1 Samuel 5.1
Vulgate

L’arche de l’alliance chez les Philistins

¹ Philisthim autem tulerunt arcam Dei et asportaverunt eam a lapide Adiutorii in Azotum
1 Samuel 7.12 1 Samuel 4.1 Josué 13.3 Actes 8.40 1 Samuel 4.17-4.18
² tulerunt Philisthim arcam Dei et intulerunt eam in templum Dagon et statuerunt eam iuxta Dagon
Juges 16.23 1 Chroniques 10.10 Daniel 5.2 Daniel 5.23 Habakuk 1.11
³ cumque surrexissent diluculo Azotii altera die ecce Dagon iacebat pronus in terram ante arcam Domini et tulerunt Dagon et restituerunt eum in loco suo
Esaïe 19.1 Esaïe 46.1-46.2 Esaïe 46.7 Jérémie 10.8 2 Corinthiens 6.14-6.16
⁴ rursumque mane die alio consurgentes invenerunt Dagon iacentem super faciem suam in terram coram arca Domini caput autem Dagon et duae palmae manuum eius abscisae erant super limen
Michée 1.7 Jérémie 50.2 Esaïe 27.9 Daniel 11.8 Ezéchiel 6.4-6.6
⁵ porro Dagon truncus solus remanserat in loco suo propter hanc causam non calcant sacerdotes Dagon et omnes qui ingrediuntur templum eius super limen Dagon in Azoto usque in hodiernum diem
Sophonie 1.9 Josué 5.15 Psaumes 115.4-115.7 Psaumes 135.15-135.18
⁶ adgravata autem est manus Domini super Azotios et demolitus est eos et percussit in secretiori parte natium Azotum et fines eius
1 Samuel 5.11 Psaumes 32.4 Actes 13.11 Exode 9.3 Deutéronome 28.27
⁷ videntes autem viri azotii huiuscemodi plagam dixerunt non maneat arca Dei Israhel apud nos quoniam dura est manus eius super nos et super Dagon deum nostrum
Exode 12.33 1 Samuel 5.3-5.4 Jérémie 46.25 1 Samuel 6.20 2 Samuel 6.9
⁸ et mittentes congregaverunt omnes satrapas Philisthinorum ad se et dixerunt quid faciemus de arca Dei Israhel responderuntque Getthei circumducatur arca Dei Israhel et circumduxerunt arcam Dei Israhel
Amos 6.2 1 Samuel 17.4 Zacharie 12.3 1 Samuel 5.11
⁹ illis autem circumducentibus eam fiebat manus Dei per singulas civitates interfectionis magnae nimis et percutiebat viros uniuscuiusque urbis a parvo usque ad maiorem et conputrescebant prominentes extales eorum
1 Samuel 5.6 1 Samuel 7.13 Deutéronome 2.15 1 Samuel 12.15 Psaumes 78.66
¹⁰ miserunt ergo arcam Dei in Accaron cumque venisset arca Dei in Accaron exclamaverunt Accaronitae dicentes adduxerunt ad nos arcam Dei Israhel ut interficiat nos et populum nostrum
Juges 1.18 Josué 15.45 Amos 1.8 2 Rois 1.2
¹¹ miserunt itaque et congregaverunt omnes satrapas Philisthinorum qui dixerunt dimittite arcam Dei Israhel et revertatur in locum suum et non interficiat nos cum populo nostro
1 Samuel 5.6 1 Samuel 5.8-5.9 Jérémie 48.42-48.44 Esaïe 13.7-13.9
¹² fiebat enim pavor mortis in singulis urbibus et gravissima valde manus Dei viri quoque qui mortui non fuerant percutiebantur in secretiori parte natium et ascendebat ululatus uniuscuiusque civitatis in caelum
Exode 12.30 Amos 5.19 Jérémie 48.3 Jérémie 14.2 Esaïe 15.3-15.5