Esther 8.13
Vulgate

Édit en faveur des Juifs

¹ die illo dedit rex Asuerus Hester reginae domum Aman adversarii Iudaeorum et Mardocheus ingressus est ante faciem regis confessa est enim ei Hester quod esset patruus suus
Esther 2.7 Esther 2.15 Proverbes 13.22 Job 27.16-27.17 Psaumes 39.6
² tulitque rex anulum quem ab Aman recipi iusserat et tradidit Mardocheo Hester autem constituit Mardocheum super domum suam
Esther 3.10 Daniel 2.48 Genèse 41.42 Luc 15.22 Psaumes 37.34
³ nec his contenta procidit ad pedes regis flevitque et locuta ad eum oravit ut malitiam Aman Agagitae et machinationes eius pessimas quas excogitaverat contra Iudaeos iuberet irritas fieri
Esaïe 38.2 Esther 3.8-3.15 2 Rois 4.27 1 Samuel 25.24 Esther 7.4
⁴ at ille ex more sceptrum aureum protendit manu quo signum clementiae monstrabatur illaque consurgens stetit ante eum
Esther 4.11 Esther 5.2
⁵ et ait si placet regi et inveni gratiam coram oculis eius et deprecatio mea non ei videtur esse contraria obsecro ut novis epistulis veteres Aman litterae insidiatoris et hostis Iudaeorum quibus eos in cunctis regis provinciis perire praeceperat corrigantur
Esther 7.3 Esther 3.12-3.13 Esther 5.8 Exode 33.16 Exode 33.13
⁶ quomodo enim potero sustinere necem et interfectionem populi mei
Esther 7.4 Romains 10.1 Romains 9.2-9.3 Genèse 44.34 Esther 9.1
⁷ responditque rex Asuerus Hester reginae et Mardocheo Iudaeo domum Aman concessi Hester et ipsum iussi adfigi cruci qui ausus est manum in Iudaeos mittere
Esther 7.10-8.1 Proverbes 13.22 Galates 3.13
⁸ scribite ergo Iudaeis sicut vobis placet ex regis nomine signantes litteras anulo meo haec enim consuetudo erat ut epistulis quae ex regis nomine mittebantur et illius anulo signatae erant nemo auderet contradicere
Esther 1.19 Esther 3.12 Daniel 6.8 2 Timothée 2.19 Daniel 6.12-6.15
⁹ accitisque scribis et librariis regis erat autem tempus tertii mensis qui appellatur siban vicesima et tertia illius die scriptae sunt epistulae ut Mardocheus voluerat ad Iudaeos et ad principes procuratoresque et iudices qui centum viginti septem provinciis ab India usque Aethiopiam praesidebant provinciae atque provinciae populo et populo iuxta linguas et litteras suas et Iudaeis ut legere poterant et audire
Esther 1.22 Esther 1.1 2 Rois 18.26 Daniel 6.1 1 Corinthiens 14.9-14.11
¹⁰ ipsaeque epistulae quae ex regis nomine mittebantur anulo illius obsignatae sunt et missae per veredarios qui per omnes provincias discurrentes veteres litteras novis nuntiis praevenirent
Esaïe 60.6 Esther 3.12-3.13 1 Rois 21.8 Jérémie 2.23 Job 9.25
¹¹ quibus imperavit rex ut convenirent Iudaeos per singulas civitates et in unum praeciperent congregari ut starent pro animabus suis et omnes inimicos suos cum coniugibus ac liberis et universis domibus interficerent atque delerent
Esther 3.13 Esther 9.2-9.16 Psaumes 37.14-37.15 Ezéchiel 39.10 Psaumes 137.8
¹² et constituta est per omnes provincias una ultionis dies id est tertiadecima mensis duodecimi adar
Esther 9.1 Esther 3.13-3.15 Juges 1.6-1.7 Exode 15.9-15.10
¹³ summaque epistulae fuit ut in omnibus terris ac populis qui regis Asueri imperio subiacebant notum fieret paratos esse Iudaeos ad capiendam vindictam de hostibus suis
Esther 3.14 Psaumes 68.23 Luc 18.7 Juges 16.28 Apocalypse 6.10
¹⁴ egressique sunt veredarii celeres nuntios perferentes et edictum regis pependit in Susis
Esther 3.15 Néhémie 1.1 1 Samuel 21.8 Esther 1.2 Esther 2.3
¹⁵ Mardocheus autem de palatio et de conspectu regis egrediens fulgebat vestibus regiis hyacinthinis videlicet et aerinis coronam auream portans capite et amictus pallio serico atque purpureo omnisque civitas exultavit atque laetata est
Esther 3.15 Genèse 41.42 Luc 16.19 Esther 6.8 Esther 1.6
¹⁶ Iudaeis autem nova lux oriri visa est gaudium honor et tripudium
Psaumes 97.11 Esther 4.1-4.3 Proverbes 11.10 Psaumes 30.5-30.11 Esaïe 30.29-30.30
¹⁷ apud omnes populos urbes atque provincias quocumque regis iussa veniebant mira exultatio epulae atque convivia et festus dies in tantum ut plures alterius gentis et sectae eorum religioni et caerimoniis iungerentur grandis enim cunctos iudaici nominis terror invaserat
Esther 9.19 1 Samuel 25.8 Deutéronome 11.25 Zacharie 8.20-8.23 Esther 9.22