2 Chroniques 4.17
Vulgate

Fabrication du mobilier du temple

¹ fecit quoque altare aeneum viginti cubitorum longitudinis et viginti cubitorum latitudinis et decem cubitorum altitudinis
1 Rois 8.64 Ezéchiel 43.13-43.17 1 Rois 9.25 Exode 27.1-27.8 2 Chroniques 1.5
² mare etiam fusile decem cubitis a labio usque ad labium rotundum per circuitum quinque cubitos habebat altitudinis et funiculus triginta cubitorum ambiebat gyrum eius
Exode 30.18-30.21 Apocalypse 7.14 Tite 3.5 1 Rois 7.23-7.26 Zacharie 13.1
³ similitudo quoque boum erat subter illud et decem cubitis quaedam extrinsecus celaturae quasi duobus versibus alvum maris circuibant boves autem erant fusiles
Apocalypse 4.7 Ezéchiel 1.10 1 Corinthiens 9.9-9.10 1 Rois 7.24-7.26 Ezéchiel 10.14
⁴ et ipsum mare super duodecim boves inpositum erat quorum tres respiciebant aquilonem et alii tres occidentem porro tres alii meridiem et tres qui reliqui erant orientem mare habentes superpositum posteriora autem boum erant intrinsecus sub mari
Matthieu 28.19-28.20 Ephésiens 2.20 Apocalypse 21.14 Marc 16.15 Matthieu 16.18
⁵ porro vastitas eius habebat mensuram palmi et labium illius erat quasi labium calicis vel repandi lilii capiebatque mensurae tria milia metretas
1 Rois 7.26
⁶ fecit quoque concas decem et posuit quinque a dextris et quinque a sinistris ut lavarent in eis omnia quae in holocaustum oblaturi erant porro in mari sacerdotes lavabantur
1 Rois 7.38 1 Rois 7.40 Ezéchiel 40.38 Exode 30.18-30.21 Psaumes 51.2
⁷ fecit autem et candelabra aurea decem secundum speciem qua iussa erant fieri et posuit ea in templo quinque a dextris et quinque a sinistris
Exode 25.31-25.40 1 Rois 7.49 Jean 8.12 Matthieu 5.14-5.16 Zacharie 4.2-4.3
⁸ necnon et mensas decem posuitque eas in templo quinque a dextris et quinque a sinistris fialas quoque aureas centum
1 Rois 7.48 1 Corinthiens 10.21 Exode 25.23-25.30 Jérémie 52.18-52.19 Zacharie 14.20
⁹ fecit etiam atrium sacerdotum et basilicam grandem et ostia in basilica quae texit aere
1 Rois 6.36 2 Rois 21.5 1 Rois 7.12
¹⁰ porro mare posuit in latere dextro contra orientem ad meridiem
1 Rois 7.39
¹¹ fecit autem Hiram lebetas quoque et creagras et fialas et conplevit omne opus regis in domo Dei
1 Rois 7.40-7.51 1 Rois 7.14
¹² hoc est columnas duas et epistylia et capita et quasi quaedam retiacula quae capita tegerent super epistylia
1 Rois 7.41 2 Chroniques 3.15-3.17
¹³ malagranata quoque quadringenta et retiacula duo ita ut bini ordines malagranatorum singulis retiaculis iungerentur quae protegerent epistylia et capita columnarum
1 Rois 7.20 Cantique 4.13 1 Rois 7.42 Jérémie 52.23 Exode 28.33-28.34
¹⁴ bases etiam fecit et concas quas superposuit basibus
1 Rois 7.27-7.43
¹⁵ mare unum bovesque duodecim sub mari
¹⁶ et lebetas et creagras et fialas omnia vasa fecit Salomoni Hiram pater eius in domo Domini ex aere mundissimo
2 Chroniques 2.13 1 Chroniques 28.17 1 Rois 7.13-7.14 2 Chroniques 4.11 1 Samuel 2.13-2.14
¹⁷ in regione Iordanis fudit ea rex in argillosa terra inter Socchoth et Saredatha
1 Rois 7.46
¹⁸ erat autem multitudo vasorum innumerabilis ita ut ignoraretur pondus aeris
1 Rois 7.47 Jérémie 52.20 1 Chroniques 22.14 1 Chroniques 22.3
¹⁹ fecitque Salomon omnia vasa domus Dei et altare aureum et mensas et super eas panes propositionis
2 Rois 24.13 Daniel 5.23 Exode 25.23-25.30 1 Chroniques 28.16 2 Rois 25.13-25.15
²⁰ candelabra quoque cum lucernis suis ut lucerent ante oraculum iuxta ritum ex auro purissimo
2 Chroniques 4.7 Exode 25.31-25.37 1 Rois 6.16-6.17 1 Rois 6.5 Exode 27.20-27.21
²¹ et florentia quaedam et lucernas et forcipes aureos omnia de auro mundissimo facta sunt
1 Rois 6.18 1 Rois 6.29 2 Chroniques 4.5 1 Rois 6.35 Exode 37.20
²² thymiamateria quoque et turibula et fialas et mortariola ex auro purissimo et ostia celavit templi interioris id est in sancto sanctorum et ostia templi forinsecus aurea sicque conpletum est omne opus quod fecit Salomon in domo Domini
Jérémie 52.18 1 Rois 7.50 2 Rois 12.13 2 Rois 25.14 1 Rois 6.31-6.32