Esaïe 24.4
Biblia Hebraica Stuttgartensia

Les bouleversements à venir

Jugement universel

¹ הִנֵּ֧ה יְהוָ֛ה בֹּוקֵ֥ק הָאָ֖רֶץ וּבֹֽולְקָ֑הּ וְעִוָּ֣ה פָנֶ֔יהָ וְהֵפִ֖יץ יֹשְׁבֶֽיהָ׃
Esaïe 42.15 Nahum 2.10 Ezéchiel 24.11 Esaïe 7.17-7.25 Ezéchiel 5.14
² וְהָיָ֤ה כָעָם֙ כַּכֹּהֵ֔ן כַּעֶ֨בֶד֙ כַּֽאדֹנָ֔יו כַּשִּׁפְחָ֖ה כַּגְּבִרְתָּ֑הּ כַּקֹּונֶה֙ כַּמֹּוכֵ֔ר כַּמַּלְוֶה֙ כַּלֹּוֶ֔ה כַּנֹּשֶׁ֕ה כַּאֲשֶׁ֖ר נֹשֶׁ֥א בֹֽו׃
Osée 4.9 Ezéchiel 7.12-7.13 Jérémie 52.24-52.30 Esaïe 2.9 2 Chroniques 36.20
³ הִבֹּ֧וק׀ תִּבֹּ֛וק הָאָ֖רֶץ וְהִבֹּ֣וז׀ תִּבֹּ֑וז כִּ֣י יְהוָ֔ה דִּבֶּ֖ר אֶת־הַדָּבָ֥ר הַזֶּֽה׃
Esaïe 24.1 Esaïe 6.11 Deutéronome 29.28 Esaïe 21.17 Lévitique 26.30-26.35
⁴ אָבְלָ֤ה נָֽבְלָה֙ הָאָ֔רֶץ אֻמְלְלָ֥ה נָבְלָ֖ה תֵּבֵ֑ל אֻמְלָ֖לוּ מְרֹ֥ום עַם־הָאָֽרֶץ׃
Osée 4.3 Esaïe 33.9 Esaïe 3.26 Esaïe 28.1 Jérémie 4.28
⁵ וְהָאָ֥רֶץ חָנְפָ֖ה תַּ֣חַת יֹשְׁבֶ֑יהָ כִּֽי־עָבְר֤וּ תֹורֹת֙ חָ֣לְפוּ חֹ֔ק הֵפֵ֖רוּ בְּרִ֥ית עֹולָֽם׃
Nombres 35.33-35.34 Daniel 7.25 Romains 8.20-8.21 Deutéronome 32.15 Psaumes 55.5
⁶ עַל־כֵּ֗ן אָלָה֙ אָ֣כְלָה אֶ֔רֶץ וַֽיֶּאְשְׁמ֖וּ יֹ֣שְׁבֵי בָ֑הּ עַל־כֵּ֗ן חָרוּ֙ יֹ֣שְׁבֵי אֶ֔רֶץ וְנִשְׁאַ֥ר אֱנֹ֖ושׁ מִזְעָֽר׃
Zacharie 5.3-5.4 Malachie 4.1 Deutéronome 29.22-29.28 Deutéronome 28.62 Ezéchiel 5.3
⁷ אָבַ֥ל תִּירֹ֖ושׁ אֻמְלְלָה־גָ֑פֶן נֶאֶנְח֖וּ כָּל־שִׂמְחֵי־לֵֽב׃
Esaïe 16.10 Joël 1.10-1.12 Esaïe 16.8 Esaïe 32.9-32.13 Osée 9.1-9.2
⁸ שָׁבַת֙ מְשֹׂ֣ושׂ תֻּפִּ֔ים חָדַ֖ל שְׁאֹ֣ון עַלִּיזִ֑ים שָׁבַ֖ת מְשֹׂ֥ושׂ כִּנֹּֽור׃
Osée 2.11 Ezéchiel 26.13 Apocalypse 18.22 Jérémie 7.34 Jérémie 25.10
⁹ בַּשִּׁ֖יר לֹ֣א יִשְׁתּוּ־יָ֑יִן יֵמַ֥ר שֵׁכָ֖ר לְשֹׁתָֽיו׃
Ecclésiaste 9.7 Esaïe 5.22 Esaïe 5.20 Amos 6.5-6.7 Psaumes 69.12
¹⁰ נִשְׁבְּרָ֖ה קִרְיַת־תֹּ֑הוּ סֻגַּ֥ר כָּל־בַּ֖יִת מִבֹּֽוא׃
Esaïe 34.13-34.15 Jérémie 52.13-52.14 Apocalypse 17.5-17.6 Esaïe 34.11 Esaïe 25.2
¹¹ צְוָחָ֥ה עַל־הַיַּ֖יִן בַּֽחוּצֹ֑ות עָֽרְבָה֙ כָּל־שִׂמְחָ֔ה גָּלָ֖ה מְשֹׂ֥ושׂ הָאָֽרֶץ׃
Matthieu 22.11-22.13 Osée 7.14 Esaïe 8.22 Jérémie 48.33 Esaïe 32.13
¹² נִשְׁאַ֥ר בָּעִ֖יר שַׁמָּ֑ה וּשְׁאִיָּ֖ה יֻכַּת־שָֽׁעַר׃
Lamentations 5.18 Michée 1.12 Lamentations 2.9 Lamentations 1.1 Esaïe 32.14
¹³ כִּ֣י כֹ֥ה יִהְיֶ֛ה בְּקֶ֥רֶב הָאָ֖רֶץ בְּתֹ֣וךְ הָֽעַמִּ֑ים כְּנֹ֣קֶף זַ֔יִת כְּעֹולֵלֹ֖ת אִם־כָּלָ֥ה בָצִֽיר׃
Esaïe 1.9 Ezéchiel 9.4-9.6 Michée 2.12 Ezéchiel 6.8-6.11 Matthieu 24.22
¹⁴ הֵ֛מָּה יִשְׂא֥וּ קֹולָ֖ם יָרֹ֑נּוּ בִּגְאֹ֣ון יְהוָ֔ה צָהֲל֖וּ מִיָּֽם׃
Esaïe 44.23 Esaïe 40.9 Esaïe 26.1 Esaïe 27.2 Jérémie 33.11
¹⁵ עַל־כֵּ֥ן בָּאֻרִ֖ים כַּבְּד֣וּ יְהוָ֑ה בְּאִיֵּ֣י הַיָּ֔ם שֵׁ֥ם יְהוָ֖ה אֱלֹהֵ֥י יִשְׂרָאֵֽל׃ ס
Malachie 1.11 Esaïe 51.5 Esaïe 42.10 Esaïe 42.4 Esaïe 49.1
¹⁶ מִכְּנַ֨ף הָאָ֜רֶץ זְמִרֹ֤ת שָׁמַ֨עְנוּ֙ צְבִ֣י לַצַּדִּ֔יק וָאֹמַ֛ר רָזִי־לִ֥י רָֽזִי־לִ֖י אֹ֣וי לִ֑י בֹּגְדִ֣ים בָּגָ֔דוּ וּבֶ֥גֶד בֹּוגְדִ֖ים בָּגָֽדוּ׃
Esaïe 21.2 Esaïe 33.1 Jérémie 5.11 Jérémie 3.20 Esaïe 26.15
¹⁷ פַּ֥חַד וָפַ֖חַת וָפָ֑ח עָלֶ֖יךָ יֹושֵׁ֥ב הָאָֽרֶץ׃
Jérémie 48.43-48.44 Ezéchiel 14.21 Lévitique 26.21-26.22 1 Rois 19.17 Amos 5.19
¹⁸ וְֽ֠הָיָה הַנָּ֞ס מִקֹּ֤ול הַפַּ֨חַד֙ יִפֹּ֣ל אֶל־הַפַּ֔חַת וְהָֽעֹולֶה֙ מִתֹּ֣וךְ הַפַּ֔חַת יִלָּכֵ֖ד בַּפָּ֑ח כִּֽי־אֲרֻבֹּ֤ות מִמָּרֹום֙ נִפְתָּ֔חוּ וַֽיִּרְעֲשׁ֖וּ מֹ֥וסְדֵי אָֽרֶץ׃
Psaumes 18.7 Genèse 7.11 Josué 10.10-10.11 Deutéronome 32.22-32.26 Psaumes 46.2-46.3
¹⁹ רֹ֥עָה הִֽתְרֹעֲעָ֖ה הָאָ֑רֶץ פֹּ֤ור הִֽתְפֹּורְרָה֙ אֶ֔רֶץ מֹ֥וט הִֽתְמֹוטְטָ֖ה אָֽרֶץ׃
Nahum 1.5 Apocalypse 20.11 Jérémie 4.23-4.28 Habakuk 3.6 Matthieu 24.3
²⁰ נֹ֣ועַ תָּנ֤וּעַ אֶ֨רֶץ֙ כַּשִּׁכֹּ֔ור וְהִֽתְנֹודְדָ֖ה כַּמְּלוּנָ֑ה וְכָבַ֤ד עָלֶ֨יהָ֙ פִּשְׁעָ֔הּ וְנָפְלָ֖ה וְלֹא־תֹסִ֥יף קֽוּם׃ ס
Esaïe 19.14 Esaïe 29.9 Amos 8.14 Daniel 11.19 Zacharie 5.5-5.8
²¹ וְהָיָה֙ בַּיֹּ֣ום הַה֔וּא יִפְקֹ֧ד יְהוָ֛ה עַל־צְבָ֥א הַמָּרֹ֖ום בַּמָּרֹ֑ום וְעַל־מַלְכֵ֥י הָאֲדָמָ֖ה עַל־הָאֲדָמָֽה׃
Psaumes 76.12 Esaïe 10.12 Joël 3.9-3.17 Esaïe 10.25-10.27 Psaumes 149.6-149.9
²² וְאֻסְּפ֨וּ אֲסֵפָ֤ה אַסִּיר֙ עַל־בֹּ֔ור וְסֻגְּר֖וּ עַל־מַסְגֵּ֑ר וּמֵרֹ֥ב יָמִ֖ים יִפָּקֵֽדוּ׃
Zacharie 9.11 Esaïe 42.22 Jérémie 38.6-38.13 Esaïe 10.4 Josué 10.22-10.26
²³ וְחָֽפְרָה֙ הַלְּבָנָ֔ה וּבֹושָׁ֖ה הַֽחַמָּ֑ה כִּֽי־מָלַ֞ךְ יְהוָ֣ה צְבָאֹ֗ות בְּהַ֤ר צִיֹּון֙ וּבִיר֣וּשָׁלִַ֔ם וְנֶ֥גֶד זְקֵנָ֖יו כָּבֹֽוד׃ פ
Esaïe 13.10 Hébreux 12.22 Esaïe 60.19 Michée 4.7 Apocalypse 21.23