Psaumes 86.3
Biblia Hebraica Stuttgartensia

Appel à la grâce de Dieu

¹ תְּפִלָּ֗ה לְדָ֫וִ֥ד הַטֵּֽה־יְהוָ֣ה אָזְנְךָ֣ עֲנֵ֑נִי כִּֽי־עָנִ֖י וְאֶבְיֹ֣ון אָֽנִי׃
Psaumes 31.2 Psaumes 40.17 Psaumes 140.12 Psaumes 142.1 Jacques 1.9-1.10
² שָֽׁמְרָ֣ה נַפְשִׁי֮ כִּֽי־חָסִ֪יד אָ֥נִי הֹושַׁ֣ע עַ֭בְדְּךָ אַתָּ֣ה אֱלֹהַ֑י הַבֹּוטֵ֥חַ אֵלֶֽיךָ׃
Psaumes 4.3 Ephésiens 1.12-1.13 Jean 17.11 Psaumes 37.28 1 Pierre 5.3-5.5
³ חָנֵּ֥נִי אֲדֹנָ֑י כִּ֥י אֵלֶ֥יךָ אֶ֝קְרָ֗א כָּל־הַיֹּֽום׃
Psaumes 57.1 Psaumes 88.9 Psaumes 25.5 Psaumes 56.1 Psaumes 4.1
⁴ שַׂ֭מֵּחַ נֶ֣פֶשׁ עַבְדֶּ֑ךָ כִּ֥י אֵלֶ֥יךָ אֲ֝דֹנָ֗י נַפְשִׁ֥י אֶשָּֽׂא׃
Psaumes 25.1 Psaumes 143.8 Esaïe 61.3 Esaïe 65.18 Psaumes 62.8
⁵ כִּֽי־אַתָּ֣ה אֲ֭דֹנָי טֹ֣וב וְסַלָּ֑ח וְרַב־חֶ֝֗סֶד לְכָל־קֹרְאֶֽיךָ׃
Joël 2.13 Psaumes 103.8 Exode 34.6 Néhémie 9.17 Psaumes 130.7
⁶ הַאֲזִ֣ינָה יְ֭הוָה תְּפִלָּתִ֑י וְ֝הַקְשִׁ֗יבָה בְּקֹ֣ול תַּחֲנוּנֹותָֽי׃
Psaumes 5.1-5.2 Psaumes 130.2 Psaumes 55.1 Psaumes 17.1
⁷ בְּיֹ֣ום צָ֭רָתִ֥י אֶקְרָאֶ֗ךָּ כִּ֣י תַעֲנֵֽנִי׃
Psaumes 50.15 Jonas 2.2 Psaumes 17.6 Psaumes 34.4-34.6 Esaïe 26.16
⁸ אֵין־כָּמֹ֖וךָ בָאֱלֹהִ֥ים׀ אֲדֹנָ֗י וְאֵ֣ין כְּֽמַעֲשֶֽׂיךָ׃
Exode 15.11 Psaumes 89.6 Deutéronome 3.24 Deutéronome 4.34 Esaïe 40.18
⁹ כָּל־גֹּויִ֤ם׀ אֲשֶׁ֥ר עָשִׂ֗יתָ יָבֹ֤ואוּ׀ וְיִשְׁתַּחֲו֣וּ לְפָנֶ֣יךָ אֲדֹנָ֑י וִֽיכַבְּד֣וּ לִשְׁמֶֽךָ׃
Apocalypse 15.4 Psaumes 66.4 Esaïe 66.23 Psaumes 102.15 Ephésiens 1.12
¹⁰ כִּֽי־גָדֹ֣ול אַ֭תָּה וְעֹשֵׂ֣ה נִפְלָאֹ֑ות אַתָּ֖ה אֱלֹהִ֣ים לְבַדֶּֽךָ׃
Psaumes 72.18 Marc 12.29 Esaïe 37.16 1 Corinthiens 8.4 Deutéronome 32.39
¹¹ הֹ֘ורֵ֤נִי יְהוָ֨ה׀ דַּרְכֶּ֗ךָ אֲהַלֵּ֥ךְ בַּאֲמִתֶּ֑ךָ יַחֵ֥ד לְ֝בָבִ֗י לְיִרְאָ֥ה שְׁמֶֽךָ׃
Jérémie 32.38-32.39 Job 34.32 Psaumes 26.3 1 Corinthiens 6.17 1 Corinthiens 10.21
¹² אֹודְךָ֤׀ אֲדֹנָ֣י אֱ֭לֹהַי בְּכָל־לְבָבִ֑י וַאֲכַבְּדָ֖ה שִׁמְךָ֣ לְעֹולָֽם׃
Deutéronome 6.5 Romains 15.6 1 Corinthiens 10.31 Psaumes 145.1-145.5 Apocalypse 19.5-19.6
¹³ כִּֽי־חַ֭סְדְּךָ גָּדֹ֣ול עָלָ֑י וְהִצַּ֥לְתָּ נַ֝פְשִׁ֗י מִשְּׁאֹ֥ול תַּחְתִּיָּֽה׃
Psaumes 103.8-103.12 Luc 1.58 Psaumes 30.3 Job 33.18 1 Thessaloniciens 1.10
¹⁴ אֱלֹהִ֤ים׀ זֵ֘דִ֤ים קָֽמוּ־עָלַ֗י וַעֲדַ֣ת עָ֭רִיצִים בִּקְשׁ֣וּ נַפְשִׁ֑י וְלֹ֖א שָׂמ֣וּךָ לְנֶגְדָּֽם׃
Psaumes 54.3 2 Samuel 15.1-15.12 Psaumes 36.11 Psaumes 14.4 Matthieu 26.3-26.4
¹⁵ וְאַתָּ֣ה אֲ֭דֹנָי אֵל־רַח֣וּם וְחַנּ֑וּן אֶ֥רֶךְ אַ֝פַּ֗יִם וְרַב־חֶ֥סֶד וֶאֱמֶֽת׃
Néhémie 9.17 Psaumes 111.4 Psaumes 86.5 Psaumes 103.8 Ephésiens 1.7
¹⁶ פְּנֵ֥ה אֵלַ֗י וְחָ֫נֵּ֥נִי תְּנָֽה־עֻזְּךָ֥ לְעַבְדֶּ֑ךָ וְ֝הֹושִׁ֗יעָה לְבֶן־אֲמָתֶֽךָ׃
Psaumes 25.16 Psaumes 116.16 Ephésiens 6.10 Zacharie 10.12 Psaumes 69.16
¹⁷ עֲשֵֽׂה־עִמִּ֥י אֹ֗ות לְטֹ֫ובָ֥ה וְיִרְא֣וּ שֹׂנְאַ֣י וְיֵבֹ֑שׁוּ כִּֽי־אַתָּ֥ה יְ֝הוָ֗ה עֲזַרְתַּ֥נִי וְנִחַמְתָּֽנִי׃
Psaumes 41.10-41.11 Psaumes 40.1 Psaumes 71.20-71.21 Juges 6.17 1 Corinthiens 5.5