Proverbes 3.18
Septante

¹ υἱέ ἐμῶν νομίμων μὴ ἐπιλανθάνου τὰ δὲ ῥήματά μου τηρείτω σὴ καρδία.
Proverbes 4.5 Proverbes 1.8 Psaumes 119.16 Jean 14.21-14.24 Deutéronome 4.9
² μῆκος γὰρ βίου καὶ ἔτη ζωῆς καὶ εἰρήνην προσθήσουσίν σοι.
Proverbes 4.10 Proverbes 9.11 Psaumes 119.165 Psaumes 91.16 1 Timothée 4.8
³ ἐλεημοσύναι καὶ πίστεις μὴ ἐκλιπέτωσάν σε ἄφαψαι δὲ αὐτὰς ἐπὶ σῷ τραχήλῳ καὶ εὑρήσεις χάριν.
Proverbes 7.3 Proverbes 6.21 2 Corinthiens 3.3 Deutéronome 6.8 Jérémie 17.1
⁴ καὶ προνοοῦ καλὰ ἐνώπιον κυρίου καὶ ἀνθρώπων.
Luc 2.52 Psaumes 111.10 1 Samuel 2.26 Romains 14.18 Actes 2.47
⁵ ἴσθι πεποιθὼς ἐν ὅλῃ καρδίᾳ ἐπὶ θεῷ ἐπὶ δὲ σῇ σοφίᾳ μὴ ἐπαίρου.
Psaumes 37.5 Jérémie 17.7-17.8 Proverbes 28.26 Psaumes 37.3 Psaumes 62.8
⁶ ἐν πάσαις ὁδοῖς σου γνώριζε αὐτήν ἵνα ὀρθοτομῇ τὰς ὁδούς σου ὁ δὲ πούς σου οὐ μὴ προσκόπτῃ.
Proverbes 16.3 Psaumes 32.8 Philippiens 4.6 Jérémie 10.23 Jacques 1.5
⁷ μὴ ἴσθι φρόνιμος παρὰ σεαυτῷ φοβοῦ δὲ τὸν θεὸν καὶ ἔκκλινε ἀπὸ παντὸς κακοῦ.
Job 28.28 Job 1.1 Proverbes 16.6 Romains 12.16 Proverbes 26.12
⁸ τότε ἴασις ἔσται τῷ σώματί σου καὶ ἐπιμέλεια τοῖς ὀστέοις σου.
Job 21.24 Proverbes 4.22 Psaumes 147.3 Proverbes 16.24 Ezéchiel 16.4-16.5
⁹ τίμα τὸν κύριον ἀπὸ σῶν δικαίων πόνων καὶ ἀπάρχου αὐτῷ ἀπὸ σῶν καρπῶν δικαιοσύνης.
Exode 23.19 Philippiens 4.17-4.18 Exode 22.29 Exode 34.26 Deutéronome 26.2-26.15
¹⁰ ἵνα πίμπληται τὰ ταμίειά σου πλησμονῆς σίτου οἴνῳ δὲ αἱ ληνοί σου ἐκβλύζωσιν.
Deutéronome 28.8 Joël 2.24 Ecclésiaste 11.1-11.2 Proverbes 11.24-11.25 Matthieu 10.42
¹¹ υἱέ μὴ ὀλιγώρει παιδείας κυρίου μηδὲ ἐκλύου ὑπ’ αὐτοῦ ἐλεγχόμενος.
Job 5.17 Hébreux 12.5-12.12 1 Corinthiens 11.32 Esaïe 40.30-40.31 Hébreux 12.3
¹² ὃν γὰρ ἀγαπᾷ κύριος παιδεύει μαστιγοῖ δὲ πάντα υἱὸν ὃν παραδέχεται.
Deutéronome 8.5 Proverbes 29.17 Apocalypse 3.19 Proverbes 13.24 Psaumes 103.13
¹³ μακάριος ἄνθρωπος ὃς εὗρεν σοφίαν καὶ θνητὸς ὃς εἶδεν φρόνησιν.
Ecclésiaste 9.15-9.18 1 Rois 10.23-10.24 Proverbes 8.32-8.35 Proverbes 4.5-4.9 Proverbes 18.1
¹⁴ κρεῖττον γὰρ αὐτὴν ἐμπορεύεσθαι ἢ χρυσίου καὶ ἀργυρίου θησαυρούς.
Proverbes 16.16 Proverbes 8.19 Philippiens 3.8-3.9 Psaumes 119.72 Matthieu 16.26
¹⁵ τιμιωτέρα δέ ἐστιν λίθων πολυτελῶν οὐκ ἀντιτάξεται αὐτῇ οὐδὲν πονηρόν εὔγνωστός ἐστιν πᾶσιν τοῖς ἐγγίζουσιν αὐτῇ πᾶν δὲ τίμιον οὐκ ἄξιον αὐτῆς ἐστιν.
Proverbes 8.11 Job 28.18 Psaumes 73.25-73.26 Romains 8.18 Psaumes 63.3
¹⁶ μῆκος γὰρ βίου καὶ ἔτη ζωῆς ἐν τῇ δεξιᾷ αὐτῆς ἐν δὲ τῇ ἀριστερᾷ αὐτῆς πλοῦτος καὶ δόξα. ἐκ τοῦ στόματος αὐτῆς ἐκπορεύεται δικαιοσύνη νόμον δὲ καὶ ἔλεον ἐπὶ γλώσσης φορεῖ.
Proverbes 3.2 Psaumes 21.4 1 Rois 3.13 1 Corinthiens 3.21-3.23 2 Corinthiens 6.10
¹⁷ αἱ ὁδοὶ αὐτῆς ὁδοὶ καλαί καὶ πάντες οἱ τρίβοι αὐτῆς ἐν εἰρήνῃ.
Psaumes 119.165 Matthieu 11.28-11.30 Psaumes 119.47 Proverbes 22.18 Psaumes 63.3-63.5
¹⁸ ξύλον ζωῆς ἐστι πᾶσι τοῖς ἀντεχομένοις αὐτῆς καὶ τοῖς ἐπερειδομένοις ἐπ’ αὐτὴν ὡς ἐπὶ κύριον ἀσφαλής.
Proverbes 11.30 Genèse 2.9 Proverbes 13.12 Apocalypse 2.7 Genèse 3.22
¹⁹ ὁ θεὸς τῇ σοφίᾳ ἐθεμελίωσεν τὴν γῆν ἡτοίμασεν δὲ οὐρανοὺς ἐν φρονήσει.
Psaumes 104.24 Psaumes 136.5 Proverbes 8.27-8.29 Jérémie 51.15 Jean 1.3
²⁰ ἐν αἰσθήσει ἄβυσσοι ἐρράγησαν νέφη δὲ ἐρρύησαν δρόσους.
Genèse 7.11 Deutéronome 33.28 Genèse 27.37-27.39 Joël 2.23 Job 38.26-38.28
²¹ υἱέ μὴ παραρρυῇς τήρησον δὲ ἐμὴν βουλὴν καὶ ἔννοιαν.
Josué 1.8 Deutéronome 32.46-32.47 Proverbes 4.21 Deutéronome 6.6-6.9 Hébreux 2.1-2.3
²² ἵνα ζήσῃ ἡ ψυχή σου καὶ χάρις ᾖ περὶ σῷ τραχήλῳ. ἔσται δὲ ἴασις ταῖς σαρξί σου καὶ ἐπιμέλεια τοῖς σοῖς ὀστέοις.
Proverbes 1.9 Proverbes 4.22 Jean 12.49-12.50 Esaïe 38.16
²³ ἵνα πορεύῃ πεποιθὼς ἐν εἰρήνῃ πάσας τὰς ὁδούς σου ὁ δὲ πούς σου οὐ μὴ προσκόψῃ.
Proverbes 4.12 Proverbes 10.9 Proverbes 2.8 Psaumes 91.11-91.12 Psaumes 37.23-37.24
²⁴ ἐὰν γὰρ κάθῃ ἄφοβος ἔσῃ ἐὰν δὲ καθεύδῃς ἡδέως ὑπνώσεις.
Psaumes 3.5 Proverbes 6.22 Psaumes 4.8 Lévitique 26.6 Jérémie 31.26
²⁵ καὶ οὐ φοβηθήσῃ πτόησιν ἐπελθοῦσαν οὐδὲ ὁρμὰς ἀσεβῶν ἐπερχομένας.
Esaïe 41.10-41.14 1 Pierre 3.14 Psaumes 91.5 Psaumes 112.7 Job 5.21-5.22
²⁶ ὁ γὰρ κύριος ἔσται ἐπὶ πασῶν ὁδῶν σου καὶ ἐρείσει σὸν πόδα ἵνα μὴ σαλευθῇς.
1 Samuel 2.9 Psaumes 91.3 Proverbes 14.26 Psaumes 91.9-91.10 Habakuk 3.17-3.18
²⁷ μὴ ἀπόσχῃ εὖ ποιεῖν ἐνδεῆ ἡνίκα ἂν ἔχῃ ἡ χείρ σου βοηθεῖν.
Galates 6.10 Jacques 2.15-2.16 Romains 13.7 Genèse 31.29 Michée 2.1
²⁸ μὴ εἴπης ἐπανελθὼν ἐπάνηκε καὶ αὔριον δώσω δυνατοῦ σου ὄντος εὖ ποιεῖν οὐ γὰρ οἶδας τί τέξεται ἡ ἐπιοῦσα.
Lévitique 19.13 2 Corinthiens 8.11 2 Corinthiens 9.3 Proverbes 27.1 Ecclésiaste 9.10
²⁹ μὴ τεκτήνῃ ἐπὶ σὸν φίλον κακὰ παροικοῦντα καὶ πεποιθότα ἐπὶ σοί.
Proverbes 6.14 Jérémie 18.18-18.20 Michée 2.1-2.2 Psaumes 55.20 Psaumes 35.20
³⁰ μὴ φιλεχθρήσῃς πρὸς ἄνθρωπον μάτην μή τι εἰς σὲ ἐργάσηται κακόν.
2 Timothée 2.24 Proverbes 29.22 1 Corinthiens 6.6-6.8 Romains 12.18-12.21 Proverbes 17.14
³¹ μὴ κτήσῃ κακῶν ἀνδρῶν ὀνείδη μηδὲ ζηλώσῃς τὰς ὁδοὺς αὐτῶν.
Proverbes 24.1 Galates 5.21 Psaumes 37.1 Proverbes 22.22-22.25 Proverbes 1.15-1.18
³² ἀκάθαρτος γὰρ ἔναντι κυρίου πᾶς παράνομος ἐν δὲ δικαίοις οὐ συνεδριάζει.
Psaumes 25.14 Proverbes 11.20 Jean 14.21-14.24 Psaumes 18.26 Job 29.4
³³ κατάρα θεοῦ ἐν οἴκοις ἀσεβῶν ἐπαύλεις δὲ δικαίων εὐλογοῦνται.
Malachie 2.2 Lévitique 26.14-26.46 Zacharie 5.3-5.4 Psaumes 37.22 Psaumes 1.3
³⁴ κύριος ὑπερηφάνοις ἀντιτάσσεται ταπεινοῖς δὲ δίδωσιν χάριν.
1 Pierre 5.5 Jacques 4.6 Psaumes 138.6 Proverbes 9.12 Esaïe 57.15
³⁵ δόξαν σοφοὶ κληρονομήσουσιν οἱ δὲ ἀσεβεῖς ὕψωσαν ἀτιμίαν.
Proverbes 4.8 Daniel 12.2-12.3 Psaumes 132.18 Psaumes 73.24 Esaïe 65.13-65.15