Nombres 23
Vulgate

¹ dixitque Balaam ad Balac aedifica mihi hic septem aras et para totidem vitulos eiusdemque numeri arietes Nombres 23.29 1 Samuel 15.22 Ezéchiel 33.31 Jude 1.11 Exode 20.24
² cumque fecisset iuxta sermonem Balaam inposuerunt simul vitulum et arietem super aram Nombres 23.30 Nombres 23.14
³ dixitque Balaam ad Balac sta paulisper iuxta holocaustum tuum donec vadam si forte occurrat mihi Dominus et quodcumque imperaverit loquar tibi Nombres 23.15 Nombres 24.1 Genèse 22.7-22.8 Exode 18.12 Genèse 22.13
⁴ cumque abisset velociter occurrit ei Deus locutusque ad eum Balaam septem inquit aras erexi et inposui vitulum et arietem desuper Nombres 23.16 Jean 16.2 Luc 18.12 Matthieu 20.12 Nombres 23.1
⁵ Dominus autem posuit verbum in ore eius et ait revertere ad Balac et haec loqueris Deutéronome 18.18 Jérémie 1.9 Nombres 23.16 Esaïe 59.21 Esaïe 51.16
⁶ reversus invenit stantem Balac iuxta holocaustum suum et omnes principes Moabitarum ⁷ adsumptaque parabola sua dixit de Aram adduxit me Balac rex Moabitarum de montibus orientis veni inquit et maledic Iacob propera et detestare Israhel Nombres 22.5-22.6 Nombres 24.3 Nombres 23.18 Deutéronome 23.4 Job 27.1
⁸ quomodo maledicam cui non maledixit Deus qua ratione detester quem Dominus non detestatur Nombres 22.12 Esaïe 44.25 Esaïe 47.12-47.13 Nombres 23.23 Nombres 23.20
⁹ de summis silicibus videbo eum et de collibus considerabo illum populus solus habitabit et inter gentes non reputabitur Deutéronome 33.28 Deutéronome 32.8 Exode 33.16 Esdras 9.2 Esther 3.8
¹⁰ quis dinumerare possit pulverem Iacob et nosse numerum stirpis Israhel moriatur anima mea morte iustorum et fiant novissima mea horum similia Psaumes 37.37 Genèse 13.16 Psaumes 116.15 Apocalypse 14.13 Genèse 28.14
¹¹ dixitque Balac ad Balaam quid est hoc quod agis ut malediceres inimicis vocavi te et tu e contrario benedicis eis Nombres 24.10 Néhémie 13.2 Nombres 22.11 Nombres 22.17 Psaumes 109.17-109.20
¹² cui ille respondit num aliud possum loqui nisi quod iusserit Dominus Nombres 22.38 Tite 1.16 Proverbes 26.25 Romains 16.18 Nombres 22.20
¹³ dixit ergo Balac veni mecum in alterum locum unde partem Israhelis videas et totum videre non possis inde maledicito ei Jacques 3.9-3.10 1 Rois 20.23 Michée 6.5 Nombres 22.41 Josué 24.9
¹⁴ cumque duxisset eum in locum sublimem super verticem montis Phasga aedificavit Balaam septem aras et inpositis supra vitulo atque ariete Nombres 23.1-23.2 Deutéronome 3.27 Deutéronome 4.49 Esaïe 1.10-1.11 Esaïe 46.6
¹⁵ dixit ad Balac sta hic iuxta holocaustum tuum donec ego pergam obvius Nombres 23.3 Nombres 22.8
¹⁶ cui cum Dominus occurrisset posuissetque verbum in ore eius ait revertere ad Balac et haec loqueris ei Nombres 23.5 Nombres 24.1 Nombres 22.35
¹⁷ reversus invenit eum stantem iuxta holocaustum suum et principes Moabitarum cum eo ad quem Balac quid inquit locutus est Dominus 1 Samuel 3.17 Nombres 23.26 Jérémie 37.17
¹⁸ at ille adsumpta parabola sua ait sta Balac et ausculta audi fili Sepphor Juges 3.20
¹⁹ non est Deus quasi homo ut mentiatur nec ut filius hominis ut mutetur dixit ergo et non faciet locutus est et non implebit Hébreux 6.18 Romains 11.29 Malachie 3.6 1 Samuel 15.29 Tite 1.2
²⁰ ad benedicendum adductus sum benedictionem prohibere non valeo Nombres 22.12 Genèse 22.17 Genèse 12.2 Romains 8.38-8.39 Jean 10.27-10.29
²¹ non est idolum in Iacob nec videtur simulacrum in Israhel Dominus Deus eius cum eo est et clangor victoriae regis in illo Jérémie 50.20 Exode 29.45-29.46 Romains 4.7-4.8 Esaïe 8.10 Psaumes 47.5-47.7
²² Deus eduxit eum de Aegypto cuius fortitudo similis est rinocerotis Nombres 24.8 Deutéronome 33.17 Psaumes 22.21 Job 39.9-39.11 Exode 14.18
²³ non est augurium in Iacob nec divinatio in Israhel temporibus suis dicetur Iacob et Israheli quid operatus sit Deus Josué 13.22 Luc 10.18-10.19 Nombres 24.1 Matthieu 12.27 Michée 6.4-6.5
²⁴ ecce populus ut leaena consurget et quasi leo erigetur non accubabit donec devoret praedam et occisorum sanguinem bibat Genèse 49.9 Genèse 49.27 Amos 3.8 Psaumes 17.12 Esaïe 31.4
²⁵ dixitque Balac ad Balaam nec maledicas ei nec benedicas Psaumes 2.1-2.3
²⁶ et ille nonne ait dixi tibi quod quicquid mihi Deus imperaret hoc facerem Nombres 22.18 Nombres 23.12-23.13 2 Chroniques 18.13 Actes 4.19-4.20 Actes 5.29
²⁷ et ait Balac ad eum veni et ducam te ad alium locum si forte placeat Deo ut inde maledicas eis Nombres 23.19-23.20 Esaïe 14.27 Job 23.13 Nombres 23.13 Proverbes 19.21
²⁸ cumque duxisset eum super verticem montis Phogor qui respicit solitudinem Nombres 21.20 Psaumes 106.28
²⁹ dixit ei Balaam aedifica mihi hic septem aras et para totidem vitulos eiusdemque numeri arietes Nombres 23.1-23.2
³⁰ fecit Balac ut Balaam dixerat inposuitque vitulos et arietes per singulas aras