1 Samuel 10.24
Vulgate

Onction de Saül comme roi d’Israël

¹ tulit autem Samuhel lenticulam olei et effudit super caput eius et deosculatus eum ait ecce unxit te Dominus super hereditatem suam in principem
1 Samuel 16.13 Deutéronome 32.9 Psaumes 78.71 Psaumes 2.12 1 Samuel 9.16
² cum abieris hodie a me invenies duos viros iuxta sepulchrum Rachel in finibus Beniamin in meridie dicentque tibi inventae sunt asinae ad quas ieras perquirendas et intermissis pater tuus asinis sollicitus est pro vobis et dicit quid faciam de filio meo
1 Samuel 9.3-9.5 Genèse 35.19-35.20 Josué 18.28 1 Samuel 10.16 Jérémie 31.15
³ cumque abieris inde et ultra transieris et veneris ad quercum Thabor invenient te ibi tres viri ascendentes ad Deum in Bethel unus portans tres hedos et alius tres tortas panis et alius portans lagoenam vini
Genèse 35.1 Genèse 35.3 Genèse 28.22 Genèse 28.19 Lévitique 3.12
⁴ cumque te salutaverint dabunt tibi duos panes et accipies de manu eorum
Juges 18.15
⁵ post haec venies in collem Domini ubi est statio Philisthinorum et cum ingressus fueris ibi urbem obviam habebis gregem prophetarum descendentium de excelso et ante eos psalterium et tympanum et tibiam et citharam ipsosque prophetantes
1 Samuel 13.3 1 Samuel 19.20 2 Rois 3.15 2 Rois 2.5 2 Rois 2.3
⁶ et insiliet in te spiritus Domini et prophetabis cum eis et mutaberis in virum alium
1 Samuel 10.10 1 Samuel 19.23-19.24 Nombres 11.25 1 Samuel 16.13 Juges 3.10
⁷ quando ergo evenerint signa haec omnia tibi fac quaecumque invenerit manus tua quia Dominus tecum est
Juges 6.12 Josué 1.5 Luc 2.12 Exode 4.8 Juges 9.33
⁸ et descendes ante me in Galgala ego quippe descendam ad te ut offeras oblationem et immoles victimas pacificas septem diebus expectabis donec veniam ad te et ostendam tibi quae facias
1 Samuel 11.14-11.15 1 Samuel 13.4 1 Samuel 15.33 1 Samuel 13.8-13.15
⁹ itaque cum avertisset umerum suum ut abiret a Samuhele inmutavit ei Deus cor aliud et venerunt omnia signa haec in die illa
Juges 6.36-6.40 1 Samuel 10.2-10.6 Marc 14.16 Juges 6.21 Esaïe 38.7-38.8
¹⁰ veneruntque ad praedictum collem et ecce cuneus prophetarum obvius ei et insilivit super eum spiritus Dei et prophetavit in medio eorum
1 Samuel 10.5-10.6 1 Samuel 19.20-19.24
¹¹ videntes autem omnes qui noverant eum heri et nudius tertius quod esset cum prophetis et prophetaret dixerunt ad invicem quaenam res accidit filio Cis num et Saul in prophetis
Jean 7.15 1 Samuel 19.24 Matthieu 13.54-13.55 Actes 9.21 Actes 4.13
¹² responditque alius ad alterum dicens et quis pater eorum propterea versum est in proverbium num et Saul inter prophetas
Esaïe 54.13 Jean 6.45 Jacques 1.17 Jean 7.16
¹³ cessavit autem prophetare et venit ad excelsum
¹⁴ dixitque patruus Saul ad eum et ad puerum eius quo abistis qui responderunt quaerere asinas quas cum non repperissemus venimus ad Samuhelem
1 Samuel 14.50 1 Samuel 9.3-9.10 2 Rois 5.25
¹⁵ et dixit ei patruus suus indica mihi quid dixerit tibi Samuhel
¹⁶ et ait Saul ad patruum suum indicavit nobis quia inventae essent asinae de sermone autem regni non indicavit ei quem locutus illi fuerat Samuhel
1 Samuel 9.20 Juges 14.6 1 Samuel 9.27 Exode 4.18 Proverbes 29.11
¹⁷ et convocavit Samuhel populum ad Dominum in Maspha
Juges 20.1 1 Samuel 7.5-7.6
¹⁸ et ait ad filios Israhel haec dicit Dominus Deus Israhel ego eduxi Israhel de Aegypto et erui vos de manu Aegyptiorum et de manu omnium regum qui adfligebant vos
Juges 6.8-6.9 Néhémie 9.27-9.28 Juges 2.1 Néhémie 9.9-9.12
¹⁹ vos autem hodie proiecistis Deum vestrum qui solus salvavit vos de universis malis et tribulationibus vestris et dixistis nequaquam sed regem constitue super nos nunc ergo state coram Domino per tribus vestras et per familias
1 Samuel 12.12 1 Samuel 8.19 Josué 24.1 1 Samuel 8.6-8.9 Josué 7.14-7.26
²⁰ et adplicuit Samuhel omnes tribus Israhel et cecidit sors tribus Beniamin
Actes 1.24-1.26 1 Samuel 14.41 Josué 7.16-7.18
²¹ et adplicuit tribum Beniamin et cognationes eius et cecidit cognatio Metri et pervenit usque ad Saul filium Cis quaesierunt ergo eum et non est inventus
²² et consuluerunt post haec Dominum utrumnam venturus esset illuc responditque Dominus ecce absconditus est domi
Nombres 27.21 Luc 14.11 Juges 1.1 Juges 20.18 1 Samuel 23.11-23.12
²³ cucurrerunt itaque et tulerunt eum inde stetitque in medio populi et altior fuit universo populo ab umero et sursum
1 Samuel 9.2 1 Samuel 16.7 1 Samuel 17.4
²⁴ et ait Samuhel ad omnem populum certe videtis quem elegit Dominus quoniam non sit similis ei in omni populo et clamavit cunctus populus et ait vivat rex
1 Rois 1.25 1 Rois 1.39 2 Samuel 21.6 Deutéronome 17.15 2 Rois 11.12
²⁵ locutus est autem Samuhel ad populum legem regni et scripsit in libro et reposuit coram Domino et dimisit Samuhel omnem populum singulos in domum suam
Deutéronome 17.14-17.20 1 Samuel 8.11-8.18 Ezéchiel 45.9-45.10 1 Timothée 2.2 1 Pierre 2.13-2.14
²⁶ sed et Saul abiit in domum suam in Gabaath et abiit cum eo pars exercitus quorum tetigerat Deus corda
1 Samuel 11.4 1 Samuel 15.34 2 Samuel 21.6 Juges 20.14 Actes 7.10
²⁷ filii vero Belial dixerunt num salvare nos poterit iste et despexerunt eum et non adtulerunt ei munera ille vero dissimulabat se audire
Deutéronome 13.13 2 Chroniques 17.5 1 Rois 10.25 1 Samuel 2.12 Psaumes 38.13