Esaïe 17.2
Vulgate

Prophétie sur la Syrie

¹ onus Damasci ecce Damascus desinet esse civitas et erit sicut acervus lapidum in ruina
Zacharie 9.1 Amos 1.3-1.5 Esaïe 25.2 Michée 1.6 Esaïe 7.8
² derelictae civitates Aroer gregibus erunt et requiescent ibi et non erit qui exterreat
Ezéchiel 25.5 Michée 4.4 Nombres 32.34 Deutéronome 2.36 Jérémie 7.33
³ et cessabit adiutorium ab Ephraim et regnum a Damasco et reliquiae Syriae sicut gloria filiorum Israhel erunt dicit Dominus exercituum
Esaïe 8.4 Esaïe 7.16 Esaïe 7.8 Osée 9.11 Osée 9.16-9.17
⁴ et erit in die illa adtenuabitur gloria Iacob et pingue carnis eius marcescet
Esaïe 10.16 Esaïe 24.13 Deutéronome 32.15-32.27 Esaïe 9.21 Esaïe 24.16
⁵ et erit sicut congregans in messe quod restiterit et brachium eius spicas leget et erit sicut quaerens spicas in valle Rafaim
Jérémie 51.33 Joël 3.13 2 Samuel 5.18 Matthieu 13.30 2 Samuel 5.22
⁶ et relinquetur in eo sicut racemus et sicut excussio oleae duarum aut trium olivarum in summitate rami sive quattuor aut quinque in cacuminibus eius fructus eius dicit Dominus Deus Israhel
Esaïe 24.13 Deutéronome 4.27 Abdias 1.5 Ezéchiel 36.8-36.15 Romains 11.26
⁷ in die illa inclinabitur homo ad factorem suum et oculi eius ad Sanctum Israhel respicient
Osée 6.1 Michée 7.7 Osée 3.5 Esaïe 29.24 2 Chroniques 30.10-30.11
⁸ et non inclinabitur ad altaria quae fecerunt manus eius et quae operati sunt digiti eius non respiciet lucos et delubra
Esaïe 30.22 Esaïe 27.9 Esaïe 2.8 Michée 5.13-5.14 Osée 8.4-8.6
⁹ in die illa erunt civitates fortitudinis eius derelictae sicut aratra et segetes quae derelictae sunt a facie filiorum Israhel et erit deserta
Esaïe 27.10 Osée 13.15-13.16 Osée 10.14 Esaïe 24.1-24.12 Michée 7.13
¹⁰ quia oblita es Dei salvatoris tui et Fortis adiutoris tui non es recordata propterea plantabis plantationem fidelem et germen alienum seminabis
Esaïe 12.2 Esaïe 26.4 Deutéronome 32.4 Esaïe 51.13 Psaumes 106.21
¹¹ in die plantationis tuae labrusca et mane semen tuum florebit ablata est messis in die hereditatis et dolebit graviter
Osée 8.7 Job 4.8 Joël 1.5-1.12 Romains 2.8-2.9 Psaumes 90.6
¹² vae multitudo populorum multorum ut multitudo maris sonantis et tumultus turbarum sicut sonitus aquarum multarum
Luc 21.25 Psaumes 18.4 Jérémie 6.23 Ezéchiel 43.2 Psaumes 29.3
¹³ sonabunt populi sicut sonitus aquarum inundantium et increpabit eum et fugiet procul et rapietur sicut pulvis montium a facie venti et sicut turbo coram tempestate
Psaumes 9.5 Esaïe 41.15-41.16 Job 21.18 Psaumes 1.4 Esaïe 29.5
¹⁴ in tempore vespere et ecce turbatio in matutino et non subsistet haec est pars eorum qui vastaverunt nos et sors diripientium nos
2 Rois 19.35 Proverbes 22.23 Jérémie 2.3 Psaumes 37.36 Sophonie 2.9-2.10