Esaïe 38.9
Vulgate

Maladie et guérison d’Ézéchias

¹ in diebus illis aegrotavit Ezechias usque ad mortem et introivit ad eum Isaias filius Amos propheta et dixit ei haec dicit Dominus dispone domui tuae quia morieris tu et non vives
2 Samuel 17.23 2 Chroniques 32.24 2 Rois 20.1-20.11 Esaïe 38.1-38.8 Esaïe 37.2
² et convertit Ezechias faciem suam ad parietem et oravit ad Dominum
Psaumes 50.15 Matthieu 6.6 1 Rois 8.30 Psaumes 91.15
³ et dixit obsecro Domine memento quaeso quomodo ambulaverim coram te in veritate et in corde perfecto et quod bonum est in oculis tuis fecerim et flevit Ezechias fletu magno
Psaumes 6.8 Néhémie 13.14 1 Chroniques 29.19 Psaumes 32.2 Psaumes 119.80
⁴ et factum est verbum Domini ad Isaiam dicens
⁵ vade et dic Ezechiae haec dicit Dominus Deus David patris tui audivi orationem tuam vidi lacrimam tuam ecce ego adiciam super dies tuos quindecim annos
2 Rois 18.2 2 Rois 18.13 Matthieu 22.32 1 Chroniques 17.2-17.4 Luc 1.13
⁶ et de manu regis Assyriorum eruam te et civitatem istam et protegam eam
Esaïe 37.35 2 Timothée 4.17 Esaïe 31.4-31.5 Esaïe 12.6 2 Chroniques 32.22
⁷ hoc autem tibi erit signum a Domino quia faciet Dominus verbum hoc quod locutus est
Juges 6.37-6.39 Esaïe 37.30 Esaïe 38.22 Esaïe 7.11-7.14 Genèse 9.13
⁸ ecce ego reverti faciam umbram linearum per quas descenderat in horologio Ahaz in sole retrorsum decem lineis et reversus est sol decem lineis per gradus quos descenderat
2 Chroniques 32.24 2 Rois 20.9-20.11 2 Chroniques 32.31 Josué 10.12-10.14 Matthieu 16.1
⁹ scriptura Ezechiae regis Iuda cum aegrotasset et convaluisset de infirmitate sua
Psaumes 18.1 2 Chroniques 29.30 Esaïe 12.1-12.6 Psaumes 116.1-116.4 Psaumes 107.17-107.22
¹⁰ ego dixi in dimidio dierum meorum vadam ad portas inferi quaesivi residuum annorum meorum
2 Corinthiens 1.9 Psaumes 102.24 Job 7.7 Psaumes 107.18 Job 6.11
¹¹ dixi non videbo Dominum Dominum in terra viventium non aspiciam hominem ultra et habitatorem quievit
Psaumes 27.13 Psaumes 6.4-6.5 Psaumes 116.8-116.9 Job 35.14-35.15 Psaumes 31.22
¹² generatio mea ablata est et convoluta est a me quasi tabernaculum pastorum praecisa est velut a texente vita mea dum adhuc ordirer succidit me de mane usque ad vesperam finies me
Hébreux 1.12 Psaumes 73.14 2 Corinthiens 5.1 2 Corinthiens 5.4 Job 17.1
¹³ sperabam usque ad mane quasi leo sic contrivit omnia ossa mea de mane usque ad vesperam finies me
Daniel 6.24 Psaumes 51.8 Job 16.12-16.14 1 Corinthiens 11.30-11.32 Osée 5.14
¹⁴ sicut pullus hirundinis sic clamabo meditabor ut columba adtenuati sunt oculi mei suspicientes in excelsum Domine vim patior sponde pro me
Esaïe 59.11 Ezéchiel 7.16 Psaumes 119.122-119.123 Job 30.29 Nahum 2.7
¹⁵ quid dicam aut quid respondebit mihi cum ipse fecerit recogitabo omnes annos meos in amaritudine animae meae
1 Rois 21.27 Job 7.11 Job 10.1 Jean 12.27 2 Rois 4.27
¹⁶ Domine sic vivitur et in talibus vita spiritus mei corripies me et vivificabis me
Deutéronome 8.3 Matthieu 4.4 Psaumes 71.20 Psaumes 119.25 2 Corinthiens 4.17
¹⁷ ecce in pace amaritudo mea amarissima tu autem eruisti animam meam ut non periret proiecisti post tergum tuum omnia peccata mea
Esaïe 43.25 Jérémie 31.34 Psaumes 86.13 Psaumes 30.3 Jonas 2.6
¹⁸ quia non infernus confitebitur tibi neque mors laudabit te non expectabunt qui descendunt in lacum veritatem tuam
Ecclésiaste 9.10 Psaumes 6.5 Psaumes 30.9 Nombres 16.33 Proverbes 14.32
¹⁹ vivens vivens ipse confitebitur tibi sicut et ego hodie pater filiis notam faciet veritatem tuam
Deutéronome 6.7 Deutéronome 4.9 Psaumes 78.3-78.6 Psaumes 145.4 Genèse 18.19
²⁰ Domine salvum me fac et psalmos nostros cantabimus cunctis diebus vitae nostrae in domo Domini
Psaumes 9.13-9.14 Psaumes 66.13-66.15 Psaumes 33.2 Psaumes 145.2 Psaumes 30.11-30.12
²¹ et iussit Isaias ut tollerent massam de ficis et cataplasmarent super vulnus et sanaretur
Marc 7.33 2 Rois 20.7-20.8 Jean 9.6
²² et dixit Ezechias quod erit signum quia ascendam in domo Domini
Psaumes 84.10-84.12 Psaumes 84.1-84.2 Jean 5.14 Psaumes 118.18-118.19 Psaumes 122.1