1 Thessaloniciens 3.10
Vulgate

¹ propter quod non sustinentes amplius placuit nobis remanere Athenis solis
Actes 17.15 1 Thessaloniciens 3.5 1 Thessaloniciens 2.17 Jérémie 20.9 2 Corinthiens 2.13
² et misimus Timotheum fratrem nostrum et ministrum Dei in evangelio Christi ad confirmandos vos et exhortandos pro fide vestra
Actes 14.22-14.23 Ephésiens 6.21-6.22 Philippiens 1.25 2 Corinthiens 8.23 2 Corinthiens 1.1
³ ut nemo moveatur in tribulationibus istis ipsi enim scitis quod in hoc positi sumus
Actes 14.22 Actes 9.16 Actes 21.13 Matthieu 24.9-24.10 1 Corinthiens 15.58
⁴ nam et cum apud vos essemus praedicebamus vobis passuros nos tribulationes sicut et factum est et scitis
1 Thessaloniciens 2.14 1 Thessaloniciens 2.2 Actes 20.24 2 Corinthiens 8.1-8.2 2 Thessaloniciens 1.4-1.6
⁵ propterea et ego amplius non sustinens misi ad cognoscendam fidem vestram ne forte temptaverit vos is qui temptat et inanis fiat labor noster
Matthieu 4.3 Philippiens 2.16 Jacques 1.13-1.14 2 Corinthiens 2.11 Esaïe 49.4
⁶ nunc autem veniente Timotheo ad nos a vobis et adnuntiante nobis fidem et caritatem vestram et quia memoriam nostri habetis bonam semper desiderantes nos videre sicut nos quoque vos
1 Corinthiens 11.2 Proverbes 25.25 Actes 18.5 1 Thessaloniciens 1.3 Esaïe 52.7
⁷ ideo consolati sumus fratres in vobis in omni necessitate et tribulatione nostra per vestram fidem
2 Corinthiens 1.4 1 Corinthiens 4.9-4.13 Actes 17.4-17.10 1 Thessaloniciens 3.8-3.9 2 Timothée 3.10-3.12
⁸ quoniam nunc vivimus si vos statis in Domino
1 Corinthiens 16.13 Colossiens 1.23 Ephésiens 3.17 Actes 11.23 Galates 5.1
⁹ quam enim gratiarum actionem possumus Deo retribuere pro vobis in omni gaudio quo gaudemus propter vos ante Deum nostrum
2 Corinthiens 9.15 Deutéronome 16.11 Psaumes 71.14-71.15 Deutéronome 12.18 2 Samuel 6.21
¹⁰ nocte et die abundantius orantes ut videamus faciem vestram et conpleamus ea quae desunt fidei vestrae
2 Timothée 1.3 2 Corinthiens 13.9 Romains 1.10-1.12 2 Corinthiens 1.24 Apocalypse 4.8
¹¹ ipse autem Deus et Pater noster et Dominus Iesus dirigat viam nostram ad vos
2 Thessaloniciens 2.16 Proverbes 3.5-3.6 1 Thessaloniciens 3.13 Romains 1.3 Matthieu 6.6
¹² vos autem Dominus multiplicet et abundare faciat caritatem in invicem et in omnes quemadmodum et nos in vobis
Philippiens 1.9 2 Thessaloniciens 1.3 1 Thessaloniciens 4.9-4.10 1 Thessaloniciens 5.15 1 Jean 3.11-3.19
¹³ ad confirmanda corda vestra sine querella in sanctitate ante Deum et Patrem nostrum in adventu Domini nostri Iesu cum omnibus sanctis eius amen
1 Thessaloniciens 5.23 1 Thessaloniciens 2.19 Colossiens 1.22 Ephésiens 5.27 Zacharie 14.5