1 Samuel 3.15
Vulgate

Appel de Samuel

¹ puer autem Samuhel ministrabat Domino coram Heli et sermo Domini erat pretiosus in diebus illis non erat visio manifesta
Psaumes 74.9 1 Samuel 2.11 Amos 8.11-8.12 1 Samuel 2.18 1 Samuel 3.21
² factum est ergo in die quadam Heli iacebat in loco suo et oculi eius caligaverant nec poterat videre
1 Samuel 4.15 Genèse 27.1 1 Samuel 2.22 Genèse 48.19 Ecclésiaste 12.3
³ lucerna Dei antequam extingueretur Samuhel autem dormiebat in templo Domini ubi erat arca Dei
2 Chroniques 13.11 Exode 27.20-27.21 Lévitique 24.2-24.4 Psaumes 29.9 Psaumes 5.7
⁴ et vocavit Dominus Samuhel qui respondens ait ecce ego
Genèse 22.1 1 Corinthiens 12.6-12.11 Psaumes 99.6 Galates 1.15-1.16 Esaïe 6.8
⁵ et cucurrit ad Heli et dixit ecce ego vocasti enim me qui dixit non vocavi revertere dormi et abiit et dormivit
⁶ et adiecit Dominus vocare rursum Samuhel consurgensque Samuhel abiit ad Heli et dixit ecce ego quia vocasti me qui respondit non vocavi te fili mi revertere et dormi
Matthieu 9.2 2 Samuel 18.22 1 Samuel 4.16 Genèse 43.29
⁷ porro Samuhel necdum sciebat Dominum neque revelatus fuerat ei sermo Domini
Actes 19.2 Jérémie 9.24
⁸ et adiecit Dominus et vocavit adhuc Samuhel tertio qui consurgens abiit ad Heli
1 Corinthiens 13.11-13.12 Job 33.14-33.15
⁹ et ait ecce ego quia vocasti me intellexit igitur Heli quia Dominus vocaret puerum et ait ad Samuhel vade et dormi et si deinceps vocaverit te dices loquere Domine quia audit servus tuus abiit ergo Samuhel et dormivit in loco suo
Exode 20.19 Daniel 10.19 Esaïe 6.8 Psaumes 85.8 Actes 9.6
¹⁰ et venit Dominus et stetit et vocavit sicut vocaverat secundo Samuhel Samuhel et ait Samuhel loquere quia audit servus tuus
¹¹ et dixit Dominus ad Samuhel ecce ego facio verbum in Israhel quod quicumque audierit tinnient ambae aures eius
Jérémie 19.3 2 Rois 21.12 Habakuk 1.5 Luc 21.26 Actes 13.41
¹² in die illo suscitabo adversum Heli omnia quae locutus sum super domum eius incipiam et conplebo
1 Samuel 2.27-2.36 Josué 23.15 Nombres 23.19 Zacharie 1.6 Luc 21.33
¹³ praedixi enim ei quod iudicaturus essem domum eius in aeternum propter iniquitatem eo quod noverat indigne agere filios suos et non corripuit eos
1 Samuel 2.17 1 Samuel 2.12 Proverbes 29.15 Proverbes 23.13-23.14 1 Samuel 2.22-2.36
¹⁴ idcirco iuravi domui Heli quod non expietur iniquitas domus eius victimis et muneribus usque in aeternum
Esaïe 22.14 1 Samuel 2.25 Hébreux 10.26-10.31 Psaumes 51.16 Jérémie 15.1
¹⁵ dormivit autem Samuhel usque mane aperuitque ostia domus Domini et Samuhel timebat indicare visionem Heli
Jérémie 1.6-1.8 1 Samuel 1.9 1 Corinthiens 16.10-16.11 Malachie 1.10
¹⁶ vocavit ergo Heli Samuhelem et dixit Samuhel fili mi qui respondens ait praesto sum
¹⁷ et interrogavit eum quis est sermo quem locutus est ad te oro te ne celaveris me haec faciat tibi Deus et haec addat si absconderis a me sermonem ex omnibus verbis quae dicta sunt tibi
2 Samuel 3.35 Ruth 1.17 Psaumes 141.5 2 Samuel 19.13 1 Rois 22.16
¹⁸ indicavit itaque ei Samuhel universos sermones et non abscondit ab eo et ille respondit Dominus est quod bonum est in oculis suis faciat
Job 2.10 Esaïe 39.8 Psaumes 39.9 Job 1.21 Lamentations 3.39
¹⁹ crevit autem Samuhel et Dominus erat cum eo et non cecidit ex omnibus verbis eius in terram
1 Samuel 9.6 1 Samuel 2.21 Genèse 39.2 Luc 2.52 Genèse 39.21-39.23
²⁰ et cognovit universus Israhel a Dan usque Bersabee quod fidelis Samuhel propheta esset Domini
Juges 20.1 2 Samuel 3.10 2 Samuel 17.11 1 Timothée 1.12
²¹ et addidit Dominus ut appareret in Silo quoniam revelatus fuerat Dominus Samuheli in Silo iuxta verbum Domini et evenit sermo Samuhelis universo Israheli
1 Samuel 3.1 Genèse 12.7 1 Samuel 3.4 1 Samuel 3.10 Hébreux 1.1