Esaïe 33.16
Biblia Hebraica Stuttgartensia

¹ הֹ֣וי שֹׁודֵ֗ד וְאַתָּה֙ לֹ֣א שָׁד֔וּד וּבֹוגֵ֖ד וְלֹא־בָ֣גְדוּ בֹ֑ו כַּהֲתִֽמְךָ֤ שֹׁודֵד֙ תּוּשַּׁ֔ד כַּנְּלֹתְךָ֥ לִבְגֹּ֖ד יִבְגְּדוּ־בָֽךְ׃ סEsaïe 21.2 Matthieu 7.2 Jérémie 25.12-25.14 Esaïe 24.16 Esaïe 10.12
² יְהוָ֥ה חָנֵּ֖נוּ לְךָ֣ קִוִּ֑ינוּ הֱיֵ֤ה זְרֹעָם֙ לַבְּקָרִ֔ים אַף־יְשׁוּעָתֵ֖נוּ בְּעֵ֥ת צָרָֽה׃Esaïe 25.9 Esaïe 30.18-30.19 Esaïe 26.8 Psaumes 27.13-27.14 Psaumes 50.15
³ מִקֹּ֣ול הָמֹ֔ון נָדְד֖וּ עַמִּ֑ים מֵרֹ֣ומְמֻתֶ֔ךָ נָפְצ֖וּ גֹּויִֽם׃Esaïe 17.12-17.14 Esaïe 59.16-59.18 Esaïe 10.32-10.34 Esaïe 37.11-37.18 Psaumes 46.6
⁴ וְאֻסַּ֣ף שְׁלַלְכֶ֔ם אֹ֖סֶף הֶֽחָסִ֑יל כְּמַשַּׁ֥ק גֵּבִ֖ים שֹׁוקֵ֥ק בֹּֽו׃Joël 2.9 Esaïe 33.23 2 Chroniques 20.25 Joël 2.25 2 Chroniques 14.13
⁵ נִשְׂגָּ֣ב יְהוָ֔ה כִּ֥י שֹׁכֵ֖ן מָרֹ֑ום מִלֵּ֣א צִיֹּ֔ון מִשְׁפָּ֖ט וּצְדָקָֽה׃Esaïe 2.17 Esaïe 33.10 Exode 15.1 Exode 18.11 2 Chroniques 31.20-31.21
⁶ וְהָיָה֙ אֱמוּנַ֣ת עִתֶּ֔יךָ חֹ֥סֶן יְשׁוּעֹ֖ת חָכְמַ֣ת וָדָ֑עַת יִרְאַ֥ת יְהוָ֖ה הִ֥יא אֹוצָרֹֽו׃ סMatthieu 6.33 Psaumes 112.1-112.3 Proverbes 24.3-24.7 Esaïe 51.6 Proverbes 19.23
⁷ הֵ֚ן אֶרְאֶלָּ֔ם צָעֲק֖וּ חֻ֑צָה מַלְאֲכֵ֣י שָׁלֹ֔ום מַ֖ר יִבְכָּיֽוּן׃Esaïe 36.22 2 Rois 18.18 Esaïe 36.3 2 Rois 18.37-19.3
⁸ נָשַׁ֣מּוּ מְסִלֹּ֔ות שָׁבַ֖ת עֹבֵ֣ר אֹ֑רַח הֵפֵ֤ר בְּרִית֙ מָאַ֣ס עָרִ֔ים לֹ֥א חָשַׁ֖ב אֱנֹֽושׁ׃Juges 5.6 Esaïe 10.29-10.31 1 Samuel 17.10 Luc 18.2-18.4 Esaïe 36.1
⁹ אָבַ֤ל אֻמְלְלָה֙ אָ֔רֶץ הֶחְפִּ֥יר לְבָנֹ֖ון קָמַ֑ל הָיָ֤ה הַשָּׁרֹון֙ כָּֽעֲרָבָ֔ה וְנֹעֵ֥ר בָּשָׁ֖ן וְכַרְמֶֽל׃Esaïe 35.2 Esaïe 65.10 Nahum 1.4 Esaïe 3.26 Jérémie 50.19
¹⁰ עַתָּ֥ה אָק֖וּם יֹאמַ֣ר יְהוָ֑ה עַתָּה֙ אֵֽרֹומָ֔ם עַתָּ֖ה אֶנָּשֵֽׂא׃Psaumes 12.5 Esaïe 10.33 Esaïe 10.16 Esaïe 42.13-42.14 Esaïe 2.21
¹¹ תַּהֲר֥וּ חֲשַׁ֖שׁ תֵּ֣לְדוּ קַ֑שׁ רוּחֲכֶ֕ם אֵ֖שׁ תֹּאכַלְכֶֽם׃Esaïe 59.4 Psaumes 7.14 Jacques 1.15 Job 15.35 Esaïe 17.13
¹² וְהָי֥וּ עַמִּ֖ים מִשְׂרְפֹ֣ות שִׂ֑יד קֹוצִ֥ים כְּסוּחִ֖ים בָּאֵ֥שׁ יִצַּֽתּוּ׃ סEsaïe 27.4 2 Samuel 23.6-23.7 Esaïe 9.18 Amos 2.1 Esaïe 10.17
¹³ שִׁמְע֥וּ רְחֹוקִ֖ים אֲשֶׁ֣ר עָשִׂ֑יתִי וּדְע֥וּ קְרֹובִ֖ים גְּבֻרָתִֽי׃Psaumes 48.10 Esaïe 49.1 Ephésiens 2.11-2.18 Esaïe 18.3 Daniel 3.27-4.3
¹⁴ פָּחֲד֤וּ בְצִיֹּון֙ חַטָּאִ֔ים אָחֲזָ֥ה רְעָדָ֖ה חֲנֵפִ֑ים מִ֣י׀ יָג֣וּר לָ֗נוּ אֵ֚שׁ אֹוכֵלָ֔ה מִי־יָג֥וּר לָ֖נוּ מֹוקְדֵ֥י עֹולָֽם׃Hébreux 12.29 Matthieu 25.41 Apocalypse 14.10 Matthieu 25.46 Esaïe 66.24
¹⁵ הֹלֵ֣ךְ צְדָקֹ֔ות וְדֹבֵ֖ר מֵֽישָׁרִ֑ים מֹאֵ֞ס בְּבֶ֣צַע מַעֲשַׁקֹּ֗ות נֹעֵ֤ר כַּפָּיו֙ מִתְּמֹ֣ךְ בַּשֹּׁ֔חַד אֹטֵ֤ם אָזְנֹו֙ מִשְּׁמֹ֣עַ דָּמִ֔ים וְעֹצֵ֥ם עֵינָ֖יו מֵרְאֹ֥ות בְּרָֽע׃Psaumes 119.37 2 Pierre 2.14-2.16 Psaumes 26.1-26.2 Psaumes 24.4-24.5 Job 31.29-31.31
¹⁶ ה֚וּא מְרֹומִ֣ים יִשְׁכֹּ֔ן מְצָדֹ֥ות סְלָעִ֖ים מִשְׂגַּבֹּ֑ו לַחְמֹ֣ו נִתָּ֔ן מֵימָ֖יו נֶאֱמָנִֽים׃Esaïe 32.18 Luc 12.29-12.31 Habakuk 3.19 Proverbes 1.33 Psaumes 91.1-91.10
¹⁷ מֶ֥לֶךְ בְּיָפְיֹ֖ו תֶּחֱזֶ֣ינָה עֵינֶ֑יךָ תִּרְאֶ֖ינָה אֶ֥רֶץ מַרְחַקִּֽים׃Esaïe 6.5 Jean 14.21 Jean 1.14 1 Jean 3.2 Hébreux 11.13-11.15
¹⁸ לִבְּךָ֖ יֶהְגֶּ֣ה אֵימָ֑ה אַיֵּ֤ה סֹפֵר֙ אַיֵּ֣ה שֹׁקֵ֔ל אַיֵּ֖ה סֹפֵ֥ר אֶת־הַמִּגְדָּלִֽים׃2 Rois 18.14 1 Corinthiens 1.20 2 Rois 18.31 1 Samuel 25.33-25.36 2 Rois 15.19
¹⁹ אֶת־עַ֥ם נֹועָ֖ז לֹ֣א תִרְאֶ֑ה עַ֣ם עִמְקֵ֤י שָׂפָה֙ מִשְּׁמֹ֔ועַ נִלְעַ֥ג לָשֹׁ֖ון אֵ֥ין בִּינָֽה׃Esaïe 28.11 Deutéronome 28.49-28.50 Jérémie 5.15 2 Rois 19.32 Ezéchiel 3.5-3.6
²⁰ חֲזֵ֣ה צִיֹּ֔ון קִרְיַ֖ת מֹֽועֲדֵ֑נוּ עֵינֶיךָ֩ תִרְאֶ֨ינָה יְרוּשָׁלִַ֜ם נָוֶ֣ה שַׁאֲנָ֗ן אֹ֤הֶל בַּל־יִצְעָן֙ בַּל־יִסַּ֤ע יְתֵֽדֹתָיו֙ לָנֶ֔צַח וְכָל־חֲבָלָ֖יו בַּל־יִנָּתֵֽקוּ׃Psaumes 46.5 Esaïe 32.18 Esaïe 54.2 Matthieu 16.18 Psaumes 125.1-125.2
²¹ כִּ֣י אִם־שָׁ֞ם אַדִּ֤יר יְהוָה֙ לָ֔נוּ מְקֹום־נְהָרִ֥ים יְאֹרִ֖ים רַחֲבֵ֣י יָדָ֑יִם בַּל־תֵּ֤לֶךְ בֹּו֙ אֳנִי־שַׁ֔יִט וְצִ֥י אַדִּ֖יר לֹ֥א יַעַבְרֶֽנּוּ׃Psaumes 46.4-46.5 2 Corinthiens 4.4-4.6 Esaïe 66.12 Psaumes 29.3 Actes 7.2
²² כִּ֤י יְהוָה֙ שֹׁפְטֵ֔נוּ יְהוָ֖ה מְחֹקְקֵ֑נוּ יְהוָ֥ה מַלְכֵּ֖נוּ ה֥וּא יֹושִׁיעֵֽנוּ׃Jacques 4.12 Psaumes 89.18 Esaïe 25.9 Zacharie 9.9 Esaïe 12.2
²³ נִטְּשׁ֖וּ חֲבָלָ֑יִךְ בַּל־יְחַזְּק֤וּ כֵן־תָּרְנָם֙ בַּל־פָּ֣רְשׂוּ נֵ֔ס אָ֣ז חֻלַּ֤ק עַֽד־שָׁלָל֙ מַרְבֶּ֔ה פִּסְחִ֖ים בָּ֥זְזוּ בַֽז׃2 Rois 7.8 Psaumes 68.12 1 Corinthiens 1.27 Actes 27.40-27.41 1 Samuel 30.10
²⁴ וּבַל־יֹאמַ֥ר שָׁכֵ֖ן חָלִ֑יתִי הָעָ֛ם הַיֹּשֵׁ֥ב בָּ֖הּ נְשֻׂ֥א עָוֹֽן׃Jérémie 50.20 Michée 7.18-7.19 1 Jean 1.7-1.9 Esaïe 44.22 Esaïe 58.8