Esaïe 40.28
Biblia Hebraica Stuttgartensia

La consolation d’Israël

Venue prochaine du Seigneur

¹ נַחֲמ֥וּ נַחֲמ֖וּ עַמִּ֑י יֹאמַ֖ר אֱלֹהֵיכֶֽם׃
Esaïe 51.12 Sophonie 3.14-3.17 2 Corinthiens 1.4 Jérémie 31.10-31.14 Esaïe 51.3
² דַּבְּר֞וּ עַל־לֵ֤ב יְרֽוּשָׁלִַ֨ם֙ וְקִרְא֣וּ אֵלֶ֔יהָ כִּ֤י מָֽלְאָה֙ צְבָאָ֔הּ כִּ֥י נִרְצָ֖ה עֲוֹנָ֑הּ כִּ֤י לָקְחָה֙ מִיַּ֣ד יְהוָ֔ה כִּפְלַ֖יִם בְּכָל־חַטֹּאתֶֽיהָ׃ ס
Zacharie 9.12 Esaïe 61.7 Jérémie 16.18 Osée 2.14 Habakuk 2.3
³ קֹ֣ול קֹורֵ֔א בַּמִּדְבָּ֕ר פַּנּ֖וּ דֶּ֣רֶךְ יְהוָ֑ה יַשְּׁרוּ֙ בָּעֲרָבָ֔ה מְסִלָּ֖ה לֵאלֹהֵֽינוּ׃
Marc 1.2-1.5 Jean 1.23 Malachie 3.1 Luc 1.16-1.17 Matthieu 3.1-3.3
⁴ כָּל־גֶּיא֙ יִנָּשֵׂ֔א וְכָל־הַ֥ר וְגִבְעָ֖ה יִשְׁפָּ֑לוּ וְהָיָ֤ה הֶֽעָקֹב֙ לְמִישֹׁ֔ור וְהָרְכָסִ֖ים לְבִקְעָֽה׃
Luc 3.5 Ezéchiel 21.26 Esaïe 2.12-2.15 Esaïe 45.2 Job 40.11-40.13
⁵ וְנִגְלָ֖ה כְּבֹ֣וד יְהוָ֑ה וְרָא֤וּ כָל־בָּשָׂר֙ יַחְדָּ֔ו כִּ֛י פִּ֥י יְהוָ֖ה דִּבֵּֽר׃ ס
Luc 3.6 Habakuk 2.14 2 Corinthiens 4.6 Esaïe 6.3 Esaïe 52.10
⁶ קֹ֚ול אֹמֵ֣ר קְרָ֔א וְאָמַ֖ר מָ֣ה אֶקְרָ֑א כָּל־הַבָּשָׂ֣ר חָצִ֔יר וְכָל־חַסְדֹּ֖ו כְּצִ֥יץ הַשָּׂדֶֽה׃
Job 14.2 Psaumes 103.15-103.16 Psaumes 102.11 Jacques 1.10-1.11 1 Pierre 1.24-1.25
⁷ יָבֵ֤שׁ חָצִיר֙ נָ֣בֵֽל צִ֔יץ כִּ֛י ר֥וּחַ יְהוָ֖ה נָ֣שְׁבָה בֹּ֑ו אָכֵ֥ן חָצִ֖יר הָעָֽם׃
Job 41.21
⁸ יָבֵ֥שׁ חָצִ֖יר נָ֣בֵֽל צִ֑יץ וּדְבַר־אֱלֹהֵ֖ינוּ יָק֥וּם לְעֹולָֽם׃ ס
Marc 13.31 Matthieu 24.35 1 Pierre 1.25 Matthieu 5.18 Esaïe 55.10-55.11
⁹ עַ֣ל הַר־גָּבֹ֤הַ עֲלִי־לָךְ֙ מְבַשֶּׂ֣רֶת צִיֹּ֔ון הָרִ֤ימִי בַכֹּ֨חַ֙ קֹולֵ֔ךְ מְבַשֶּׂ֖רֶת יְרוּשָׁלִָ֑ם הָרִ֨ימִי֙ אַל־תִּירָ֔אִי אִמְרִי֙ לְעָרֵ֣י יְהוּדָ֔ה הִנֵּ֖ה אֱלֹהֵיכֶֽם׃
Esaïe 12.2 Esaïe 25.9 Esaïe 52.7-52.8 Ephésiens 6.19 Esaïe 61.1
¹⁰ הִנֵּ֨ה אֲדֹנָ֤י יְהוִה֙ בְּחָזָ֣ק יָבֹ֔וא וּזְרֹעֹ֖ו מֹ֣שְׁלָה לֹ֑ו הִנֵּ֤ה שְׂכָרֹו֙ אִתֹּ֔ו וּפְעֻלָּתֹ֖ו לְפָנָֽיו׃
Apocalypse 22.12 Esaïe 62.11 Esaïe 9.6-9.7 Psaumes 110.6 Esaïe 49.4
¹¹ כְּרֹעֶה֙ עֶדְרֹ֣ו יִרְעֶ֔ה בִּזְרֹעֹו֙ יְקַבֵּ֣ץ טְלָאִ֔ים וּבְחֵיקֹ֖ו יִשָּׂ֑א עָלֹ֖ות יְנַהֵֽל׃ ס
Michée 5.4 Ezéchiel 34.23 Ezéchiel 34.12-34.14 Psaumes 23.1-23.6 Ezéchiel 34.31
¹² מִֽי־מָדַ֨ד בְּשָׁעֳלֹ֜ו מַ֗יִם וְשָׁמַ֨יִם֙ בַּזֶּ֣רֶת תִּכֵּ֔ן וְכָ֥ל בַּשָּׁלִ֖שׁ עֲפַ֣ר הָאָ֑רֶץ וְשָׁקַ֤ל בַּפֶּ֨לֶס֙ הָרִ֔ים וּגְבָעֹ֖ות בְּמֹאזְנָֽיִם׃
Proverbes 30.4 Hébreux 1.10-1.12 Psaumes 102.25-102.26 Esaïe 48.13 Psaumes 104.2-104.3
¹³ מִֽי־תִכֵּ֥ן אֶת־ר֖וּחַ יְהוָ֑ה וְאִ֥ישׁ עֲצָתֹ֖ו יֹודִיעֶֽנּוּ׃
1 Corinthiens 2.16 Romains 11.34 Job 21.22 Jean 1.13 Ephésiens 1.11
¹⁴ אֶת־מִ֤י נֹועָץ֙ וַיְבִינֵ֔הוּ וַֽיְלַמְּדֵ֖הוּ בְּאֹ֣רַח מִשְׁפָּ֑ט וַיְלַמְּדֵ֣הוּ דַ֔עַת וְדֶ֥רֶךְ תְּבוּנֹ֖ות יֹודִיעֶֽנּוּ׃
Colossiens 2.3 Job 21.22 1 Corinthiens 12.4-12.6 Jacques 1.17
¹⁵ הֵ֤ן גֹּויִם֙ כְּמַ֣ר מִדְּלִ֔י וּכְשַׁ֥חַק מֹאזְנַ֖יִם נֶחְשָׁ֑בוּ הֵ֥ן אִיִּ֖ים כַּדַּ֥ק יִטֹּֽול׃
Esaïe 40.22 Jérémie 10.10 Job 34.14-34.15 Esaïe 29.5 Sophonie 2.11
¹⁶ וּלְבָנֹ֕ון אֵ֥ין דֵּ֖י בָּעֵ֑ר וְחַיָּתֹ֔ו אֵ֥ין דֵּ֖י עֹולָֽה׃ ס
Michée 6.6-6.7 Psaumes 40.6 Psaumes 50.9-50.12 Hébreux 10.5-10.10
¹⁷ כָּל־הַגֹּויִ֖ם כְּאַ֣יִן נֶגְדֹּ֑ו מֵאֶ֥פֶס וָתֹ֖הוּ נֶחְשְׁבוּ־לֹֽו׃
Psaumes 62.9 Daniel 4.34-4.35 Job 25.6 Esaïe 29.7 2 Corinthiens 12.11
¹⁸ וְאֶל־מִ֖י תְּדַמְּי֣וּן אֵ֑ל וּמַה־דְּמ֖וּת תַּ֥עַרְכוּ לֹֽו׃
Esaïe 46.5 Actes 17.29 1 Samuel 2.2 Esaïe 40.25 Exode 8.10
¹⁹ הַפֶּ֨סֶל֙ נָסַ֣ךְ חָרָ֔שׁ וְצֹרֵ֖ף בַּזָּהָ֣ב יְרַקְּעֶ֑נּוּ וּרְתֻקֹ֥ות כֶּ֖סֶף צֹורֵֽף׃
Psaumes 115.4-115.8 Habakuk 2.18-2.19 Jérémie 10.9 Psaumes 135.15 Esaïe 46.6-46.7
²⁰ הַֽמְסֻכָּ֣ן תְּרוּמָ֔ה עֵ֥ץ לֹֽא־יִרְקַ֖ב יִבְחָ֑ר חָרָ֤שׁ חָכָם֙ יְבַקֶּשׁ־לֹ֔ו לְהָכִ֥ין פֶּ֖סֶל לֹ֥א יִמֹּֽוט׃
Jérémie 10.3-10.4 Esaïe 46.7 1 Samuel 5.3-5.4 Esaïe 41.7 Daniel 5.23
²¹ הֲלֹ֤וא תֵֽדְעוּ֙ הֲלֹ֣וא תִשְׁמָ֔עוּ הֲלֹ֛וא הֻגַּ֥ד מֵרֹ֖אשׁ לָכֶ֑ם הֲלֹוא֙ הֲבִ֣ינֹתֶ֔ם מֹוסְדֹ֖ות הָאָֽרֶץ׃
Actes 14.17 Esaïe 44.20 Romains 3.1-3.2 Esaïe 27.11 Jérémie 10.8-10.12
²² הַיֹּשֵׁב֙ עַל־ח֣וּג הָאָ֔רֶץ וְיֹשְׁבֶ֖יהָ כַּחֲגָבִ֑ים הַנֹּוטֶ֤ה כַדֹּק֙ שָׁמַ֔יִם וַיִּמְתָּחֵ֥ם כָּאֹ֖הֶל לָשָֽׁבֶת׃
Psaumes 104.2 Nombres 13.33 Esaïe 42.5 Job 9.8 Job 36.29
²³ הַנֹּותֵ֥ן רֹוזְנִ֖ים לְאָ֑יִן שֹׁ֥פְטֵי אֶ֖רֶץ כַּתֹּ֥הוּ עָשָֽׂה׃
Psaumes 107.40 Job 12.21 Jérémie 25.18-25.27 Psaumes 76.12 Esaïe 19.13-19.14
²⁴ אַ֣ף בַּל־נִטָּ֗עוּ אַ֚ף בַּל־זֹרָ֔עוּ אַ֛ף בַּל־שֹׁרֵ֥שׁ בָּאָ֖רֶץ גִּזְעָ֑ם וְגַם־נָשַׁ֤ף בָּהֶם֙ וַיִּבָ֔שׁוּ וּסְעָרָ֖ה כַּקַּ֥שׁ תִּשָּׂאֵֽם׃ ס
Esaïe 41.16 Esaïe 17.13 Osée 13.3 Aggée 1.9 Jérémie 23.19
²⁵ וְאֶל־מִ֥י תְדַמְּי֖וּנִי וְאֶשְׁוֶ֑ה יֹאמַ֖ר קָדֹֽושׁ׃
Esaïe 40.18 Deutéronome 4.33 Deutéronome 4.15-4.18 Deutéronome 5.8
²⁶ שְׂאוּ־מָרֹ֨ום עֵינֵיכֶ֤ם וּרְאוּ֙ מִי־בָרָ֣א אֵ֔לֶּה הַמֹּוצִ֥יא בְמִסְפָּ֖ר צְבָאָ֑ם לְכֻלָּם֙ בְּשֵׁ֣ם יִקְרָ֔א מֵרֹ֤ב אֹונִים֙ וְאַמִּ֣יץ כֹּ֔חַ אִ֖ישׁ לֹ֥א נֶעְדָּֽר׃ ס
Esaïe 51.6 Esaïe 48.13 Colossiens 1.16-1.17 Psaumes 89.11-89.13 Jérémie 32.17-32.19
²⁷ לָ֤מָּה תֹאמַר֙ יַֽעֲקֹ֔ב וּתְדַבֵּ֖ר יִשְׂרָאֵ֑ל נִסְתְּרָ֤ה דַרְכִּי֙ מֵֽיְהוָ֔ה וּמֵאֱלֹהַ֖י מִשְׁפָּטִ֥י יַעֲבֹֽור׃
Luc 18.7-18.8 Esaïe 49.4 Job 27.2 Esaïe 49.14
²⁸ הֲלֹ֨וא יָדַ֜עְתָּ אִם־לֹ֣א שָׁמַ֗עְתָּ אֱלֹהֵ֨י עֹולָ֤ם׀ יְהוָה֙ בֹּורֵא֙ קְצֹ֣ות הָאָ֔רֶץ לֹ֥א יִיעַ֖ף וְלֹ֣א יִיגָ֑ע אֵ֥ין חֵ֖קֶר לִתְבוּנָתֹֽו׃
Psaumes 147.5 Romains 11.33-11.34 Actes 13.47 Jean 5.17 Jérémie 10.10
²⁹ נֹתֵ֥ן לַיָּעֵ֖ף כֹּ֑חַ וּלְאֵ֥ין אֹונִ֖ים עָצְמָ֥ה יַרְבֶּֽה׃
Esaïe 41.10 Philippiens 4.13 2 Corinthiens 12.9-12.10 Psaumes 29.11 Jérémie 31.25
³⁰ וְיִֽעֲפ֥וּ נְעָרִ֖ים וְיִגָ֑עוּ וּבַחוּרִ֖ים כָּשֹׁ֥ול יִכָּשֵֽׁלוּ׃
Amos 2.14 Psaumes 33.16 Esaïe 13.18 Ecclésiaste 9.11 Esaïe 9.17
³¹ וְקֹויֵ֤ יְהוָה֙ יַחֲלִ֣יפוּ כֹ֔חַ יַעֲל֥וּ אֵ֖בֶר כַּנְּשָׁרִ֑ים יָר֨וּצוּ֙ וְלֹ֣א יִיגָ֔עוּ יֵלְכ֖וּ וְלֹ֥א יִיעָֽפוּ׃ פ
2 Corinthiens 4.16 Psaumes 103.5 Lamentations 3.25-3.26 2 Corinthiens 12.9-12.10 Psaumes 27.13-27.14