Psaumes 86
Biblia Hebraica Stuttgartensia

¹ תְּפִלָּ֗ה לְדָ֫וִ֥ד הַטֵּֽה־יְהוָ֣ה אָזְנְךָ֣ עֲנֵ֑נִי כִּֽי־עָנִ֖י וְאֶבְיֹ֣ון אָֽנִי׃ Psaumes 31.2 Psaumes 40.17 Jacques 2.5 Esaïe 66.2 Daniel 9.18
² שָֽׁמְרָ֣ה נַפְשִׁי֮ כִּֽי־חָסִ֪יד אָ֥נִי הֹושַׁ֣ע עַ֭בְדְּךָ אַתָּ֣ה אֱלֹהַ֑י הַבֹּוטֵ֥חַ אֵלֶֽיךָ׃ Ephésiens 1.12-1.13 Psaumes 4.3 Romains 9.23-9.24 Psaumes 31.14 Psaumes 25.2
³ חָנֵּ֥נִי אֲדֹנָ֑י כִּ֥י אֵלֶ֥יךָ אֶ֝קְרָ֗א כָּל־הַיֹּֽום׃ Psaumes 57.1 Psaumes 88.9 Psaumes 4.1 Ephésiens 6.18 Psaumes 25.5
⁴ שַׂ֭מֵּחַ נֶ֣פֶשׁ עַבְדֶּ֑ךָ כִּ֥י אֵלֶ֥יךָ אֲ֝דֹנָ֗י נַפְשִׁ֥י אֶשָּֽׂא׃ Psaumes 25.1 Psaumes 143.8 Esaïe 65.18 Psaumes 62.8 Psaumes 51.12
⁵ כִּֽי־אַתָּ֣ה אֲ֭דֹנָי טֹ֣וב וְסַלָּ֑ח וְרַב־חֶ֝֗סֶד לְכָל־קֹרְאֶֽיךָ׃ Joël 2.13 Psaumes 103.8 Exode 34.6 Néhémie 9.17 Psaumes 145.8-145.9
⁶ הַאֲזִ֣ינָה יְ֭הוָה תְּפִלָּתִ֑י וְ֝הַקְשִׁ֗יבָה בְּקֹ֣ול תַּחֲנוּנֹותָֽי׃ Psaumes 5.1-5.2 Psaumes 130.2 Psaumes 55.1 Psaumes 17.1
⁷ בְּיֹ֣ום צָ֭רָתִ֥י אֶקְרָאֶ֗ךָּ כִּ֣י תַעֲנֵֽנִי׃ Psaumes 50.15 Psaumes 17.6 Psaumes 34.4-34.6 Jonas 2.2 Psaumes 142.1
⁸ אֵין־כָּמֹ֖וךָ בָאֱלֹהִ֥ים׀ אֲדֹנָ֗י וְאֵ֣ין כְּֽמַעֲשֶֽׂיךָ׃ Psaumes 89.6 Deutéronome 3.24 Exode 15.11 Psaumes 136.4 Psaumes 89.8
⁹ כָּל־גֹּויִ֤ם׀ אֲשֶׁ֥ר עָשִׂ֗יתָ יָבֹ֤ואוּ׀ וְיִשְׁתַּחֲו֣וּ לְפָנֶ֣יךָ אֲדֹנָ֑י וִֽיכַבְּד֣וּ לִשְׁמֶֽךָ׃ Psaumes 66.4 Apocalypse 15.4 Esaïe 66.23 Romains 11.25 Romains 15.9
¹⁰ כִּֽי־גָדֹ֣ול אַ֭תָּה וְעֹשֵׂ֣ה נִפְלָאֹ֑ות אַתָּ֖ה אֱלֹהִ֣ים לְבַדֶּֽךָ׃ Psaumes 72.18 Marc 12.29 Esaïe 37.16 1 Corinthiens 8.4 Deutéronome 32.39
¹¹ הֹ֘ורֵ֤נִי יְהוָ֨ה׀ דַּרְכֶּ֗ךָ אֲהַלֵּ֥ךְ בַּאֲמִתֶּ֑ךָ יַחֵ֥ד לְ֝בָבִ֗י לְיִרְאָ֥ה שְׁמֶֽךָ׃ Jérémie 32.38-32.39 1 Corinthiens 10.21 Psaumes 5.8 Job 34.32 Psaumes 26.3
¹² אֹודְךָ֤׀ אֲדֹנָ֣י אֱ֭לֹהַי בְּכָל־לְבָבִ֑י וַאֲכַבְּדָ֖ה שִׁמְךָ֣ לְעֹולָֽם׃ Deutéronome 6.5 1 Corinthiens 10.31 Romains 15.6 Psaumes 103.1-103.3 Psaumes 9.1
¹³ כִּֽי־חַ֭סְדְּךָ גָּדֹ֣ול עָלָ֑י וְהִצַּ֥לְתָּ נַ֝פְשִׁ֗י מִשְּׁאֹ֥ול תַּחְתִּיָּֽה׃ Luc 1.58 Psaumes 103.8-103.12 Job 33.18 1 Thessaloniciens 1.10 Psaumes 88.6
¹⁴ אֱלֹהִ֤ים׀ זֵ֘דִ֤ים קָֽמוּ־עָלַ֗י וַעֲדַ֣ת עָ֭רִיצִים בִּקְשׁ֣וּ נַפְשִׁ֑י וְלֹ֖א שָׂמ֣וּךָ לְנֶגְדָּֽם׃ Psaumes 54.3 Actes 4.27-4.28 Ezéchiel 8.12 Psaumes 140.5 Psaumes 119.51
¹⁵ וְאַתָּ֣ה אֲ֭דֹנָי אֵל־רַח֣וּם וְחַנּ֑וּן אֶ֥רֶךְ אַ֝פַּ֗יִם וְרַב־חֶ֥סֶד וֶאֱמֶֽת׃ Psaumes 86.5 Psaumes 103.8 Néhémie 9.17 Psaumes 111.4 Joël 2.13
¹⁶ פְּנֵ֥ה אֵלַ֗י וְחָ֫נֵּ֥נִי תְּנָֽה־עֻזְּךָ֥ לְעַבְדֶּ֑ךָ וְ֝הֹושִׁ֗יעָה לְבֶן־אֲמָתֶֽךָ׃ Psaumes 25.16 Psaumes 116.16 Philippiens 4.13 Esaïe 45.24 Psaumes 90.13
¹⁷ עֲשֵֽׂה־עִמִּ֥י אֹ֗ות לְטֹ֫ובָ֥ה וְיִרְא֣וּ שֹׂנְאַ֣י וְיֵבֹ֑שׁוּ כִּֽי־אַתָּ֥ה יְ֝הוָ֗ה עֲזַרְתַּ֥נִי וְנִחַמְתָּֽנִי׃ Psaumes 41.10-41.11 Juges 6.17 1 Corinthiens 5.5 Psaumes 40.1 Psaumes 71.20-71.21