁ כִּֽי־תִזְכְּרֶ֑נּוּ וּבֶן־אָ֝דָ֗ם כִּ֣י תִפְקְדֶֽנּוּ׃
Hébreux 2.9 Hébreux 2.7 Genèse 1.26-1.27 Genèse 2.7 Job 4.18-4.20
6 (8.5) וַתְּחַסְּרֵ֣הוּ מְּ֭עַט מֵאֱלֹהִ֑ים וְכָבֹ֖וד וְהָדָ֣ר תְּעַטְּרֵֽהוּ׃
Genèse 1.28 Genèse 1.26 Matthieu 28.18 Hébreux 2.8 Ephésiens 1.22
7 (8.6) תַּ֭מְשִׁילֵהוּ בְּמַעֲשֵׂ֣י יָדֶ֑יךָ כֹּ֝ל שַׁ֣תָּה תַֽחַת־רַגְלָֽיו׃
Genèse 2.20
8 (8.7) צֹנֶ֣ה וַאֲלָפִ֣ים כֻּלָּ֑ם וְ֝גַ֗ם בַּהֲמֹ֥ות שָׂדָֽי׃
Genèse 1.20-1.25 Psaumes 148.10 Job 40.15-41.34 Job 38.39-39.30
9 (8.8) צִפֹּ֣ור שָׁ֭מַיִם וּדְגֵ֣י הַיָּ֑ם עֹ֝בֵ֗ר אָרְחֹ֥ות יַמִּֽים׃
Psaumes 8.1 Psaumes 104.24 Deutéronome 33.26 Job 11.7
10 (8.9) יְהוָ֥ה אֲדֹנֵ֑ינוּ מָֽה־אַדִּ֥יר שִׁ֝מְךָ֗ בְּכָל־הָאָֽרֶץ׃