Deutéronome 19.19
Vulgate

Les villes de refuge

¹ cum disperderit Dominus Deus tuus gentes quarum tibi traditurus est terram et possederis eam habitaverisque in urbibus eius et in aedibus
Deutéronome 12.29 Deutéronome 6.10 Deutéronome 7.1-7.2 Deutéronome 12.1 Deutéronome 17.14
² tres civitates separabis tibi in medio terrae quam Dominus Deus tuus dabit tibi in possessionem
Exode 21.13 Hébreux 6.18 Deutéronome 4.41-4.43 Josué 20.2-20.7 Nombres 35.10-35.15
³ sternens diligenter viam et in tres aequaliter partes totam terrae tuae provinciam divides ut habeat e vicino qui propter homicidium profugus est quo possit evadere
Esaïe 57.14 Esaïe 35.8 Hébreux 12.13 Esaïe 62.10
⁴ haec erit lex homicidae fugientis cuius vita servanda est qui percusserit proximum suum nesciens et qui heri et nudius tertius nullum contra eum habuisse odium conprobatur
Nombres 35.15-35.24 Deutéronome 4.42 Deutéronome 19.6 Josué 3.4 Genèse 31.2
⁵ sed abisse simpliciter cum eo in silvam ad ligna caedenda et in succisione lignorum securis fugerit manu ferrumque lapsum de manubrio amicum eius percusserit et occiderit hic ad unam supradictarum urbium confugiet et vivet
Nombres 35.25 Proverbes 27.12 2 Rois 6.5-6.7 Esaïe 32.2
⁶ ne forsitan proximus eius cuius effusus est sanguis dolore stimulatus persequatur et adprehendat eum si longior via fuerit et percutiat animam eius qui non est reus mortis quia nullum contra eum qui occisus est odium prius habuisse monstratur
Nombres 35.12 2 Samuel 14.7 Jérémie 26.15-26.16 Josué 20.5 Deutéronome 21.22
⁷ idcirco praecipio tibi ut tres civitates aequalis inter se spatii dividas
⁸ cum autem dilataverit Dominus Deus tuus terminos tuos sicut iuravit patribus tuis et dederit tibi cunctam terram quam eis pollicitus est
Genèse 15.18-15.21 Exode 34.24 Deutéronome 12.20 Exode 23.31 1 Rois 4.21
⁹ si tamen custodieris mandata eius et feceris quae hodie praecipio tibi ut diligas Dominum Deum tuum et ambules in viis eius omni tempore addes tibi tres alias civitates et supradictarum trium urbium numerum duplicabis
Josué 20.7-20.8 Deutéronome 12.32 Deutéronome 11.22-11.25
¹⁰ ut non effundatur sanguis innoxius in medio terrae quam Dominus Deus tuus dabit tibi possidendam nec sis sanguinis reus
Esaïe 59.7 Proverbes 6.17 Matthieu 27.4-27.5 Nombres 35.33 Jonas 1.14
¹¹ si quis autem odio habens proximum suum insidiatus fuerit vitae eius surgensque percusserit illum et mortuus fuerit fugeritque ad unam de supradictis urbibus
Deutéronome 27.24 Nombres 35.16-35.21 Proverbes 28.17 Genèse 9.6 Exode 21.12-21.14
¹² mittent seniores civitatis illius et arripient eum de loco effugii tradentque in manu proximi cuius sanguis effusus est et morietur
1 Rois 2.5-2.6 1 Rois 2.28-2.34
¹³ nec misereberis eius et auferes innoxium sanguinem de Israhel ut bene sit tibi
1 Rois 2.31 Deutéronome 7.16 Deutéronome 7.2 Deutéronome 21.9 Deutéronome 25.12

Respect des limites et nécessité de témoins

¹⁴ non adsumes et transferes terminos proximi tui quos fixerunt priores in possessione tua quam Dominus Deus tuus dabit tibi in terra quam acceperis possidendam
Osée 5.10 Proverbes 22.28 Deutéronome 27.17 Job 24.2 Proverbes 23.10
¹⁵ non stabit testis unus contra aliquem quicquid illud peccati et facinoris fuerit sed in ore duorum aut trium testium stabit omne verbum
2 Corinthiens 13.1 Matthieu 18.16 Nombres 35.30 1 Timothée 5.19 Hébreux 10.28
¹⁶ si steterit testis mendax contra hominem accusans eum praevaricationis
Psaumes 27.12 Exode 23.1-23.7 Psaumes 35.11 Marc 14.55-14.59 1 Rois 21.10-21.13
¹⁷ stabunt ambo quorum causa est ante Dominum in conspectu sacerdotum et iudicum qui fuerint in diebus illis
Deutéronome 17.9 Deutéronome 21.5 Matthieu 23.2-23.3 Malachie 2.7
¹⁸ cumque diligentissime perscrutantes invenerint falsum testem dixisse contra fratrem suum mendacium
Deutéronome 17.4 Deutéronome 13.14 2 Chroniques 19.6-19.7 Job 19.16
¹⁹ reddent ei sicut fratri suo facere cogitavit et auferes malum de medio tui
Proverbes 19.5 Proverbes 19.9 Deutéronome 22.24 Daniel 6.24 Deutéronome 22.21
²⁰ ut audientes ceteri timorem habeant et nequaquam talia audeant facere
Deutéronome 17.13 Deutéronome 21.21 Deutéronome 13.11 Proverbes 21.11 1 Timothée 5.20
²¹ non misereberis eius sed animam pro anima oculum pro oculo dentem pro dente manum pro manu pedem pro pede exiges
Deutéronome 19.13 Matthieu 5.38-5.39 Exode 21.23-21.25 Lévitique 24.17-24.21