Esaïe 24.15
Biblia Hebraica Stuttgartensia

Les bouleversements à venir

Jugement universel

¹ הִנֵּ֧ה יְהוָ֛ה בֹּוקֵ֥ק הָאָ֖רֶץ וּבֹֽולְקָ֑הּ וְעִוָּ֣ה פָנֶ֔יהָ וְהֵפִ֖יץ יֹשְׁבֶֽיהָ׃
Esaïe 42.15 Nahum 2.10 Deutéronome 32.26 Ezéchiel 12.20 Ezéchiel 5.2
² וְהָיָ֤ה כָעָם֙ כַּכֹּהֵ֔ן כַּעֶ֨בֶד֙ כַּֽאדֹנָ֔יו כַּשִּׁפְחָ֖ה כַּגְּבִרְתָּ֑הּ כַּקֹּונֶה֙ כַּמֹּוכֵ֔ר כַּמַּלְוֶה֙ כַּלֹּוֶ֔ה כַּנֹּשֶׁ֕ה כַּאֲשֶׁ֖ר נֹשֶׁ֥א בֹֽו׃
Osée 4.9 Ezéchiel 7.12-7.13 Lévitique 25.36-25.37 Jérémie 23.11-23.13 Ephésiens 6.8-6.9
³ הִבֹּ֧וק׀ תִּבֹּ֛וק הָאָ֖רֶץ וְהִבֹּ֣וז׀ תִּבֹּ֑וז כִּ֣י יְהוָ֔ה דִּבֶּ֖ר אֶת־הַדָּבָ֥ר הַזֶּֽה׃
Esaïe 24.1 Esaïe 6.11 Deutéronome 29.23 2 Chroniques 36.21 Jérémie 13.15
⁴ אָבְלָ֤ה נָֽבְלָה֙ הָאָ֔רֶץ אֻמְלְלָ֥ה נָבְלָ֖ה תֵּבֵ֑ל אֻמְלָ֖לוּ מְרֹ֥ום עַם־הָאָֽרֶץ׃
Esaïe 33.9 Osée 4.3 Esaïe 2.11-2.12 Jérémie 12.4 Esaïe 3.26
⁵ וְהָאָ֥רֶץ חָנְפָ֖ה תַּ֣חַת יֹשְׁבֶ֑יהָ כִּֽי־עָבְר֤וּ תֹורֹת֙ חָ֣לְפוּ חֹ֔ק הֵפֵ֖רוּ בְּרִ֥ית עֹולָֽם׃
Romains 8.20-8.21 Nombres 35.33-35.34 Daniel 7.25 Ezéchiel 20.13 Ezéchiel 7.20-7.24
⁶ עַל־כֵּ֗ן אָלָה֙ אָ֣כְלָה אֶ֔רֶץ וַֽיֶּאְשְׁמ֖וּ יֹ֣שְׁבֵי בָ֑הּ עַל־כֵּ֗ן חָרוּ֙ יֹ֣שְׁבֵי אֶ֔רֶץ וְנִשְׁאַ֥ר אֱנֹ֖ושׁ מִזְעָֽר׃
Zacharie 5.3-5.4 Malachie 4.1 Romains 9.27 Malachie 3.9 Josué 23.15-23.16
⁷ אָבַ֥ל תִּירֹ֖ושׁ אֻמְלְלָה־גָ֑פֶן נֶאֶנְח֖וּ כָּל־שִׂמְחֵי־לֵֽב׃
Esaïe 16.10 Joël 1.10-1.12 Esaïe 16.8 Esaïe 32.9-32.13 Osée 9.1-9.2
⁸ שָׁבַת֙ מְשֹׂ֣ושׂ תֻּפִּ֔ים חָדַ֖ל שְׁאֹ֣ון עַלִּיזִ֑ים שָׁבַ֖ת מְשֹׂ֥ושׂ כִּנֹּֽור׃
Osée 2.11 Jérémie 7.34 Ezéchiel 26.13 Apocalypse 18.22 Jérémie 16.9
⁹ בַּשִּׁ֖יר לֹ֣א יִשְׁתּוּ־יָ֑יִן יֵמַ֥ר שֵׁכָ֖ר לְשֹׁתָֽיו׃
Esaïe 5.22 Ecclésiaste 9.7 Amos 8.3 Esaïe 5.11-5.12 Ephésiens 5.18-5.19
¹⁰ נִשְׁבְּרָ֖ה קִרְיַת־תֹּ֑הוּ סֻגַּ֥ר כָּל־בַּ֖יִת מִבֹּֽוא׃
Apocalypse 11.7-11.8 Luc 21.24 Michée 3.12 2 Rois 25.4 Esaïe 24.12
¹¹ צְוָחָ֥ה עַל־הַיַּ֖יִן בַּֽחוּצֹ֑ות עָֽרְבָה֙ כָּל־שִׂמְחָ֔ה גָּלָ֖ה מְשֹׂ֥ושׂ הָאָֽרֶץ׃
Luc 16.25 Esaïe 16.10 Esaïe 9.19 Lamentations 5.14-5.15 Proverbes 31.6
¹² נִשְׁאַ֥ר בָּעִ֖יר שַׁמָּ֑ה וּשְׁאִיָּ֖ה יֻכַּת־שָֽׁעַר׃
Michée 1.9 Lamentations 1.4 Jérémie 9.11 Matthieu 22.7 Lamentations 5.18
¹³ כִּ֣י כֹ֥ה יִהְיֶ֛ה בְּקֶ֥רֶב הָאָ֖רֶץ בְּתֹ֣וךְ הָֽעַמִּ֑ים כְּנֹ֣קֶף זַ֔יִת כְּעֹולֵלֹ֖ת אִם־כָּלָ֥ה בָצִֽיר׃
Esaïe 1.9 Ezéchiel 7.16 Apocalypse 3.4 Jérémie 44.28 Apocalypse 11.2-11.3
¹⁴ הֵ֛מָּה יִשְׂא֥וּ קֹולָ֖ם יָרֹ֑נּוּ בִּגְאֹ֣ון יְהוָ֔ה צָהֲל֖וּ מִיָּֽם׃
Esaïe 51.11 Esaïe 25.1 Jérémie 30.19 Sophonie 3.14-3.20 Esaïe 52.7-52.9
¹⁵ עַל־כֵּ֥ן בָּאֻרִ֖ים כַּבְּד֣וּ יְהוָ֑ה בְּאִיֵּ֣י הַיָּ֔ם שֵׁ֥ם יְהוָ֖ה אֱלֹהֵ֥י יִשְׂרָאֵֽל׃ ס
Malachie 1.11 Esaïe 49.1 Esaïe 60.9 Esaïe 51.5 Esaïe 42.10
¹⁶ מִכְּנַ֨ף הָאָ֜רֶץ זְמִרֹ֤ת שָׁמַ֨עְנוּ֙ צְבִ֣י לַצַּדִּ֔יק וָאֹמַ֛ר רָזִי־לִ֥י רָֽזִי־לִ֖י אֹ֣וי לִ֑י בֹּגְדִ֣ים בָּגָ֔דוּ וּבֶ֥גֶד בֹּוגְדִ֖ים בָּגָֽדוּ׃
Esaïe 21.2 Esaïe 33.1 Jérémie 5.11 Jérémie 3.20 Habakuk 1.3
¹⁷ פַּ֥חַד וָפַ֖חַת וָפָ֑ח עָלֶ֖יךָ יֹושֵׁ֥ב הָאָֽרֶץ׃
Jérémie 48.43-48.44 Jérémie 8.3 Ezéchiel 14.21 Lévitique 26.21-26.22 1 Rois 19.17
¹⁸ וְֽ֠הָיָה הַנָּ֞ס מִקֹּ֤ול הַפַּ֨חַד֙ יִפֹּ֣ל אֶל־הַפַּ֔חַת וְהָֽעֹולֶה֙ מִתֹּ֣וךְ הַפַּ֔חַת יִלָּכֵ֖ד בַּפָּ֑ח כִּֽי־אֲרֻבֹּ֤ות מִמָּרֹום֙ נִפְתָּ֔חוּ וַֽיִּרְעֲשׁ֖וּ מֹ֥וסְדֵי אָֽרֶץ׃
Psaumes 18.7 Genèse 7.11 Job 18.8-18.16 Genèse 19.24 Job 20.24
¹⁹ רֹ֥עָה הִֽתְרֹעֲעָ֖ה הָאָ֑רֶץ פֹּ֤ור הִֽתְפֹּורְרָה֙ אֶ֔רֶץ מֹ֥וט הִֽתְמֹוטְטָ֖ה אָֽרֶץ׃
Apocalypse 20.11 Nahum 1.5 Esaïe 34.4-34.10 Esaïe 24.1-24.5 Jérémie 4.23-4.28
²⁰ נֹ֣ועַ תָּנ֤וּעַ אֶ֨רֶץ֙ כַּשִּׁכֹּ֔ור וְהִֽתְנֹודְדָ֖ה כַּמְּלוּנָ֑ה וְכָבַ֤ד עָלֶ֨יהָ֙ פִּשְׁעָ֔הּ וְנָפְלָ֖ה וְלֹא־תֹסִ֥יף קֽוּם׃ ס
Esaïe 19.14 Amos 8.14 Daniel 11.19 Esaïe 29.9 Osée 4.1-4.5
²¹ וְהָיָה֙ בַּיֹּ֣ום הַה֔וּא יִפְקֹ֧ד יְהוָ֛ה עַל־צְבָ֥א הַמָּרֹ֖ום בַּמָּרֹ֑ום וְעַל־מַלְכֵ֥י הָאֲדָמָ֖ה עַל־הָאֲדָמָֽה׃
Psaumes 76.12 Esaïe 10.12 Esaïe 14.1-14.2 Ezéchiel 38.1-38.23 Zacharie 14.12-14.19
²² וְאֻסְּפ֨וּ אֲסֵפָ֤ה אַסִּיר֙ עַל־בֹּ֔ור וְסֻגְּר֖וּ עַל־מַסְגֵּ֑ר וּמֵרֹ֥ב יָמִ֖ים יִפָּקֵֽדוּ׃
Zacharie 9.11 Jérémie 38.6-38.13 Esaïe 42.22 Esaïe 24.17 Josué 10.16-10.17
²³ וְחָֽפְרָה֙ הַלְּבָנָ֔ה וּבֹושָׁ֖ה הַֽחַמָּ֑ה כִּֽי־מָלַ֞ךְ יְהוָ֣ה צְבָאֹ֗ות בְּהַ֤ר צִיֹּון֙ וּבִיר֣וּשָׁלִַ֔ם וְנֶ֥גֶד זְקֵנָ֖יו כָּבֹֽוד׃ פ
Esaïe 13.10 Esaïe 60.19 Michée 4.7 Hébreux 12.22 Apocalypse 21.23