Psaumes 29
Biblia Hebraica Stuttgartensia

¹ מִזְמֹ֗ור לְדָ֫וִ֥ד הָב֣וּ לַֽ֭יהוָה בְּנֵ֣י אֵלִ֑ים הָב֥וּ לַ֝יהוָ֗ה כָּבֹ֥וד וָעֹֽז׃ Psaumes 96.7-96.9 Psaumes 68.31-68.34 1 Chroniques 16.28-16.29 Psaumes 2.10-2.12 Jérémie 13.16-13.18
² הָב֣וּ לַֽ֭יהוָה כְּבֹ֣וד שְׁמֹ֑ו הִשְׁתַּחֲו֥וּ לַ֝יהוָ֗ה בְּהַדְרַת־קֹֽדֶשׁ׃ 2 Chroniques 20.21 Psaumes 110.3 Psaumes 96.8-96.9 Psaumes 90.17 Psaumes 27.4
³ קֹ֥ול יְהוָ֗ה עַל־הַ֫מָּ֥יִם אֵֽל־הַכָּבֹ֥וד הִרְעִ֑ים יְ֝הוָ֗ה עַל־מַ֥יִם רַבִּֽים׃ Psaumes 18.13-18.15 Psaumes 93.3-93.4 Psaumes 24.7-24.10 Apocalypse 16.18 Apocalypse 17.14-17.15
⁴ קֹול־יְהוָ֥ה בַּכֹּ֑חַ קֹ֥ול יְ֝הוָ֗ה בֶּהָדָֽר׃ Psaumes 68.33 Psaumes 33.9 Job 26.11-26.14 Luc 8.25 Job 40.9-40.12
⁵ קֹ֣ול יְ֭הוָה שֹׁבֵ֣ר אֲרָזִ֑ים וַיְשַׁבֵּ֥ר יְ֝הוָ֗ה אֶת־אַרְזֵ֥י הַלְּבָנֹֽון׃ Juges 9.15 Esaïe 2.13 Psaumes 104.16
⁶ וַיַּרְקִידֵ֥ם כְּמֹו־עֵ֑גֶל לְבָנֹ֥ון וְ֝שִׂרְיֹ֗ן כְּמֹ֣ו בֶן־רְאֵמִֽים׃ Deutéronome 3.9 Nombres 23.22 Jérémie 4.23-4.25 Psaumes 92.10 Habakuk 3.6-3.11
⁷ קֹול־יְהוָ֥ה חֹצֵ֗ב לַהֲבֹ֥ות אֵֽשׁ׃ Psaumes 77.18 Exode 9.23 Job 38.35 Nombres 16.35 Lévitique 10.2
⁸ קֹ֣ול יְ֭הוָה יָחִ֣יל מִדְבָּ֑ר יָחִ֥יל יְ֝הוָ֗ה מִדְבַּ֥ר קָדֵֽשׁ׃ Nombres 13.26 Hébreux 12.26 Joël 3.16 Job 9.6 Aggée 2.6
⁹ קֹ֤ול יְהוָ֨ה׀ יְחֹולֵ֣ל אַיָּלֹות֮ וַֽיֶּחֱשֹׂ֪ף יְעָ֫רֹ֥ות וּבְהֵיכָלֹ֑ו כֻּ֝לֹּ֗ו אֹמֵ֥ר כָּבֹֽוד׃ Job 39.1-39.3 Esaïe 10.18-10.19 Ezéchiel 20.46-20.48 Psaumes 46.2-46.5 Psaumes 48.9
¹⁰ יְ֭הוָה לַמַּבּ֣וּל יָשָׁ֑ב וַיֵּ֥שֶׁב יְ֝הוָ֗ה מֶ֣לֶךְ לְעֹולָֽם׃ Psaumes 10.16 Genèse 6.17 Marc 4.41 1 Timothée 1.17 Psaumes 2.6-2.9
¹¹ יְֽהוָ֗ה עֹ֖ז לְעַמֹּ֣ו יִתֵּ֑ן יְהוָ֓ה׀ יְבָרֵ֖ךְ אֶת־עַמֹּ֣ו בַשָּׁלֹֽום׃ Nombres 6.24-6.27 Esaïe 40.31 Esaïe 41.10 Esaïe 40.29 Psaumes 68.35