Job 10
Biblia Hebraica Stuttgartensia

¹ נָֽקְטָ֥ה נַפְשִׁ֗י בְּחַ֫יָּ֥י אֶֽעֶזְבָ֣ה עָלַ֣י שִׂיחִ֑י אֲ֝דַבְּרָה֗ בְּמַ֣ר נַפְשִֽׁי׃ Job 7.11 1 Rois 19.4 Job 9.21 Nombres 11.15 Job 6.2-6.4
² אֹמַ֣ר אֶל־אֱ֭לֹוהַּ אַל־תַּרְשִׁיעֵ֑נִי הֹֽ֝ודִיעֵ֗נִי עַ֣ל מַה־תְּרִיבֵֽנִי׃ Job 9.29 Psaumes 143.2 Romains 8.1 Lamentations 5.16-5.17 Job 8.5-8.6
³ הֲטֹ֤וב לְךָ֨׀ כִּֽי־תַעֲשֹׁ֗ק כִּֽי־תִ֭מְאַס יְגִ֣יעַ כַּפֶּ֑יךָ וְעַל־עֲצַ֖ת רְשָׁעִ֣ים הֹופָֽעְתָּ׃ Esaïe 64.8 Job 14.15 Psaumes 138.8 Job 34.18-34.19 Job 8.20
⁴ הַעֵינֵ֣י בָשָׂ֣ר לָ֑ךְ אִם־כִּרְאֹ֖ות אֱנֹ֣ושׁ תִּרְאֶֽה׃ 1 Samuel 16.7 Luc 16.15 Job 9.32 Apocalypse 1.14
⁵ הֲכִימֵ֣י אֱנֹ֣ושׁ יָמֶ֑יךָ אִם־שְׁ֝נֹותֶ֗יךָ כִּ֣ימֵי גָֽבֶר׃ 2 Pierre 3.8 Job 36.26 Psaumes 102.12 Hébreux 1.12 Psaumes 102.24-102.27
⁶ כִּֽי־תְבַקֵּ֥שׁ לַעֲוֹנִ֑י וּ֭לְחַטָּאתִ֥י תִדְרֹֽושׁ׃ Job 14.16 Job 10.14-10.17 Jérémie 2.34 Sophonie 1.12 Jean 2.24-2.25
⁷ עַֽל־דַּ֭עְתְּךָ כִּי־לֹ֣א אֶרְשָׁ֑ע וְאֵ֖ין מִיָּדְךָ֣ מַצִּֽיל׃ Deutéronome 32.39 Job 31.14 Jean 21.17 Job 42.7 2 Corinthiens 1.12
⁸ יָדֶ֣יךָ עִ֭צְּבוּנִי וַֽיַּעֲשׂ֑וּנִי יַ֥חַד סָ֝בִ֗יב וַֽתְּבַלְּעֵֽנִי׃ Psaumes 119.73 Esaïe 43.7 Job 10.3 Jérémie 18.3-18.10 Genèse 6.6-6.7
⁹ זְכָר־נָ֭א כִּי־כַחֹ֣מֶר עֲשִׂיתָ֑נִי וְֽאֶל־עָפָ֥ר תְּשִׁיבֵֽנִי׃ Genèse 2.7 Esaïe 64.8 Genèse 3.19 Ecclésiaste 12.7 Jérémie 18.6
¹⁰ הֲלֹ֣א כֶ֭חָלָב תַּתִּיכֵ֑נִי וְ֝כַגְּבִנָּ֗ה תַּקְפִּיאֵֽנִי׃ Psaumes 139.14-139.16
¹¹ עֹ֣ור וּ֭בָשָׂר תַּלְבִּישֵׁ֑נִי וּֽבַעֲצָמֹ֥ות וְ֝גִידִ֗ים תְּסֹכְכֵֽנִי׃ 2 Corinthiens 5.2-5.3 Ezéchiel 37.4-37.8 Job 40.17-40.18 Ephésiens 4.16
¹² חַיִּ֣ים וָ֭חֶסֶד עָשִׂ֣יתָ עִמָּדִ֑י וּ֝פְקֻדָּתְךָ֗ שָֽׁמְרָ֥ה רוּחִֽי׃ Matthieu 6.25 Actes 17.28 Job 33.4 Actes 17.25 Genèse 19.19
¹³ וְ֭אֵלֶּה צָפַ֣נְתָּ בִלְבָבֶ֑ךָ יָ֝דַ֗עְתִּי כִּי־זֹ֥את עִמָּֽךְ׃ Job 23.13 Ecclésiaste 8.6-8.7 Romains 11.33 Ephésiens 3.11 Esaïe 45.7
¹⁴ אִם־חָטָ֥אתִי וּשְׁמַרְתָּ֑נִי וּ֝מֵעֲוֹנִ֗י לֹ֣א תְנַקֵּֽנִי׃ Job 7.21 Psaumes 130.3 Job 13.26-13.27 Job 9.28 Psaumes 139.1
¹⁵ אִם־רָשַׁ֡עְתִּי אַלְלַ֬י לִ֗י וְ֭צָדַקְתִּי לֹא־אֶשָּׂ֣א רֹאשִׁ֑י שְׂבַ֥ע קָ֝לֹ֗ון וּרְאֵ֥ה עָנְיִֽי׃ Esaïe 3.11 Job 9.15 Job 10.7 Job 9.20-9.21 Psaumes 25.18
¹⁶ וְ֭יִגְאֶה כַּשַּׁ֣חַל תְּצוּדֵ֑נִי וְ֝תָשֹׁ֗ב תִּתְפַּלָּא־בִֽי׃ Esaïe 38.13 Lamentations 3.10 Job 5.9 Osée 13.7-13.8 Deutéronome 28.59
¹⁷ תְּחַדֵּ֬שׁ עֵדֶ֨יךָ׀ נֶגְדִּ֗י וְתֶ֣רֶב כַּֽ֭עַשְׂךָ עִמָּדִ֑י חֲלִיפֹ֖ות וְצָבָ֣א עִמִּֽי׃ Job 16.8 Ruth 1.21 Psaumes 55.19 Sophonie 1.12 Jérémie 48.11
¹⁸ וְלָ֣מָּה מֵ֭רֶחֶם הֹצֵאתָ֑נִי אֶ֝גְוַ֗ע וְעַ֣יִן לֹא־תִרְאֵֽנִי׃ Jérémie 20.14-20.18 Job 3.10-3.11 Matthieu 26.24 Job 14.10 Job 11.20
¹⁹ כַּאֲשֶׁ֣ר לֹא־הָיִ֣יתִי אֶהְיֶ֑ה מִ֝בֶּ֗טֶן לַקֶּ֥בֶר אוּבָֽל׃ Psaumes 58.8
²⁰ הֲלֹא־מְעַ֣ט יָמַ֣י וַחֲדָ֑ל וְשִׁ֥ית מִ֝מֶּ֗נִּי וְאַבְלִ֥יגָה מְּעָֽט׃ Job 14.1 Psaumes 39.13 Job 9.25-9.26 Job 13.21 Psaumes 39.5
²¹ בְּטֶ֣רֶם אֵ֭לֵךְ וְלֹ֣א אָשׁ֑וּב אֶל־אֶ֖רֶץ חֹ֣שֶׁךְ וְצַלְמָֽוֶת׃ 2 Samuel 12.23 Job 3.5 Job 16.22 Psaumes 23.4 Job 14.10-14.14
²² אֶ֤רֶץ עֵיפָ֨תָה׀ כְּמֹ֥ו אֹ֗פֶל צַ֭לְמָוֶת וְלֹ֥א סְדָרִ֗ים וַתֹּ֥פַע כְּמֹו־אֹֽפֶל׃ פ Psaumes 23.4 Psaumes 44.19 Jérémie 2.6 Job 38.17 Jérémie 13.16