Esaïe 13.16
Septante

Prophéties sur les nations étrangères

Prophétie sur Babylone

¹ ὅρασις ἣν εἶδεν Ησαιας υἱὸς Αμως κατὰ Βαβυλῶνος.
Esaïe 1.1 Esaïe 47.1-47.15 Esaïe 15.1 Esaïe 14.28 Zacharie 12.1
² ἐπ’ ὄρους πεδινοῦ ἄρατε σημεῖον ὑψώσατε τὴν φωνὴν αὐτοῖς μὴ φοβεῖσθε παρακαλεῖτε τῇ χειρί ἀνοίξατε οἱ ἄρχοντες.
Esaïe 5.26 Jérémie 51.58 Jérémie 50.2 Jérémie 51.25 Esaïe 45.1-45.3
³ ἐγὼ συντάσσω καὶ ἐγὼ ἄγω αὐτούς ἡγιασμένοι εἰσίν καὶ ἐγὼ ἄγω αὐτούς γίγαντες ἔρχονται πληρῶσαι τὸν θυμόν μου χαίροντες ἅμα καὶ ὑβρίζοντες.
Joël 3.11 Psaumes 149.2 Esaïe 45.4-45.5 Esdras 6.1-6.22 Esaïe 44.27-44.28
⁴ φωνὴ ἐθνῶν πολλῶν ἐπὶ τῶν ὀρέων ὁμοία ἐθνῶν πολλῶν φωνὴ βασιλέων καὶ ἐθνῶν συνηγμένων κύριος σαβαωθ ἐντέταλται ἔθνει ὁπλομάχῳ.
Joël 3.14 Jérémie 51.27-51.28 Jérémie 50.21-50.46 Joël 2.1-2.11 Apocalypse 18.8
⁵ ἔρχεσθαι ἐκ γῆς πόρρωθεν ἀπ’ ἄκρου θεμελίου τοῦ οὐρανοῦ κύριος καὶ οἱ ὁπλομάχοι αὐτοῦ τοῦ καταφθεῖραι τὴν οἰκουμένην ὅλην.
Esaïe 24.1 Esaïe 13.17 Jérémie 50.3 Jérémie 51.20-51.46 Jérémie 51.11
⁶ ὀλολύζετε ἐγγὺς γὰρ ἡ ἡμέρα κυρίου καὶ συντριβὴ παρὰ τοῦ θεοῦ ἥξει.
Joël 1.15 Esaïe 2.12 Amos 5.18 Ezéchiel 30.2-30.3 Esaïe 34.8
⁷ διὰ τοῦτο πᾶσα χεὶρ ἐκλυθήσεται καὶ πᾶσα ψυχὴ ἀνθρώπου δειλιάσει.
Ezéchiel 21.7 Nahum 2.10 Ezéchiel 7.17 Esaïe 19.1 Esaïe 10.3-10.4
⁸ καὶ ταραχθήσονται οἱ πρέσβεις καὶ ὠδῖνες αὐτοὺς ἕξουσιν ὡς γυναικὸς τικτούσης καὶ συμφοράσουσιν ἕτερος πρὸς τὸν ἕτερον καὶ ἐκστήσονται καὶ τὸ πρόσωπον αὐτῶν ὡς φλὸξ μεταβαλοῦσιν.
Esaïe 26.17 Nahum 2.10 Esaïe 21.3-21.4 Psaumes 48.5-48.6 Joël 2.6
⁹ ἰδοὺ γὰρ ἡμέρα κυρίου ἀνίατος ἔρχεται θυμοῦ καὶ ὀργῆς θεῖναι τὴν οἰκουμένην ὅλην ἔρημον καὶ τοὺς ἁμαρτωλοὺς ἀπολέσαι ἐξ αὐτῆς.
Esaïe 47.10-47.15 Esaïe 13.15-13.18 Psaumes 104.35 Jérémie 6.22-6.23 Esaïe 13.6
¹⁰ οἱ γὰρ ἀστέρες τοῦ οὐρανοῦ καὶ ὁ Ὠρίων καὶ πᾶς ὁ κόσμος τοῦ οὐρανοῦ τὸ φῶς οὐ δώσουσιν καὶ σκοτισθήσεται τοῦ ἡλίου ἀνατέλλοντος καὶ ἡ σελήνη οὐ δώσει τὸ φῶς αὐτῆς.
Matthieu 24.29 Marc 13.24 Luc 21.25 Apocalypse 6.12-6.14 Esaïe 5.30
¹¹ καὶ ἐντελοῦμαι τῇ οἰκουμένῃ ὅλῃ κακὰ καὶ τοῖς ἀσεβέσιν τὰς ἁμαρτίας αὐτῶν καὶ ἀπολῶ ὕβριν ἀνόμων καὶ ὕβριν ὑπερηφάνων ταπεινώσω.
Daniel 5.22-5.23 Esaïe 2.11 Esaïe 5.15 Esaïe 24.4-24.6 Esaïe 14.12-14.16
¹² καὶ ἔσονται οἱ καταλελειμμένοι ἔντιμοι μᾶλλον ἢ τὸ χρυσίον τὸ ἄπυρον καὶ ὁ ἄνθρωπος μᾶλλον ἔντιμος ἔσται ἢ ὁ λίθος ὁ ἐκ Σουφιρ.
Esaïe 4.1 Esaïe 24.6 Psaumes 137.9 Esaïe 13.15-13.18 Job 28.16
¹³ ὁ γὰρ οὐρανὸς θυμωθήσεται καὶ ἡ γῆ σεισθήσεται ἐκ τῶν θεμελίων αὐτῆς διὰ θυμὸν ὀργῆς κυρίου σαβαωθ τῇ ἡμέρᾳ ᾗ ἂν ἐπέλθῃ ὁ θυμὸς αὐτοῦ.
Hébreux 12.26-12.27 Matthieu 24.29 Joël 3.16 Lamentations 1.12 Matthieu 24.35
¹⁴ καὶ ἔσονται οἱ καταλελειμμένοι ὡς δορκάδιον φεῦγον καὶ ὡς πρόβατον πλανώμενον καὶ οὐκ ἔσται ὁ συνάγων ὥστε ἄνθρωπον εἰς τὸν λαὸν αὐτοῦ ἀποστραφῆναι καὶ ἄνθρωπον εἰς τὴν χώραν αὐτοῦ διῶξαι.
1 Rois 22.17 Jérémie 50.16 Jérémie 51.9 1 Rois 22.36 Apocalypse 18.9-18.10
¹⁵ ὃς γὰρ ἂν ἁλῷ ἡττηθήσεται καὶ οἵτινες συνηγμένοι εἰσίν μαχαίρᾳ πεσοῦνται.
Jérémie 50.27 Esaïe 47.9-47.14 Jérémie 50.35-50.42 Esaïe 14.19-14.22 Jérémie 50.25
¹⁶ καὶ τὰ τέκνα αὐτῶν ἐνώπιον αὐτῶν ῥάξουσιν καὶ τὰς οἰκίας αὐτῶν προνομεύσουσιν καὶ τὰς γυναῖκας αὐτῶν ἕξουσιν.
Nahum 3.10 Psaumes 137.8-137.9 Osée 10.14 Esaïe 13.18 Lamentations 5.11
¹⁷ ἰδοὺ ἐπεγείρω ὑμῖν τοὺς Μήδους οἳ οὐ λογίζονται ἀργύριον οὐδὲ χρυσίου χρείαν ἔχουσιν.
Jérémie 51.11 Proverbes 6.34-6.35 Esaïe 21.2 Esaïe 13.3-13.5 Esaïe 41.25
¹⁸ τοξεύματα νεανίσκων συντρίψουσιν καὶ τὰ τέκνα ὑμῶν οὐ μὴ ἐλεήσωσιν οὐδὲ ἐπὶ τοῖς τέκνοις οὐ φείσονται οἱ ὀφθαλμοὶ αὐτῶν.
2 Rois 8.12 Ezéchiel 9.10 2 Chroniques 36.17 Esaïe 13.16 Osée 13.16
¹⁹ καὶ ἔσται Βαβυλών ἣ καλεῖται ἔνδοξος ὑπὸ βασιλέως Χαλδαίων ὃν τρόπον κατέστρεψεν ὁ θεὸς Σοδομα καὶ Γομορρα.
Genèse 19.24 Daniel 4.30 Jérémie 50.40 Deutéronome 29.23 Jérémie 49.18
²⁰ οὐ κατοικηθήσεται εἰς τὸν αἰῶνα χρόνον οὐδὲ μὴ εἰσέλθωσιν εἰς αὐτὴν διὰ πολλῶν γενεῶν οὐδὲ μὴ διέλθωσιν αὐτὴν Ἄραβες οὐδὲ ποιμένες οὐ μὴ ἀναπαύσωνται ἐν αὐτῇ.
Esaïe 14.23 Jérémie 51.43 Esaïe 34.10-34.15 Jérémie 50.3 Jérémie 51.62-51.64
²¹ καὶ ἀναπαύσονται ἐκεῖ θηρία καὶ ἐμπλησθήσονται αἱ οἰκίαι ἤχου καὶ ἀναπαύσονται ἐκεῖ σειρῆνες καὶ δαιμόνια ἐκεῖ ὀρχήσονται.
Apocalypse 18.2 Esaïe 34.11-34.15
²² καὶ ὀνοκένταυροι ἐκεῖ κατοικήσουσιν καὶ νοσσοποιήσουσιν ἐχῖνοι ἐν τοῖς οἴκοις αὐτῶν ταχὺ ἔρχεται καὶ οὐ χρονιεῖ.
Esaïe 25.2 Jérémie 51.33 Esaïe 35.7 2 Pierre 3.9-3.10 2 Pierre 2.3