2 Chroniques 33.16
Vulgate

Règne de Manassé

¹ duodecim annorum erat Manasses cum regnare coepisset et quinquaginta quinque annis regnavit in Hierusalem
2 Rois 21.1-21.18 1 Chroniques 3.13 Esaïe 3.4 Ecclésiaste 10.16 Matthieu 1.10
² fecit autem malum coram Domino iuxta abominationes gentium quas subvertit Dominus coram filiis Israhel
2 Chroniques 28.3 Deutéronome 18.9 2 Rois 21.9 2 Rois 17.11 Esdras 9.14
³ et conversus instauravit excelsa quae demolitus fuerat Ezechias pater eius construxitque aras Baalim et fecit lucos et adoravit omnem militiam caeli et coluit eam
Deutéronome 16.21 2 Chroniques 31.1 Deutéronome 17.3 2 Rois 18.4 2 Rois 23.5-23.6
⁴ aedificavit quoque altaria in domo Domini de qua dixerat Dominus in Hierusalem erit nomen meum in aeternum
2 Chroniques 7.16 2 Chroniques 6.6 1 Rois 8.29 1 Rois 9.3 2 Chroniques 34.3-34.4
⁵ aedificavit autem ea cuncto exercitui caeli in duobus atriis domus Domini
2 Chroniques 4.9 Ezéchiel 8.7-8.18 Jérémie 32.34-32.35
⁶ transireque fecit filios suos per ignem in valle Benennon observabat somnia sectabatur auguria maleficis artibus inserviebat habebat secum magos et incantatores multaque mala operatus est coram Domino ut inritaret eum
2 Chroniques 28.3 2 Rois 21.6 Lévitique 20.6 1 Chroniques 10.13 Lévitique 19.31
⁷ sculptile quoque et conflatile signum posuit in domo Domini de qua locutus est Dominus ad David et ad Salomonem filium eius dicens in domo hac et in Hierusalem quam elegi de cunctis tribubus Israhel ponam nomen meum in sempiternum
2 Chroniques 33.4 1 Rois 8.48 Psaumes 78.68 2 Chroniques 6.6 2 Chroniques 33.15
⁸ et movere non faciam pedem Israhel de terra quam tradidi patribus eorum ita dumtaxat si custodierint facere quae praecepi eis cunctamque legem et caerimonias atque iudicia per manum Mosi
2 Samuel 7.10 Deutéronome 5.1 1 Chroniques 17.9 Lévitique 8.36 Esaïe 1.19-1.20
⁹ igitur Manasses seduxit Iudam et habitatores Hierusalem ut facerent malum super omnes gentes quas subverterat Dominus a facie filiorum Israhel
Ezéchiel 16.45-16.47 2 Chroniques 33.2 2 Rois 17.8-17.11 2 Rois 24.3-24.4 Michée 6.16
¹⁰ locutusque est Dominus ad eum et ad populum illius et adtendere noluerunt
Jérémie 44.4-44.5 Néhémie 9.29-9.30 2 Chroniques 36.15-36.16 Zacharie 1.4 Actes 7.51-7.52
¹¹ idcirco superinduxit eis principes exercitus regis Assyriorum ceperuntque Manassen et vinctum catenis atque conpedibus duxerunt Babylonem
Deutéronome 28.36 Psaumes 107.10-107.14 1 Samuel 13.6 2 Rois 25.6 Job 36.8-36.11
¹² qui postquam coangustatus est oravit Dominum Deum suum et egit paenitentiam valde coram Deo patrum suorum
2 Chroniques 32.26 Osée 5.15 Actes 9.11 2 Chroniques 28.22 2 Chroniques 33.23
¹³ deprecatusque est eum et obsecravit intente et exaudivit orationem eius reduxitque eum Hierusalem in regnum suum et cognovit Manasses quod Dominus ipse esset Deus
Esdras 8.23 1 Chroniques 5.20 Daniel 4.25 Hébreux 8.11 Psaumes 9.16
¹⁴ post haec aedificavit murum extra civitatem David ad occidentem Gion in convalle ab introitu portae Piscium per circuitum usque ad Ophel et exaltavit illum vehementer constituitque principes exercitus in cunctis civitatibus Iuda munitis
1 Rois 1.33 2 Chroniques 27.3 Néhémie 3.3 Sophonie 1.10 Néhémie 12.39
¹⁵ et abstulit deos alienos et simulacrum de domo Domini aras quoque quas fecerat in monte domus Domini et in Hierusalem et proiecit omnia extra urbem
2 Chroniques 33.3-33.7 2 Rois 21.7 Matthieu 3.8 Ezéchiel 18.20-18.22 Esaïe 2.17-2.21
¹⁶ porro instauravit altare Domini et immolavit super illud victimas et pacifica et laudem praecepitque Iudae ut serviret Domino Deo Israhel
1 Rois 18.30 2 Chroniques 29.18 Lévitique 3.1-3.17 2 Chroniques 33.9 Luc 22.32
¹⁷ attamen adhuc populus immolabat in excelsis Domino Deo suo
2 Chroniques 32.12 2 Rois 15.4 2 Chroniques 15.17 1 Rois 22.43
¹⁸ reliqua autem gestorum Manasse et obsecratio eius ad Deum suum verba quoque videntium qui loquebantur ad eum in nomine Domini Dei Israhel continentur in sermonibus regum Israhel
Esaïe 30.10 2 Chroniques 33.19 Amos 7.12 2 Chroniques 33.12-33.13 Michée 3.7
¹⁹ oratio quoque eius et exauditio et cuncta peccata atque contemptus loca etiam in quibus aedificavit excelsa et fecit lucos et statuas antequam ageret paenitentiam scripta sunt in sermonibus Ozai
Romains 5.16 Actes 9.11 Proverbes 15.8 2 Chroniques 30.11 1 Jean 1.9
²⁰ dormivit ergo Manasses cum patribus suis et sepelierunt eum in domo sua regnavitque pro eo filius eius Amon
2 Chroniques 32.33 1 Chroniques 3.14 2 Rois 21.18-21.25 Matthieu 1.10

Règne d’Amon

²¹ viginti duo annorum erat Amon cum regnare coepisset et duobus annis regnavit in Hierusalem
2 Rois 21.19-21.24 2 Chroniques 33.1 Jacques 4.13-4.15 Luc 12.19-12.20
²² fecitque malum in conspectu Domini sicut fecerat Manasses pater eius et cunctis idolis quae Manasses fuerat fabricatus immolavit atque servivit
Esaïe 44.13-44.20 2 Chroniques 34.3-34.4 2 Rois 21.1-21.11 Ezéchiel 20.18 2 Chroniques 33.1-33.10
²³ et non est reveritus faciem Domini sicut reveritus est Manasses pater eius et multo maiora deliquit
2 Chroniques 33.12 2 Chroniques 33.19 2 Chroniques 33.1 Jérémie 8.12 2 Chroniques 28.22
²⁴ cumque coniurassent adversus eum servi sui interfecerunt eum in domo sua
2 Samuel 4.5-4.12 Psaumes 55.23 Romains 11.22 2 Chroniques 24.25-24.26 2 Rois 21.23-21.26
²⁵ porro reliqua populi multitudo caesis his qui Amon percusserant constituit regem Iosiam filium eius pro eo
2 Chroniques 26.1 Nombres 35.33 2 Chroniques 34.1 Nombres 35.31 Genèse 9.5-9.6