Apocalypse 7.3
Vulgate

Le peuple de Dieu et le septième sceau

¹ post haec vidi quattuor angelos stantes super quattuor angulos terrae tenentes quattuor ventos terrae ne flaret ventus super terram neque super mare neque in ullam arborem
Daniel 7.2 Matthieu 24.31 Jérémie 49.36 Marc 13.27 Esaïe 27.8
² et vidi alterum angelum ascendentem ab ortu solis habentem signum Dei vivi et clamavit voce magna quattuor angelis quibus datum est nocere terrae et mari
Ephésiens 4.30 Ephésiens 1.13 Jean 6.27 Apocalypse 5.2 2 Timothée 2.19
³ dicens nolite nocere terrae neque mari neque arboribus quoadusque signemus servos Dei nostri in frontibus eorum
Apocalypse 14.1 Apocalypse 13.16 Apocalypse 20.4 Apocalypse 22.4 Ezéchiel 9.4
⁴ et audivi numerum signatorum centum quadraginta quattuor milia signati ex omni tribu filiorum Israhel
Apocalypse 9.16 Apocalypse 14.1 Apocalypse 14.3 Luc 22.30 Jacques 1.1
⁵ ex tribu Iuda duodecim milia signati ex tribu Ruben duodecim milia ex tribu Gad duodecim milia
Nombres 1.4-1.15 Exode 1.2-1.4 Nombres 10.14-10.27 1 Corinthiens 2.1-2.2 Nombres 13.4-13.16
⁶ ex tribu Aser duodecim milia ex tribu Nepthalim duodecim milia ex tribu Manasse duodecim milia
Luc 2.36
⁷ ex tribu Symeon duodecim milia ex tribu Levi duodecim milia ex tribu Issachar duodecim milia
Genèse 35.23 Nombres 26.14 Josué 19.17 Genèse 29.34 Exode 6.16
⁸ ex tribu Zabulon duodecim milia ex tribu Ioseph duodecim milia ex tribu Beniamin duodecim milia signati
⁹ post haec vidi turbam magnam quam dinumerare nemo poterat ex omnibus gentibus et tribubus et populis et linguis stantes ante thronum et in conspectu agni amicti stolas albas et palmae in manibus eorum
Jean 12.13 Apocalypse 5.9 Lévitique 23.40 Apocalypse 7.13-7.15 Hébreux 12.22
¹⁰ et clamabant voce magna dicentes salus Deo nostro qui sedet super thronum et agno
Psaumes 3.8 Apocalypse 19.1 Apocalypse 12.10 Apocalypse 22.3 Luc 3.6
¹¹ et omnes angeli stabant in circuitu throni et seniorum et quattuor animalium et ceciderunt in conspectu throni in facies suas et adoraverunt Deum
Apocalypse 4.10 Apocalypse 4.6 Apocalypse 5.11-5.13 Apocalypse 11.16 Apocalypse 19.4-19.6
¹² dicentes amen benedictio et claritas et sapientia et gratiarum actio et honor et virtus et fortitudo Deo nostro in saecula saeculorum amen
Apocalypse 5.12-5.14 Apocalypse 19.4 Psaumes 100.4 Psaumes 95.2 Esaïe 51.3
¹³ et respondit unus de senioribus dicens mihi hii qui amicti sunt stolis albis qui sunt et unde venerunt
Apocalypse 7.9 Apocalypse 4.10 Apocalypse 5.11 Jean 7.28 Apocalypse 5.5
¹⁴ et dixi illi domine mi tu scis et dixit mihi hii sunt qui veniunt de tribulatione magna et laverunt stolas suas et dealbaverunt eas in sanguine agni
1 Jean 1.7 Apocalypse 1.5 Hébreux 9.14 Hébreux 13.12 Esaïe 1.18
¹⁵ ideo sunt ante thronum Dei et serviunt ei die ac nocte in templo eius et qui sedet in throno habitabit super illos
Apocalypse 22.3 Esaïe 4.5-4.6 Apocalypse 21.3-21.4 Jean 1.14 Apocalypse 11.19
¹⁶ non esurient neque sitient amplius neque cadet super illos sol neque ullus aestus
Esaïe 49.10 Psaumes 121.6 Matthieu 5.6 Esaïe 65.13 Matthieu 13.21
¹⁷ quoniam agnus qui in medio throni est reget illos et deducet eos ad vitae fontes aquarum et absterget Deus omnem lacrimam ex oculis eorum
Apocalypse 21.4 Jean 4.14 Jean 10.11 Esaïe 25.8 Psaumes 23.1-23.2