Esaïe 33.5
Biblia Hebraica Stuttgartensia

Délivrance de Jérusalem

¹ הֹ֣וי שֹׁודֵ֗ד וְאַתָּה֙ לֹ֣א שָׁד֔וּד וּבֹוגֵ֖ד וְלֹא־בָ֣גְדוּ בֹ֑ו כַּהֲתִֽמְךָ֤ שֹׁודֵד֙ תּוּשַּׁ֔ד כַּנְּלֹתְךָ֥ לִבְגֹּ֖ד יִבְגְּדוּ־בָֽךְ׃ ס
Matthieu 7.2 Esaïe 21.2 Jérémie 25.12-25.14 Esaïe 24.16 Esaïe 10.12
² יְהוָ֥ה חָנֵּ֖נוּ לְךָ֣ קִוִּ֑ינוּ הֱיֵ֤ה זְרֹעָם֙ לַבְּקָרִ֔ים אַף־יְשׁוּעָתֵ֖נוּ בְּעֵ֥ת צָרָֽה׃
Esaïe 25.9 Esaïe 26.8 Esaïe 30.18-30.19 Exode 14.27 Esaïe 40.10
³ מִקֹּ֣ול הָמֹ֔ון נָדְד֖וּ עַמִּ֑ים מֵרֹ֣ומְמֻתֶ֔ךָ נָפְצ֖וּ גֹּויִֽם׃
Esaïe 10.13-10.14 Esaïe 37.29-37.36 Esaïe 17.12-17.14 Esaïe 59.16-59.18 Esaïe 10.32-10.34
⁴ וְאֻסַּ֣ף שְׁלַלְכֶ֔ם אֹ֖סֶף הֶֽחָסִ֑יל כְּמַשַּׁ֥ק גֵּבִ֖ים שֹׁוקֵ֥ק בֹּֽו׃
2 Rois 7.15-7.16 Joël 2.9 Esaïe 33.23 2 Chroniques 20.25 Joël 2.25
⁵ נִשְׂגָּ֣ב יְהוָ֔ה כִּ֥י שֹׁכֵ֖ן מָרֹ֑ום מִלֵּ֣א צִיֹּ֔ון מִשְׁפָּ֖ט וּצְדָקָֽה׃
Esaïe 2.17 Daniel 4.37 Esaïe 57.15 Esaïe 2.11 Ephésiens 1.20-1.21
⁶ וְהָיָה֙ אֱמוּנַ֣ת עִתֶּ֔יךָ חֹ֥סֶן יְשׁוּעֹ֖ת חָכְמַ֣ת וָדָ֑עַת יִרְאַ֥ת יְהוָ֖ה הִ֥יא אֹוצָרֹֽו׃ ס
Matthieu 6.33 Psaumes 112.1-112.3 Proverbes 24.3-24.7 Proverbes 14.27 Proverbes 15.16
⁷ הֵ֚ן אֶרְאֶלָּ֔ם צָעֲק֖וּ חֻ֑צָה מַלְאֲכֵ֣י שָׁלֹ֔ום מַ֖ר יִבְכָּיֽוּן׃
Esaïe 36.22 2 Rois 18.18 Esaïe 36.3 2 Rois 18.37-19.3
⁸ נָשַׁ֣מּוּ מְסִלֹּ֔ות שָׁבַ֖ת עֹבֵ֣ר אֹ֑רַח הֵפֵ֤ר בְּרִית֙ מָאַ֣ס עָרִ֔ים לֹ֥א חָשַׁ֖ב אֱנֹֽושׁ׃
Juges 5.6 Esaïe 10.13-10.14 Esaïe 35.8 2 Rois 18.20-18.21 Lamentations 1.4
⁹ אָבַ֤ל אֻמְלְלָה֙ אָ֔רֶץ הֶחְפִּ֥יר לְבָנֹ֖ון קָמַ֑ל הָיָ֤ה הַשָּׁרֹון֙ כָּֽעֲרָבָ֔ה וְנֹעֵ֥ר בָּשָׁ֖ן וְכַרְמֶֽל׃
Esaïe 35.2 Nahum 1.4 Esaïe 65.10 Michée 7.14 Esaïe 24.19-24.20
¹⁰ עַתָּ֥ה אָק֖וּם יֹאמַ֣ר יְהוָ֑ה עַתָּה֙ אֵֽרֹומָ֔ם עַתָּ֖ה אֶנָּשֵֽׂא׃
Psaumes 12.5 Psaumes 7.6 Psaumes 102.13-102.18 Esaïe 30.17-30.18 Deutéronome 32.36-32.43
¹¹ תַּהֲר֥וּ חֲשַׁ֖שׁ תֵּ֣לְדוּ קַ֑שׁ רוּחֲכֶ֕ם אֵ֖שׁ תֹּאכַלְכֶֽם׃
Esaïe 59.4 Psaumes 7.14 Jacques 1.15 Esaïe 10.7-10.14 Esaïe 37.23-37.29
¹² וְהָי֥וּ עַמִּ֖ים מִשְׂרְפֹ֣ות שִׂ֑יד קֹוצִ֥ים כְּסוּחִ֖ים בָּאֵ֥שׁ יִצַּֽתּוּ׃ ס
Esaïe 27.4 2 Samuel 23.6-23.7 Esaïe 37.36 Esaïe 9.18 Amos 2.1
¹³ שִׁמְע֥וּ רְחֹוקִ֖ים אֲשֶׁ֣ר עָשִׂ֑יתִי וּדְע֥וּ קְרֹובִ֖ים גְּבֻרָתִֽי׃
Psaumes 48.10 Esaïe 49.1 Ephésiens 2.11-2.18 Actes 2.5-2.11 Josué 2.9-2.11
¹⁴ פָּחֲד֤וּ בְצִיֹּון֙ חַטָּאִ֔ים אָחֲזָ֥ה רְעָדָ֖ה חֲנֵפִ֑ים מִ֣י׀ יָג֣וּר לָ֗נוּ אֵ֚שׁ אֹוכֵלָ֔ה מִי־יָג֥וּר לָ֖נוּ מֹוקְדֵ֥י עֹולָֽם׃
Hébreux 12.29 Esaïe 66.24 Deutéronome 5.24-5.25 Matthieu 18.8 Matthieu 25.41
¹⁵ הֹלֵ֣ךְ צְדָקֹ֔ות וְדֹבֵ֖ר מֵֽישָׁרִ֑ים מֹאֵ֞ס בְּבֶ֣צַע מַעֲשַׁקֹּ֗ות נֹעֵ֤ר כַּפָּיו֙ מִתְּמֹ֣ךְ בַּשֹּׁ֔חַד אֹטֵ֤ם אָזְנֹו֙ מִשְּׁמֹ֣עַ דָּמִ֔ים וְעֹצֵ֥ם עֵינָ֖יו מֵרְאֹ֥ות בְּרָֽע׃
Psaumes 119.37 2 Pierre 2.14-2.16 1 Jean 3.7 Jérémie 40.15-40.16 1 Samuel 24.4-24.7
¹⁶ ה֚וּא מְרֹומִ֣ים יִשְׁכֹּ֔ן מְצָדֹ֥ות סְלָעִ֖ים מִשְׂגַּבֹּ֑ו לַחְמֹ֣ו נִתָּ֔ן מֵימָ֖יו נֶאֱמָנִֽים׃
Luc 12.29-12.31 Esaïe 32.18 Esaïe 49.10 Psaumes 111.5 Psaumes 91.14
¹⁷ מֶ֥לֶךְ בְּיָפְיֹ֖ו תֶּחֱזֶ֣ינָה עֵינֶ֑יךָ תִּרְאֶ֖ינָה אֶ֥רֶץ מַרְחַקִּֽים׃
Esaïe 6.5 Esaïe 37.1 2 Chroniques 32.23 Jean 17.24 Zacharie 9.17
¹⁸ לִבְּךָ֖ יֶהְגֶּ֣ה אֵימָ֑ה אַיֵּ֤ה סֹפֵר֙ אַיֵּ֣ה שֹׁקֵ֔ל אַיֵּ֖ה סֹפֵ֥ר אֶת־הַמִּגְדָּלִֽים׃
1 Corinthiens 1.20 2 Rois 18.14 Esaïe 10.16-10.19 Esaïe 17.14 Genèse 23.16
¹⁹ אֶת־עַ֥ם נֹועָ֖ז לֹ֣א תִרְאֶ֑ה עַ֣ם עִמְקֵ֤י שָׂפָה֙ מִשְּׁמֹ֔ועַ נִלְעַ֥ג לָשֹׁ֖ון אֵ֥ין בִּינָֽה׃
Esaïe 28.11 Deutéronome 28.49-28.50 Jérémie 5.15 Ezéchiel 3.5-3.6 2 Rois 19.32
²⁰ חֲזֵ֣ה צִיֹּ֔ון קִרְיַ֖ת מֹֽועֲדֵ֑נוּ עֵינֶיךָ֩ תִרְאֶ֨ינָה יְרוּשָׁלִַ֜ם נָוֶ֣ה שַׁאֲנָ֗ן אֹ֤הֶל בַּל־יִצְעָן֙ בַּל־יִסַּ֤ע יְתֵֽדֹתָיו֙ לָנֶ֔צַח וְכָל־חֲבָלָ֖יו בַּל־יִנָּתֵֽקוּ׃
Psaumes 46.5 Esaïe 54.2 Esaïe 32.18 Psaumes 48.12-48.13 Psaumes 78.68-78.69
²¹ כִּ֣י אִם־שָׁ֞ם אַדִּ֤יר יְהוָה֙ לָ֔נוּ מְקֹום־נְהָרִ֥ים יְאֹרִ֖ים רַחֲבֵ֣י יָדָ֑יִם בַּל־תֵּ֤לֶךְ בֹּו֙ אֳנִי־שַׁ֔יִט וְצִ֥י אַדִּ֖יר לֹ֥א יַעַבְרֶֽנּוּ׃
Psaumes 46.4-46.5 Esaïe 41.18 Esaïe 48.18 2 Corinthiens 4.4-4.6 Esaïe 66.12
²² כִּ֤י יְהוָה֙ שֹׁפְטֵ֔נוּ יְהוָ֖ה מְחֹקְקֵ֑נוּ יְהוָ֥ה מַלְכֵּ֖נוּ ה֥וּא יֹושִׁיעֵֽנוּ׃
Jacques 4.12 Esaïe 25.9 Psaumes 89.18 Esaïe 12.2 Zacharie 9.9
²³ נִטְּשׁ֖וּ חֲבָלָ֑יִךְ בַּל־יְחַזְּק֤וּ כֵן־תָּרְנָם֙ בַּל־פָּ֣רְשׂוּ נֵ֔ס אָ֣ז חֻלַּ֤ק עַֽד־שָׁלָל֙ מַרְבֶּ֔ה פִּסְחִ֖ים בָּ֥זְזוּ בַֽז׃
2 Rois 7.8 Psaumes 68.12 1 Corinthiens 1.27 Esaïe 33.21 Esaïe 33.4
²⁴ וּבַל־יֹאמַ֥ר שָׁכֵ֖ן חָלִ֑יתִי הָעָ֛ם הַיֹּשֵׁ֥ב בָּ֖הּ נְשֻׂ֥א עָוֹֽן׃
Jérémie 50.20 Michée 7.18-7.19 1 Jean 1.7-1.9 Esaïe 58.8 Esaïe 44.22