Esaïe 24.17
Vulgate

Les bouleversements à venir

Jugement universel

¹ ecce Dominus dissipabit terram et nudabit eam et adfliget faciem eius et disperget habitatores eius
Esaïe 42.15 Nahum 2.10 Esaïe 1.7-1.9 Ezéchiel 6.6 Esaïe 6.11-6.12
² et erit sicut populus sic sacerdos et sicut servus sic dominus eius sicut ancilla sic domina eius sicut emens sic ille qui vendit sicut fenerator sic is qui mutuum accipit sicut qui repetit sic qui debet
Osée 4.9 Ezéchiel 7.12-7.13 Ezéchiel 14.8-14.10 Jérémie 5.3-5.6 Jérémie 42.18
³ dissipatione dissipabitur terra et direptione praedabitur Dominus enim locutus est verbum hoc
Esaïe 24.1 Esaïe 6.11 Lévitique 26.30-26.35 Ezéchiel 36.4 Esaïe 22.25
⁴ luxit et defluxit terra et infirmata est defluxit orbis infirmata est altitudo populi terrae
Esaïe 33.9 Osée 4.3 Esaïe 28.1 Jérémie 4.28 Esaïe 64.6
⁵ et terra interfecta est ab habitatoribus suis quia transgressi sunt leges mutaverunt ius dissipaverunt foedus sempiternum
Romains 8.20-8.21 Nombres 35.33-35.34 Daniel 7.25 Esaïe 10.6 Deutéronome 32.20
⁶ propter hoc maledictio vorabit terram et peccabunt habitatores eius ideoque insanient cultores eius et relinquentur homines pauci
Zacharie 5.3-5.4 Malachie 4.1 Deutéronome 30.18-30.19 2 Pierre 3.10 Lévitique 26.22
⁷ luxit vindemia infirmata est vitis ingemuerunt omnes qui laetabantur corde
Esaïe 16.10 Esaïe 16.8 Joël 1.10-1.12 Osée 9.1-9.2 Esaïe 32.9-32.13
⁸ cessavit gaudium tympanorum quievit sonitus laetantium conticuit dulcedo citharae
Osée 2.11 Ezéchiel 26.13 Apocalypse 18.22 Jérémie 7.34 Jérémie 16.9
⁹ cum cantico non bibent vinum amara erit potio bibentibus illam
Ecclésiaste 9.7 Esaïe 5.22 Psaumes 69.12 Amos 8.3 Esaïe 5.11-5.12
¹⁰ adtrita est civitas vanitatis clausa est omnis domus nullo introeunte
Esaïe 32.14 Jérémie 39.4 Michée 2.13 Jérémie 9.25-9.26 Genèse 11.9
¹¹ clamor erit super vino in plateis deserta est omnis laetitia translatum est gaudium terrae
Esaïe 8.22 Jérémie 48.33 Esaïe 32.13 Luc 16.25 Esaïe 16.10
¹² relicta est in urbe solitudo et calamitas opprimet portas
Lamentations 2.9 Lamentations 1.1 Esaïe 32.14 Michée 1.9 Lamentations 1.4
¹³ quia haec erunt in medio terrae in medio populorum quomodo si paucae olivae quae remanserunt excutiantur ex olea et racemi cum fuerit finita vindemia
Esaïe 1.9 Esaïe 17.5-17.6 Ezéchiel 11.16-11.20 Romains 11.2-11.6 Ezéchiel 7.16
¹⁴ hii levabunt vocem suam atque laudabunt cum glorificatus fuerit Dominus hinnient de mari
Esaïe 54.1 Esaïe 12.1-12.6 Esaïe 35.2 Esaïe 51.11 Esaïe 25.1
¹⁵ propter hoc in doctrinis glorificate Dominum in insulis maris nomen Domini Dei Israhel
Malachie 1.11 Esaïe 42.4 Esaïe 49.1 Esaïe 60.9 Esaïe 51.5
¹⁶ a finibus terrae laudes audivimus gloriam iusti et dixi secretum meum mihi secretum meum mihi vae mihi praevaricantes praevaricati sunt et praevaricatione transgressorum praevaricati sunt
Esaïe 21.2 Jérémie 5.11 Esaïe 33.1 Jérémie 3.20 Apocalypse 15.3
¹⁷ formido et fovea et laqueus super te qui habitator es terrae
Jérémie 48.43-48.44 Lévitique 26.21-26.22 1 Rois 19.17 Amos 5.19 Jérémie 8.3
¹⁸ et erit qui fugerit a voce formidinis cadet in foveam et qui se explicuerit de fovea tenebitur laqueo quia cataractae de excelsis apertae sunt et concutientur fundamenta terrae
Psaumes 18.7 Genèse 7.11 Psaumes 46.2-46.3 Job 18.8-18.16 Genèse 19.24
¹⁹ confractione confringetur terra contritione conteretur terra commotione commovebitur terra
Apocalypse 20.11 Nahum 1.5 Habakuk 3.6 Matthieu 24.3 Deutéronome 11.6
²⁰ agitatione agitabitur terra sicut ebrius et auferetur quasi tabernaculum unius noctis et gravabit eam iniquitas sua et corruet et non adiciet ut resurgat
Esaïe 19.14 Esaïe 29.9 Amos 8.14 Daniel 11.19 Esaïe 43.27
²¹ et erit in die illa visitabit Dominus super militiam caeli in excelso et super reges terrae qui sunt super terram
Psaumes 76.12 Esaïe 10.12 Apocalypse 19.18-19.21 Esaïe 25.10-25.12 Joël 3.19
²² et congregabuntur in congregationem unius fascis in lacum et cludentur ibi in carcerem et post multos dies visitabuntur
Zacharie 9.11 Esaïe 42.22 Jérémie 38.6-38.13 Esaïe 2.19 Esaïe 24.17
²³ et erubescet luna et confundetur sol cum regnaverit Dominus exercituum in monte Sion et in Hierusalem et in conspectu senum suorum fuerit glorificatus
Esaïe 13.10 Hébreux 12.22 Esaïe 60.19 Michée 4.7 Apocalypse 21.23