Psaumes 105.1
Biblia Hebraica Stuttgartensia

La fidélité de Dieu envers Israël

¹ הֹוד֣וּ לַ֭יהוָה קִרְא֣וּ בִּשְׁמֹ֑ו הֹודִ֥יעוּ בָ֝עַמִּ֗ים עֲלִילֹותָֽיו׃
Esaïe 12.4 Psaumes 145.11-145.12 Joël 2.32 Psaumes 106.1 1 Chroniques 16.34
² שִֽׁירוּ־לֹ֖ו זַמְּרוּ־לֹ֑ו שִׂ֝֗יחוּ בְּכָל־נִפְלְאֹותָֽיו׃
Psaumes 77.12 Psaumes 119.27 Psaumes 98.5 Juges 5.3 Esaïe 42.10-42.12
³ הִֽ֭תְהַלְלוּ בְּשֵׁ֣ם קָדְשֹׁ֑ו יִ֝שְׂמַ֗ח לֵ֤ב׀ מְבַקְשֵׁ֬י יְהוָֽה׃
Luc 11.9-11.10 1 Corinthiens 1.29 1 Corinthiens 1.31 Lamentations 3.25 Jérémie 9.23-9.24
⁴ דִּרְשׁ֣וּ יְהוָ֣ה וְעֻזֹּ֑ו בַּקְּשׁ֖וּ פָנָ֣יו תָּמִֽיד׃
Psaumes 27.8 Psaumes 78.61 Amos 5.4-5.6 Sophonie 2.2-2.3 2 Chroniques 6.41
⁵ זִכְר֗וּ נִפְלְאֹותָ֥יו אֲשֶׁר־עָשָׂ֑ה מֹ֝פְתָ֗יו וּמִשְׁפְּטֵי־פִֽיו׃
Psaumes 77.11 Psaumes 119.13 Esaïe 43.18-43.19 Deutéronome 7.18-7.19 Apocalypse 16.7
⁶ זֶ֭רַע אַבְרָהָ֣ם עַבְדֹּ֑ו בְּנֵ֖י יַעֲקֹ֣ב בְּחִירָֽיו׃
Jean 15.16 1 Pierre 2.9 Deutéronome 7.6-7.8 Esaïe 41.8 Esaïe 44.1-44.2
⁷ ה֭וּא יְהוָ֣ה אֱלֹהֵ֑ינוּ בְּכָל־הָ֝אָ֗רֶץ מִשְׁפָּטָֽיו׃
Esaïe 26.9 Deutéronome 26.17-26.18 Deutéronome 29.10-29.15 Genèse 17.7 Apocalypse 15.4
⁸ זָכַ֣ר לְעֹולָ֣ם בְּרִיתֹ֑ו דָּבָ֥ר צִ֝וָּ֗ה לְאֶ֣לֶף דֹּֽור׃
Psaumes 111.5 Deutéronome 7.9 Psaumes 106.45 Psaumes 105.42 Néhémie 1.5
⁹ אֲשֶׁ֣ר כָּ֭רַת אֶת־אַבְרָהָ֑ם וּשְׁב֖וּעָתֹ֣ו לְיִשְׂחָֽק׃
Genèse 17.2 Genèse 26.3 Genèse 22.16-22.18 Hébreux 6.17 Genèse 35.11
¹⁰ וַיַּֽעֲמִידֶ֣הָ לְיַעֲקֹ֣ב לְחֹ֑ק לְ֝יִשְׂרָאֵ֗ל בְּרִ֣ית עֹולָֽם׃
2 Samuel 23.5 Genèse 28.13-28.15 Genèse 17.7-17.8 Hébreux 13.20
¹¹ לֵאמֹ֗ר לְךָ֗ אֶתֵּ֥ן אֶת־אֶֽרֶץ־כְּנָ֑עַן חֶ֝֗בֶל נַחֲלַתְכֶֽם׃
Genèse 13.15 Genèse 15.18 Psaumes 78.55 Genèse 26.3-26.4 Genèse 28.13
¹² בִּֽ֭הְיֹותָם מְתֵ֣י מִסְפָּ֑ר כִּ֝מְעַ֗ט וְגָרִ֥ים בָּֽהּ׃
Genèse 34.30 Hébreux 11.9 Deutéronome 7.7 Genèse 23.4 Deutéronome 26.5
¹³ וַֽ֭יִּתְהַלְּכוּ מִגֹּ֣וי אֶל־גֹּ֑וי מִ֝מַּמְלָכָ֗ה אֶל־עַ֥ם אַחֵֽר׃
¹⁴ לֹֽא־הִנִּ֣יחַ אָדָ֣ם לְעָשְׁקָ֑ם וַיֹּ֖וכַח עֲלֵיהֶ֣ם מְלָכִֽים׃
Genèse 35.5 Genèse 31.24-31.29 Exode 7.16-7.17 Genèse 26.14-26.33 Genèse 20.1-20.7
¹⁵ אַֽל־תִּגְּע֥וּ בִמְשִׁיחָ֑י וְ֝לִנְבִיאַי אַל־תָּרֵֽעוּ׃
Genèse 26.11 1 Jean 2.27 Genèse 49.8-49.33 Genèse 20.7 Zacharie 2.8
¹⁶ וַיִּקְרָ֣א רָ֭עָב עַל־הָאָ֑רֶץ כָּֽל־מַטֵּה־לֶ֥חֶם שָׁבָֽר׃
Ezéchiel 4.16 Esaïe 3.1 Lévitique 26.26 Genèse 41.54 2 Rois 8.1
¹⁷ שָׁלַ֣ח לִפְנֵיהֶ֣ם אִ֑ישׁ לְ֝עֶ֗בֶד נִמְכַּ֥ר יֹוסֵֽף׃
Actes 7.9 Genèse 37.36 Genèse 50.20 Genèse 45.4-45.5 Genèse 39.1
¹⁸ עִנּ֣וּ בַכֶּ֣בֶל רַגְלֹ֑ו בַּ֝רְזֶ֗ל בָּ֣אָה נַפְשֹֽׁו׃
Genèse 39.20 Genèse 40.15 Actes 16.24 Psaumes 107.10
¹⁹ עַד־עֵ֥ת בֹּֽא־דְבָרֹ֑ו אִמְרַ֖ת יְהוָ֣ה צְרָפָֽתְהוּ׃
Proverbes 21.1 Genèse 40.20-40.21 Actes 7.10 Genèse 41.25 Psaumes 44.4
²⁰ שָׁ֣לַח מֶ֭לֶךְ וַיַתִּירֵ֑הוּ מֹשֵׁ֥ל עַ֝מִּ֗ים וַֽיְפַתְּחֵֽהוּ׃
Genèse 41.14
²¹ שָׂמֹ֣ו אָדֹ֣ון לְבֵיתֹ֑ו וּ֝מֹשֵׁ֗ל בְּכָל־קִנְיָנֹֽו׃
Genèse 41.40-41.44 Genèse 41.55 Genèse 45.26 Genèse 45.8
²² לֶאְסֹ֣ר שָׂרָ֣יו בְּנַפְשֹׁ֑ו וּזְקֵנָ֥יו יְחַכֵּֽם׃
Genèse 41.33 Esaïe 19.11 Genèse 41.38 Genèse 41.44
²³ וַיָּבֹ֣א יִשְׂרָאֵ֣ל מִצְרָ֑יִם וְ֝יַעֲקֹ֗ב גָּ֣ר בְּאֶֽרֶץ־חָֽם׃
Actes 13.17 Psaumes 106.22 Psaumes 78.51 Psaumes 105.27 Genèse 10.6
²⁴ וַיֶּ֣פֶר אֶת־עַמֹּ֣ו מְאֹ֑ד וַ֝יַּֽעֲצִמֵהוּ מִצָּרָֽיו׃
Deutéronome 26.5 Exode 1.7-1.9 Actes 7.17 Exode 12.37 Genèse 46.3
²⁵ הָפַ֣ךְ לִ֭בָּם לִשְׂנֹ֣א עַמֹּ֑ו לְ֝הִתְנַכֵּ֗ל בַּעֲבָדָֽיו׃
Actes 7.19 Exode 10.1 Genèse 15.13 Romains 9.17-9.19 Exode 1.8-1.14
²⁶ שָׁ֭לַח מֹשֶׁ֣ה עַבְדֹּ֑ו אַ֝הֲרֹ֗ן אֲשֶׁ֣ר בָּֽחַר־בֹּֽו׃
Exode 3.10 Exode 28.12 Exode 28.1-28.2 Nombres 16.40 Exode 7.1
²⁷ שָֽׂמוּ־בָ֭ם דִּבְרֵ֣י אֹתֹותָ֑יו וּ֝מֹפְתִ֗ים בְּאֶ֣רֶץ חָֽם׃
Psaumes 78.43-78.51 Psaumes 135.8-135.9 Esaïe 63.11-63.12 Deutéronome 4.34 Néhémie 9.10-9.11
²⁸ שָׁ֣לַֽח חֹ֭שֶׁךְ וַיַּחְשִׁ֑ךְ וְלֹֽא־מָ֝ר֗וּ אֶת־דְּבָרֹֽו׃
Psaumes 99.7 Luc 23.44-23.45 2 Pierre 2.17 Joël 2.2 Exode 10.21-10.23
²⁹ הָפַ֣ךְ אֶת־מֵימֵיהֶ֣ם לְדָ֑ם וַ֝יָּ֗מֶת אֶת־דְּגָתָֽם׃
Exode 7.20-7.21 Psaumes 78.44 Ezéchiel 29.4-29.5 Esaïe 50.2 Apocalypse 16.3
³⁰ שָׁרַ֣ץ אַרְצָ֣ם צְפַרְדְּעִ֑ים בְּ֝חַדְרֵ֗י מַלְכֵיהֶֽם׃
Psaumes 78.45 Apocalypse 16.13-16.14 Exode 8.3-8.14
³¹ אָ֭מַר וַיָּבֹ֣א עָרֹ֑ב כִּ֝נִּ֗ים בְּכָל־גְּבוּלָֽם׃
Exode 8.21-8.24 Exode 8.16-8.18 Psaumes 78.45 Esaïe 7.18
³² נָתַ֣ן גִּשְׁמֵיהֶ֣ם בָּרָ֑ד אֵ֖שׁ לֶהָבֹ֣ות בְּאַרְצָֽם׃
Exode 9.18-9.28 Psaumes 78.47-78.48 Apocalypse 11.19 Apocalypse 8.7 Apocalypse 16.21
³³ וַיַּ֣ךְ גַּ֭פְנָם וּתְאֵנָתָ֑ם וַ֝יְשַׁבֵּ֗ר עֵ֣ץ גְּבוּלָֽם׃
Psaumes 78.47 Apocalypse 9.4
³⁴ אָ֭מַר וַיָּבֹ֣א אַרְבֶּ֑ה וְ֝יֶ֗לֶק וְאֵ֣ין מִסְפָּֽר׃
Exode 10.12-10.15 Apocalypse 9.3-9.10 Psaumes 78.46 Joël 2.25 Joël 1.4-1.7
³⁵ וַיֹּ֣אכַל כָּל־עֵ֣שֶׂב בְּאַרְצָ֑ם וַ֝יֹּ֗אכַל פְּרִ֣י אַדְמָתָֽם׃
³⁶ וַיַּ֣ךְ כָּל־בְּכֹ֣ור בְּאַרְצָ֑ם רֵ֝אשִׁ֗ית לְכָל־אֹונָֽם׃
Genèse 49.3 Psaumes 135.8 Psaumes 136.10 Psaumes 78.51 Exode 12.12
³⁷ וַֽ֭יֹּוצִיאֵם בְּכֶ֣סֶף וְזָהָ֑ב וְאֵ֖ין בִּשְׁבָטָ֣יו כֹּושֵֽׁל׃
Exode 12.35-12.36 Actes 13.17 Genèse 15.14 Exode 3.22
³⁸ שָׂמַ֣ח מִצְרַ֣יִם בְּצֵאתָ֑ם כִּֽי־נָפַ֖ל פַּחְדָּ֣ם עֲלֵיהֶֽם׃
Exode 12.33 Exode 15.16 Genèse 35.5 Josué 2.9 Exode 10.7
³⁹ פָּרַ֣שׂ עָנָ֣ן לְמָסָ֑ךְ וְ֝אֵ֗שׁ לְהָאִ֥יר לָֽיְלָה׃
Néhémie 9.12 Esaïe 4.5 Psaumes 78.14 Néhémie 9.19 Nombres 9.15-9.22
⁴⁰ שָׁאַ֣ל וַיָּבֵ֣א שְׂלָ֑ו וְלֶ֥חֶם שָׁ֝מַ֗יִם יַשְׂבִּיעֵֽם׃
Psaumes 78.18 Jean 6.48-6.58 Psaumes 78.23-78.28 Nombres 11.31-11.33 Néhémie 9.20
⁴¹ פָּ֣תַח צ֭וּר וַיָּז֣וּבוּ מָ֑יִם הָ֝לְכ֗וּ בַּצִּיֹּ֥ות נָהָֽר׃
1 Corinthiens 10.4 Exode 17.6 Nombres 20.11 Psaumes 78.15-78.16 Esaïe 48.21
⁴² כִּֽי־זָ֭כַר אֶת־דְּבַ֣ר קָדְשֹׁ֑ו אֶֽת־אַבְרָהָ֥ם עַבְדֹּֽו׃
Exode 2.24 Luc 1.72-1.73 Michée 7.20 Psaumes 105.8-105.11 Deutéronome 9.27
⁴³ וַיֹּוצִ֣א עַמֹּ֣ו בְשָׂשֹׂ֑ון בְּ֝רִנָּ֗ה אֶת־בְּחִירָֽיו׃
Actes 7.36 Esaïe 55.12 Psaumes 106.8-106.12 Esaïe 51.10-51.11 Actes 13.17
⁴⁴ וַיִּתֵּ֣ן לָ֭הֶם אַרְצֹ֣ות גֹּויִ֑ם וַעֲמַ֖ל לְאֻמִּ֣ים יִירָֽשׁוּ׃
Psaumes 78.55 Deutéronome 6.10-6.11 Josué 24.13 Josué 11.23 Josué 13.7-13.33
⁴⁵ בַּעֲב֤וּר׀ יִשְׁמְר֣וּ חֻ֭קָּיו וְתֹורֹתָ֥יו יִנְצֹ֗רוּ הַֽלְלוּ־יָֽהּ׃
Deutéronome 4.40 Deutéronome 4.1 Psaumes 150.1 Deutéronome 6.21-6.25 Apocalypse 19.3-19.4