Néhémie 5.3
Vulgate

Attitude désintéressée de Néhémie

¹ et factus est clamor populi et uxorum eius magnus adversus fratres suos iudaeos
Esaïe 5.7 Exode 3.7 Lévitique 25.35-25.37 Exode 22.25-22.27 Jacques 5.4
² et erant qui dicerent filii nostri et filiae nostrae multae sunt nimis accipiamus pro pretio eorum frumentum et comedamus et vivamus
Genèse 42.2 Psaumes 127.3-127.5 Genèse 41.57 Malachie 2.2 Genèse 43.8
³ et erant qui dicerent agros nostros et vineas et domos nostras opponamus et accipiamus frumentum in fame
Deutéronome 15.7 Genèse 47.15-47.25 Lévitique 25.35-25.39 Malachie 3.8-3.11
⁴ et alii dicebant mutuo sumamus pecunias in tributa regis demusque agros nostros et vineas
Esdras 4.13 Esdras 4.20 Néhémie 9.37 Esdras 7.24 Deutéronome 28.47-28.48
⁵ et nunc sicut carnes fratrum nostrorum sic carnes nostrae sunt sicut filii eorum ita filii nostri ecce nos subiugamus filios nostros et filias nostras in servitutem et de filiabus nostris sunt famulae nec habemus unde possint redimi et agros nostros et vineas alii possident
2 Rois 4.1 Lévitique 25.39-25.43 Esaïe 58.7 Genèse 37.27 Jacques 2.5-2.6
⁶ et iratus sum nimis cum audissem clamorem eorum secundum verba haec
Exode 11.8 Néhémie 13.25 Ephésiens 4.26 Nombres 16.15 Marc 3.5
⁷ cogitavitque cor meum mecum et increpui optimates et magistratus et dixi eis usurasne singuli a fratribus vestris exigatis et congregavi adversus eos contionem magnam
Exode 22.25 Lévitique 25.36 Deutéronome 23.19-23.20 Deutéronome 15.2-15.3 Ezéchiel 22.12
⁸ et dixi eis nos ut scitis redemimus fratres nostros iudaeos qui venditi fuerant gentibus secundum possibilitatem nostram et vos igitur vendite fratres vestros et emimus eos et siluerunt nec invenerunt quid responderent
Lévitique 25.47-25.49 Job 32.15 Deutéronome 24.7 Galates 6.10 Romains 3.19
⁹ dixique ad eos non est bona res quam facitis quare non in timore Dei nostri ambulatis ne exprobretur nobis a gentibus inimicis nostris
Lévitique 25.36 2 Samuel 12.14 Ezéchiel 36.20 Néhémie 4.4 Tite 2.5
¹⁰ et ego et fratres mei et pueri mei commodavimus plurimis pecuniam et frumentum non repetamus in commune istud aes alienum concedamus quod debetur nobis
Exode 22.25-22.27 2 Corinthiens 5.20 Michée 2.1 Néhémie 5.7 Ezéchiel 18.8
¹¹ reddite eis hodie agros suos vineas suas oliveta sua et domos suas quin potius et centesimam pecuniae frumenti vini et olei quam exigere soletis ab eis date pro illis
Esaïe 58.6 Luc 3.8 Lévitique 6.4-6.5 1 Samuel 12.3 2 Samuel 12.6
¹² et dixerunt reddimus et ab eis nihil quaerimus sicque faciemus ut loqueris et vocavi sacerdotes et adiuravi eos ut facerent iuxta quod dixeram
Esdras 10.5 2 Chroniques 6.22-6.23 2 Chroniques 15.13-15.14 Néhémie 13.25 Néhémie 10.29
¹³ insuper et sinum meum excussi et dixi sic excutiat Deus omnem virum qui non conpleverit verbum istud de domo sua et de laboribus suis sic excutiatur et vacuus fiat et dixit universa multitudo amen et laudaverunt Deum fecit ergo populus sicut dictum erat
Actes 18.6 Matthieu 10.14 1 Chroniques 16.36 Psaumes 119.106 Psaumes 76.11
¹⁴ a die autem illa qua praeceperat mihi ut essem dux in terra Iuda ab anno vicesimo usque ad annum tricesimum secundum Artarxersis regis per annos duodecim ego et fratres mei annonas quae ducibus debebantur non comedimus
Néhémie 13.6 Néhémie 2.1 Esdras 4.13-4.14 Romains 13.6-13.7 1 Corinthiens 9.4-9.15
¹⁵ duces autem primi qui fuerant ante me gravaverunt populum et acceperunt ab eis in pane vino et pecunia cotidie siclos quadraginta sed et ministri eorum depresserant populum ego autem non feci ita propter timorem Dei
Néhémie 5.9 Job 31.23 Matthieu 5.47 Proverbes 29.12 1 Samuel 2.15-2.17
¹⁶ quin potius in opere muri aedificavi et agrum non emi et omnes pueri mei congregati ad opus erant
Luc 8.15 1 Corinthiens 15.58 Romains 2.7 Philippiens 2.20-2.21 Actes 20.33-20.35
¹⁷ Iudaei quoque et magistratus centum quinquaginta viri et qui veniebant ad nos de gentibus quae in circuitu nostro sunt in mensa mea erant
1 Rois 18.19 2 Samuel 9.7 1 Pierre 4.9-4.10 Esaïe 32.8 2 Samuel 9.13
¹⁸ parabatur autem mihi per dies singulos bos unus arietes sex electi exceptis volatilibus et inter dies decem vina diversa et alia multa tribuebam insuper et annonas ducatus mei non quaesivi valde enim erat adtenuatus populus
1 Rois 4.22-4.23 Psaumes 37.21 Néhémie 5.14-5.15 Psaumes 37.26
¹⁹ memento mei Deus meus in bonum secundum omnia quae feci populo huic
Néhémie 13.31 Néhémie 13.14 Néhémie 13.22 Matthieu 25.34-25.40 Genèse 40.14