Esaïe 13.19
Biblia Hebraica Stuttgartensia

¹ מַשָּׂ֖א בָּבֶ֑ל אֲשֶׁ֣ר חָזָ֔ה יְשַׁעְיָ֖הוּ בֶּן־אָמֹֽוץ׃Esaïe 1.1 Esaïe 14.28 Esaïe 47.1-47.15 Esaïe 15.1 Ezéchiel 12.10
² עַ֤ל הַר־נִשְׁפֶּה֙ שְֽׂאוּ־נֵ֔ס הָרִ֥ימוּ קֹ֖ול לָהֶ֑ם הָנִ֣יפוּ יָ֔ד וְיָבֹ֖אוּ פִּתְחֵ֥י נְדִיבִֽים׃Esaïe 5.26 Jérémie 51.58 Jérémie 50.2 Esaïe 45.1-45.3 Jérémie 51.25
³ אֲנִ֥י צִוֵּ֖יתִי לִמְקֻדָּשָׁ֑י גַּ֣ם קָרָ֤אתִי גִבֹּורַי֙ לְאַפִּ֔י עַלִּיזֵ֖י גַּאֲוָתִֽי׃Joël 3.11 Psaumes 149.2 Esaïe 44.27-44.28 Esaïe 23.11 Psaumes 149.5-149.9
⁴ קֹ֥ול הָמֹ֛ון בֶּֽהָרִ֖ים דְּמ֣וּת עַם־רָ֑ב קֹ֠ול שְׁאֹ֞ון מַמְלְכֹ֤ות גֹּויִם֙ נֶֽאֱסָפִ֔ים יְהוָ֣ה צְבָאֹ֔ות מְפַקֵּ֖ד צְבָ֥א מִלְחָמָֽה׃Joël 3.14 Joël 2.1-2.11 Apocalypse 18.8 Jérémie 50.14-50.15 Esaïe 22.1-22.9
⁵ בָּאִ֛ים מֵאֶ֥רֶץ מֶרְחָ֖ק מִקְצֵ֣ה הַשָּׁמָ֑יִם יְהוָה֙ וּכְלֵ֣י זַעְמֹ֔ו לְחַבֵּ֖ל כָּל־הָאָֽרֶץ׃Jérémie 50.3 Jérémie 51.20-51.46 Jérémie 51.11 Jérémie 50.9 Esaïe 5.26
⁶ הֵילִ֕ילוּ כִּ֥י קָרֹ֖וב יֹ֣ום יְהוָ֑ה כְּשֹׁ֖ד מִשַּׁדַּ֥י יָבֹֽוא׃Joël 1.15 Esaïe 2.12 Amos 5.18 Ezéchiel 30.2-30.3 Esaïe 34.8
⁷ עַל־כֵּ֖ן כָּל־יָדַ֣יִם תִּרְפֶּ֑ינָה וְכָל־לְבַ֥ב אֱנֹ֖ושׁ יִמָּס׃Ezéchiel 21.7 Nahum 2.10 Ezéchiel 7.17 Esaïe 19.1 Esaïe 51.20
⁸ וְֽנִבְהָ֓לוּ׀ צִירִ֤ים וַֽחֲבָלִים֙ יֹֽאחֵז֔וּן כַּיֹּולֵדָ֖ה יְחִיל֑וּן אִ֤ישׁ אֶל־רֵעֵ֨הוּ֙ יִתְמָ֔הוּ פְּנֵ֥י לְהָבִ֖ים פְּנֵיהֶֽם׃Nahum 2.10 Esaïe 26.17 Esaïe 21.3-21.4 Joël 2.6 Jérémie 4.31
⁹ הִנֵּ֤ה יֹום־יְהוָה֙ בָּ֔א אַכְזָרִ֥י וְעֶבְרָ֖ה וַחֲרֹ֣ון אָ֑ף לָשׂ֤וּם הָאָ֨רֶץ֙ לְשַׁמָּ֔ה וְחַטָּאֶ֖יהָ יַשְׁמִ֥יד מִמֶּֽנָּה׃Esaïe 13.15-13.18 Psaumes 104.35 Jérémie 6.22-6.23 Esaïe 13.6 Esaïe 47.10-47.15
¹⁰ כִּֽי־כֹוכְבֵ֤י הַשָּׁמַ֨יִם֙ וּכְסִ֣ילֵיהֶ֔ם לֹ֥א יָהֵ֖לּוּ אֹורָ֑ם חָשַׁ֤ךְ הַשֶּׁ֨מֶשׁ֙ בְּצֵאתֹ֔ו וְיָרֵ֖חַ לֹֽא־יַגִּ֥יהַ אֹורֹֽו׃Matthieu 24.29 Marc 13.24 Luc 21.25 Apocalypse 6.12-6.14 Esaïe 5.30
¹¹ וּפָקַדְתִּ֤י עַל־תֵּבֵל֙ רָעָ֔ה וְעַל־רְשָׁעִ֖ים עֲוֹנָ֑ם וְהִשְׁבַּתִּי֙ גְּאֹ֣ון זֵדִ֔ים וְגַאֲוַ֥ת עָרִיצִ֖ים אַשְׁפִּֽיל׃Daniel 5.22-5.23 Esaïe 2.11 Esaïe 14.12-14.16 Esaïe 26.21 Apocalypse 18.2-18.3
¹² אֹוקִ֥יר אֱנֹ֖ושׁ מִפָּ֑ז וְאָדָ֖ם מִכֶּ֥תֶם אֹופִֽיר׃Esaïe 4.1 Esaïe 24.6 Psaumes 137.9 Esaïe 13.15-13.18 Job 28.16
¹³ עַל־כֵּן֙ שָׁמַ֣יִם אַרְגִּ֔יז וְתִרְעַ֥שׁ הָאָ֖רֶץ מִמְּקֹומָ֑הּ בְּעֶבְרַת֙ יְהוָ֣ה צְבָאֹ֔ות וּבְיֹ֖ום חֲרֹ֥ון אַפֹּֽו׃Joël 3.16 Lamentations 1.12 Matthieu 24.35 Esaïe 34.4 Esaïe 51.6
¹⁴ וְהָיָה֙ כִּצְבִ֣י מֻדָּ֔ח וּכְצֹ֖אן וְאֵ֣ין מְקַבֵּ֑ץ אִ֤ישׁ אֶל־עַמֹּו֙ יִפְנ֔וּ וְאִ֥ישׁ אֶל־אַרְצֹ֖ו יָנֽוּסוּ׃1 Rois 22.17 Jérémie 50.16 Jérémie 51.9 1 Rois 22.36 Esaïe 17.13
¹⁵ כָּל־הַנִּמְצָ֖א יִדָּקֵ֑ר וְכָל־הַנִּסְפֶּ֖ה יִפֹּ֥ול בֶּחָֽרֶב׃Esaïe 47.9-47.14 Jérémie 50.35-50.42 Esaïe 14.19-14.22 Jérémie 50.25 Jérémie 51.3-51.4
¹⁶ וְעֹלְלֵיהֶ֥ם יְרֻטְּשׁ֖וּ לְעֵֽינֵיהֶ֑ם יִשַּׁ֨סּוּ֙ בָּֽתֵּיהֶ֔ם וּנְשֵׁיהֶ֖ם תִּשָּׁכַֽבְנָה׃Nahum 3.10 Osée 10.14 Psaumes 137.8-137.9 Esaïe 13.18 Lamentations 5.11
¹⁷ הִנְנִ֛י מֵעִ֥יר עֲלֵיהֶ֖ם אֶת־מָדָ֑י אֲשֶׁר־כֶּ֨סֶף֙ לֹ֣א יַחְשֹׁ֔בוּ וְזָהָ֖ב לֹ֥א יַחְפְּצוּ־בֹֽו׃Proverbes 6.34-6.35 Jérémie 51.11 Esaïe 21.2 Esaïe 41.25 Jérémie 51.27-51.28
¹⁸ וּקְשָׁתֹ֖ות נְעָרִ֣ים תְּרַטַּ֑שְׁנָה וּפְרִי־בֶ֨טֶן֙ לֹ֣א יְרַחֵ֔מוּ עַל־בָּנִ֖ים לֹֽא־תָח֥וּס עֵינָֽם׃2 Rois 8.12 Ezéchiel 9.10 2 Chroniques 36.17 Esaïe 13.16 Osée 13.16
¹⁹ וְהָיְתָ֤ה בָבֶל֙ צְבִ֣י מַמְלָכֹ֔ות תִּפְאֶ֖רֶת גְּאֹ֣ון כַּשְׂדִּ֑ים כְּמַהְפֵּכַ֣ת אֱלֹהִ֔ים אֶת־סְדֹ֖ם וְאֶת־עֲמֹרָֽה׃Genèse 19.24 Daniel 4.30 Deutéronome 29.23 Jérémie 49.18 Jérémie 50.40
²⁰ לֹֽא־תֵשֵׁ֣ב לָנֶ֔צַח וְלֹ֥א תִשְׁכֹּ֖ן עַד־דֹּ֣ור וָדֹ֑ור וְלֹֽא־יַהֵ֥ל שָׁם֙ עֲרָבִ֔י וְרֹעִ֖ים לֹא־יַרְבִּ֥צוּ שָֽׁם׃Esaïe 14.23 Jérémie 51.43 Jérémie 51.62-51.64 Jérémie 51.29 Apocalypse 18.21-18.23
²¹ וְרָבְצוּ־שָׁ֣ם צִיִּ֔ים וּמָלְא֥וּ בָתֵּיהֶ֖ם אֹחִ֑ים וְשָׁ֤כְנוּ שָׁם֙ בְּנֹ֣ות יַֽעֲנָ֔ה וּשְׂעִירִ֖ים יְרַקְּדוּ־שָֽׁם׃Apocalypse 18.2 Esaïe 34.11-34.15
²² וְעָנָ֤ה אִיִּים֙ בְּאַלְמנֹותָ֔יו וְתַנִּ֖ים בְּהֵ֣יכְלֵי עֹ֑נֶג וְקָרֹ֤וב לָבֹוא֙ עִתָּ֔הּ וְיָמֶ֖יהָ לֹ֥א יִמָּשֵֽׁכוּ׃Jérémie 51.33 Esaïe 35.7 Esaïe 25.2 2 Pierre 2.3 Habakuk 2.3