Esaïe 13
Biblia Hebraica Stuttgartensia

Prophéties sur les nations étrangères

Prophétie sur Babylone

1 מַשָּׂ֖א בָּבֶ֑ל אֲשֶׁ֣ר חָזָ֔ה יְשַׁעְיָ֖הוּ בֶּן־אָמֹֽוץ׃
Esaïe 1.1 Esaïe 47.1-47.15 Esaïe 15.1 Esaïe 14.28 Jérémie 50.1-51.64
2 עַ֤ל הַר־נִשְׁפֶּה֙ שְֽׂאוּ־נֵ֔ס הָרִ֥ימוּ קֹ֖ול לָהֶ֑ם הָנִ֣יפוּ יָ֔ד וְיָבֹ֖אוּ פִּתְחֵ֥י נְדִיבִֽים׃
Esaïe 5.26 Jérémie 50.2 Jérémie 51.58 Jérémie 51.25 Esaïe 45.1-45.3
3 אֲנִ֥י צִוֵּ֖יתִי לִמְקֻדָּשָׁ֑י גַּ֣ם קָרָ֤אתִי גִבֹּורַי֙ לְאַפִּ֔י עַלִּיזֵ֖י גַּאֲוָתִֽי׃
Joël 3.11 Psaumes 149.2 Apocalypse 17.12-17.18 Esaïe 45.4-45.5 Esdras 6.1-6.22
4 קֹ֥ול הָמֹ֛ון בֶּֽהָרִ֖ים דְּמ֣וּת עַם־רָ֑ב קֹ֠ול שְׁאֹ֞ון מַמְלְכֹ֤ות גֹּויִם֙ נֶֽאֱסָפִ֔ים יְהוָ֣ה צְבָאֹ֔ות מְפַקֵּ֖ד צְבָ֥א מִלְחָמָֽה׃
Joël 3.14 Jérémie 51.6-51.25 Jérémie 51.27-51.28 Jérémie 50.21-50.46 Joël 2.1-2.11
5 בָּאִ֛ים מֵאֶ֥רֶץ מֶרְחָ֖ק מִקְצֵ֣ה הַשָּׁמָ֑יִם יְהוָה֙ וּכְלֵ֣י זַעְמֹ֔ו לְחַבֵּ֖ל כָּל־הָאָֽרֶץ׃
Matthieu 24.31 Esaïe 24.1 Esaïe 13.17 Jérémie 50.3 Jérémie 51.20-51.46
6 הֵילִ֕ילוּ כִּ֥י קָרֹ֖וב יֹ֣ום יְהוָ֑ה כְּשֹׁ֖ד מִשַּׁדַּ֥י יָבֹֽוא׃
Joël 1.15 Esaïe 13.9 Esaïe 2.12 Amos 5.18 Ezéchiel 30.2-30.3
7 עַל־כֵּ֖ן כָּל־יָדַ֣יִם תִּרְפֶּ֑ינָה וְכָל־לְבַ֥ב אֱנֹ֖ושׁ יִמָּס׃
Ezéchiel 21.7 Nahum 2.10 Ezéchiel 7.17 Esaïe 19.1 Jérémie 50.43
8 וְֽנִבְהָ֓לוּ׀ צִירִ֤ים וַֽחֲבָלִים֙ יֹֽאחֵז֔וּן כַּיֹּולֵדָ֖ה יְחִיל֑וּן אִ֤ישׁ אֶל־רֵעֵ֨הוּ֙ יִתְמָ֔הוּ פְּנֵ֥י לְהָבִ֖ים פְּנֵיהֶֽם׃
Esaïe 26.17 Nahum 2.10 Esaïe 21.3-21.4 Jérémie 50.43 Psaumes 48.5-48.6
9 הִנֵּ֤ה יֹום־יְהוָה֙ בָּ֔א אַכְזָרִ֥י וְעֶבְרָ֖ה וַחֲרֹ֣ון אָ֑ף לָשׂ֤וּם הָאָ֨רֶץ֙ לְשַׁמָּ֔ה וְחַטָּאֶ֖יהָ יַשְׁמִ֥יד מִמֶּֽנָּה׃
Esaïe 47.10-47.15 Esaïe 13.15-13.18 Psaumes 104.35 Jérémie 6.22-6.23 Esaïe 13.6
10 כִּֽי־כֹוכְבֵ֤י הַשָּׁמַ֨יִם֙ וּכְסִ֣ילֵיהֶ֔ם לֹ֥א יָהֵ֖לּוּ אֹורָ֑ם חָשַׁ֤ךְ הַשֶּׁ֨מֶשׁ֙ בְּצֵאתֹ֔ו וְיָרֵ֖חַ לֹֽא־יַגִּ֥יהַ אֹורֹֽו׃
Matthieu 24.29 Marc 13.24 Luc 21.25 Apocalypse 6.12-6.14 Esaïe 5.30
11 וּפָקַדְתִּ֤י עַל־תֵּבֵל֙ רָעָ֔ה וְעַל־רְשָׁעִ֖ים עֲוֹנָ֑ם וְהִשְׁבַּתִּי֙ גְּאֹ֣ון זֵדִ֔ים וְגַאֲוַ֥ת עָרִיצִ֖ים אַשְׁפִּֽיל׃
Daniel 5.22-5.23 Esaïe 2.11 Esaïe 3.11 Esaïe 5.15 Esaïe 24.4-24.6
12 אֹוקִ֥יר אֱנֹ֖ושׁ מִפָּ֑ז וְאָדָ֖ם מִכֶּ֥תֶם אֹופִֽיר׃
Esaïe 4.1 Esaïe 24.6 Job 28.16 Psaumes 137.9 Esaïe 13.15-13.18
13 עַל־כֵּן֙ שָׁמַ֣יִם אַרְגִּ֔יז וְתִרְעַ֥שׁ הָאָ֖רֶץ מִמְּקֹומָ֑הּ בְּעֶבְרַת֙ יְהוָ֣ה צְבָאֹ֔ות וּבְיֹ֖ום חֲרֹ֥ון אַפֹּֽו׃
2 Pierre 3.10 Hébreux 12.26-12.27 Matthieu 24.29 Joël 3.16 Lamentations 1.12
14 וְהָיָה֙ כִּצְבִ֣י מֻדָּ֔ח וּכְצֹ֖אן וְאֵ֣ין מְקַבֵּ֑ץ אִ֤ישׁ אֶל־עַמֹּו֙ יִפְנ֔וּ וְאִ֥ישׁ אֶל־אַרְצֹ֖ו יָנֽוּסוּ׃
1 Rois 22.17 Jérémie 50.16 1 Rois 22.36 Jérémie 51.9 Apocalypse 18.9-18.10
15 כָּל־הַנִּמְצָ֖א יִדָּקֵ֑ר וְכָל־הַנִּסְפֶּ֖ה יִפֹּ֥ול בֶּחָֽרֶב׃
Jérémie 51.3-51.4 Jérémie 50.27 Esaïe 47.9-47.14 Jérémie 50.35-50.42 Esaïe 14.19-14.22
16 וְעֹלְלֵיהֶ֥ם יְרֻטְּשׁ֖וּ לְעֵֽינֵיהֶ֑ם יִשַּׁ֨סּוּ֙ בָּֽתֵּיהֶ֔ם וּנְשֵׁיהֶ֖ם תִּשָּׁכַֽבְנָה׃
Nahum 3.10 Psaumes 137.8-137.9 Osée 10.14 Zacharie 14.2 Esaïe 13.18
17 הִנְנִ֛י מֵעִ֥יר עֲלֵיהֶ֖ם אֶת־מָדָ֑י אֲשֶׁר־כֶּ֨סֶף֙ לֹ֣א יַחְשֹׁ֔בוּ וְזָהָ֖ב לֹ֥א יַחְפְּצוּ־בֹֽו׃
Jérémie 51.11 Proverbes 6.34-6.35 Esaïe 21.2 Daniel 5.28-5.31 Esaïe 13.3-13.5
18 וּקְשָׁתֹ֖ות נְעָרִ֣ים תְּרַטַּ֑שְׁנָה וּפְרִי־בֶ֨טֶן֙ לֹ֣א יְרַחֵ֔מוּ עַל־בָּנִ֖ים לֹֽא־תָח֥וּס עֵינָֽם׃
2 Rois 8.12 Ezéchiel 9.5-9.6 Ezéchiel 9.10 2 Chroniques 36.17 Esaïe 13.16
19 וְהָיְתָ֤ה בָבֶל֙ צְבִ֣י מַמְלָכֹ֔ות תִּפְאֶ֖רֶת גְּאֹ֣ון כַּשְׂדִּ֑ים כְּמַהְפֵּכַ֣ת אֱלֹהִ֔ים אֶת־סְדֹ֖ם וְאֶת־עֲמֹרָֽה׃
Genèse 19.24 Daniel 4.30 Jérémie 50.40 Deutéronome 29.23 Jérémie 49.18
20 לֹֽא־תֵשֵׁ֣ב לָנֶ֔צַח וְלֹ֥א תִשְׁכֹּ֖ן עַד־דֹּ֣ור וָדֹ֑ור וְלֹֽא־יַהֵ֥ל שָׁם֙ עֲרָבִ֔י וְרֹעִ֖ים לֹא־יַרְבִּ֥צוּ שָֽׁם׃
Esaïe 14.23 Jérémie 51.43 Jérémie 50.39 Esaïe 34.10-34.15 Jérémie 50.3
21 וְרָבְצוּ־שָׁ֣ם צִיִּ֔ים וּמָלְא֥וּ בָתֵּיהֶ֖ם אֹחִ֑ים וְשָׁ֤כְנוּ שָׁם֙ בְּנֹ֣ות יַֽעֲנָ֔ה וּשְׂעִירִ֖ים יְרַקְּדוּ־שָֽׁם׃
Apocalypse 18.2 Esaïe 34.11-34.15
22 וְעָנָ֤ה אִיִּים֙ בְּאַלְמנֹותָ֔יו וְתַנִּ֖ים בְּהֵ֣יכְלֵי עֹ֑נֶג וְקָרֹ֤וב לָבֹוא֙ עִתָּ֔הּ וְיָמֶ֖יהָ לֹ֥א יִמָּשֵֽׁכוּ׃
Esaïe 25.2 Jérémie 51.33 Esaïe 35.7 Ezéchiel 7.7-7.10 2 Pierre 3.9-3.10