Esaïe 13.6
Biblia Hebraica Stuttgartensia

Prophéties sur les nations étrangères

Prophétie sur Babylone

¹ מַשָּׂ֖א בָּבֶ֑ל אֲשֶׁ֣ר חָזָ֔ה יְשַׁעְיָ֖הוּ בֶּן־אָמֹֽוץ׃
Esaïe 1.1 Esaïe 47.1-47.15 Esaïe 15.1 Esaïe 14.28 Daniel 5.28
² עַ֤ל הַר־נִשְׁפֶּה֙ שְֽׂאוּ־נֵ֔ס הָרִ֥ימוּ קֹ֖ול לָהֶ֑ם הָנִ֣יפוּ יָ֔ד וְיָבֹ֖אוּ פִּתְחֵ֥י נְדִיבִֽים׃
Esaïe 5.26 Jérémie 51.58 Jérémie 50.2 Jérémie 51.25 Esaïe 45.1-45.3
³ אֲנִ֥י צִוֵּ֖יתִי לִמְקֻדָּשָׁ֑י גַּ֣ם קָרָ֤אתִי גִבֹּורַי֙ לְאַפִּ֔י עַלִּיזֵ֖י גַּאֲוָתִֽי׃
Joël 3.11 Psaumes 149.2 Apocalypse 18.20-19.7 Apocalypse 17.12-17.18 Esaïe 45.4-45.5
⁴ קֹ֥ול הָמֹ֛ון בֶּֽהָרִ֖ים דְּמ֣וּת עַם־רָ֑ב קֹ֠ול שְׁאֹ֞ון מַמְלְכֹ֤ות גֹּויִם֙ נֶֽאֱסָפִ֔ים יְהוָ֣ה צְבָאֹ֔ות מְפַקֵּ֖ד צְבָ֥א מִלְחָמָֽה׃
Joël 3.14 Esaïe 10.5-10.6 Apocalypse 9.7-9.19 Zacharie 14.1-14.3 Jérémie 51.6-51.25
⁵ בָּאִ֛ים מֵאֶ֥רֶץ מֶרְחָ֖ק מִקְצֵ֣ה הַשָּׁמָ֑יִם יְהוָה֙ וּכְלֵ֣י זַעְמֹ֔ו לְחַבֵּ֖ל כָּל־הָאָֽרֶץ׃
Jérémie 51.11 Jérémie 50.9 Esaïe 5.26 Matthieu 24.31 Esaïe 24.1
⁶ הֵילִ֕ילוּ כִּ֥י קָרֹ֖וב יֹ֣ום יְהוָ֑ה כְּשֹׁ֖ד מִשַּׁדַּ֥י יָבֹֽוא׃
Joël 1.15 Joël 2.11 Sophonie 1.7 Esaïe 13.9 Esaïe 2.12
⁷ עַל־כֵּ֖ן כָּל־יָדַ֣יִם תִּרְפֶּ֑ינָה וְכָל־לְבַ֥ב אֱנֹ֖ושׁ יִמָּס׃
Ezéchiel 21.7 Ezéchiel 7.17 Esaïe 19.1 Nahum 2.10 Exode 15.15
⁸ וְֽנִבְהָ֓לוּ׀ צִירִ֤ים וַֽחֲבָלִים֙ יֹֽאחֵז֔וּן כַּיֹּולֵדָ֖ה יְחִיל֑וּן אִ֤ישׁ אֶל־רֵעֵ֨הוּ֙ יִתְמָ֔הוּ פְּנֵ֥י לְהָבִ֖ים פְּנֵיהֶֽם׃
Esaïe 26.17 Nahum 2.10 Esaïe 21.3-21.4 Daniel 5.5-5.6 Jean 16.21
⁹ הִנֵּ֤ה יֹום־יְהוָה֙ בָּ֔א אַכְזָרִ֥י וְעֶבְרָ֖ה וַחֲרֹ֣ון אָ֑ף לָשׂ֤וּם הָאָ֨רֶץ֙ לְשַׁמָּ֔ה וְחַטָּאֶ֖יהָ יַשְׁמִ֥יד מִמֶּֽנָּה׃
Jérémie 6.22-6.23 Esaïe 13.6 Esaïe 47.10-47.15 Esaïe 13.15-13.18 Psaumes 104.35
¹⁰ כִּֽי־כֹוכְבֵ֤י הַשָּׁמַ֨יִם֙ וּכְסִ֣ילֵיהֶ֔ם לֹ֥א יָהֵ֖לּוּ אֹורָ֑ם חָשַׁ֤ךְ הַשֶּׁ֨מֶשׁ֙ בְּצֵאתֹ֔ו וְיָרֵ֖חַ לֹֽא־יַגִּ֥יהַ אֹורֹֽו׃
Matthieu 24.29 Marc 13.24 Luc 21.25 Joël 3.15 Esaïe 24.23
¹¹ וּפָקַדְתִּ֤י עַל־תֵּבֵל֙ רָעָ֔ה וְעַל־רְשָׁעִ֖ים עֲוֹנָ֑ם וְהִשְׁבַּתִּי֙ גְּאֹ֣ון זֵדִ֔ים וְגַאֲוַ֥ת עָרִיצִ֖ים אַשְׁפִּֽיל׃
Esaïe 2.11 Daniel 5.22-5.23 Jérémie 50.29-50.32 Esaïe 14.21 Esaïe 3.11
¹² אֹוקִ֥יר אֱנֹ֖ושׁ מִפָּ֑ז וְאָדָ֖ם מִכֶּ֥תֶם אֹופִֽיר׃
Esaïe 4.1 Esaïe 24.6 Psaumes 137.9 Esaïe 13.15-13.18 Job 28.16
¹³ עַל־כֵּן֙ שָׁמַ֣יִם אַרְגִּ֔יז וְתִרְעַ֥שׁ הָאָ֖רֶץ מִמְּקֹומָ֑הּ בְּעֶבְרַת֙ יְהוָ֣ה צְבָאֹ֔ות וּבְיֹ֖ום חֲרֹ֥ון אַפֹּֽו׃
Apocalypse 20.11 2 Pierre 3.10 Hébreux 12.26-12.27 Matthieu 24.29 Joël 3.16
¹⁴ וְהָיָה֙ כִּצְבִ֣י מֻדָּ֔ח וּכְצֹ֖אן וְאֵ֣ין מְקַבֵּ֑ץ אִ֤ישׁ אֶל־עַמֹּו֙ יִפְנ֔וּ וְאִ֥ישׁ אֶל־אַרְצֹ֖ו יָנֽוּסוּ׃
Jérémie 50.16 1 Rois 22.17 Jérémie 51.9 1 Rois 22.36 Esaïe 17.13
¹⁵ כָּל־הַנִּמְצָ֖א יִדָּקֵ֑ר וְכָל־הַנִּסְפֶּ֖ה יִפֹּ֥ול בֶּחָֽרֶב׃
Jérémie 50.35-50.42 Esaïe 14.19-14.22 Jérémie 50.25 Jérémie 51.3-51.4 Jérémie 50.27
¹⁶ וְעֹלְלֵיהֶ֥ם יְרֻטְּשׁ֖וּ לְעֵֽינֵיהֶ֑ם יִשַּׁ֨סּוּ֙ בָּֽתֵּיהֶ֔ם וּנְשֵׁיהֶ֖ם תִּשָּׁכַֽבְנָה׃
Nahum 3.10 Osée 10.14 Psaumes 137.8-137.9 Lamentations 5.11 Zacharie 14.2
¹⁷ הִנְנִ֛י מֵעִ֥יר עֲלֵיהֶ֖ם אֶת־מָדָ֑י אֲשֶׁר־כֶּ֨סֶף֙ לֹ֣א יַחְשֹׁ֔בוּ וְזָהָ֖ב לֹ֥א יַחְפְּצוּ־בֹֽו׃
Jérémie 51.11 Proverbes 6.34-6.35 Esaïe 21.2 Esaïe 41.25 Jérémie 51.27-51.28
¹⁸ וּקְשָׁתֹ֖ות נְעָרִ֣ים תְּרַטַּ֑שְׁנָה וּפְרִי־בֶ֨טֶן֙ לֹ֣א יְרַחֵ֔מוּ עַל־בָּנִ֖ים לֹֽא־תָח֥וּס עֵינָֽם׃
2 Rois 8.12 Esaïe 13.16 Osée 13.16 Ezéchiel 9.5-9.6 Ezéchiel 9.10
¹⁹ וְהָיְתָ֤ה בָבֶל֙ צְבִ֣י מַמְלָכֹ֔ות תִּפְאֶ֖רֶת גְּאֹ֣ון כַּשְׂדִּ֑ים כְּמַהְפֵּכַ֣ת אֱלֹהִ֔ים אֶת־סְדֹ֖ם וְאֶת־עֲמֹרָֽה׃
Genèse 19.24 Daniel 4.30 Deutéronome 29.23 Jérémie 49.18 Jérémie 50.40
²⁰ לֹֽא־תֵשֵׁ֣ב לָנֶ֔צַח וְלֹ֥א תִשְׁכֹּ֖ן עַד־דֹּ֣ור וָדֹ֑ור וְלֹֽא־יַהֵ֥ל שָׁם֙ עֲרָבִ֔י וְרֹעִ֖ים לֹא־יַרְבִּ֥צוּ שָֽׁם׃
Jérémie 51.43 Esaïe 14.23 Jérémie 50.45 Jérémie 50.13 Jérémie 50.39
²¹ וְרָבְצוּ־שָׁ֣ם צִיִּ֔ים וּמָלְא֥וּ בָתֵּיהֶ֖ם אֹחִ֑ים וְשָׁ֤כְנוּ שָׁם֙ בְּנֹ֣ות יַֽעֲנָ֔ה וּשְׂעִירִ֖ים יְרַקְּדוּ־שָֽׁם׃
Apocalypse 18.2 Esaïe 34.11-34.15
²² וְעָנָ֤ה אִיִּים֙ בְּאַלְמנֹותָ֔יו וְתַנִּ֖ים בְּהֵ֣יכְלֵי עֹ֑נֶג וְקָרֹ֤וב לָבֹוא֙ עִתָּ֔הּ וְיָמֶ֖יהָ לֹ֥א יִמָּשֵֽׁכוּ׃
Esaïe 25.2 Jérémie 51.33 Esaïe 35.7 Habakuk 2.3 Deutéronome 32.35