2 Samuel 10.13
Vulgate

Affront des Ammonites

¹ factum est autem post haec ut moreretur rex filiorum Ammon et regnaret Anon filius eius pro eo
Juges 10.7-10.9 Juges 11.12-11.28 1 Samuel 11.1-11.3 1 Chroniques 19.1-19.19
² dixitque David faciam misericordiam cum Anon filio Naas sicut fecit pater eius mecum misericordiam misit ergo David consolans eum per servos suos super patris interitu cum autem venissent servi David in terram filiorum Ammon
1 Samuel 11.1 Deutéronome 23.3-23.6 1 Samuel 22.3-22.4 Néhémie 4.3-4.7 Néhémie 13.1-13.3
³ dixerunt principes filiorum Ammon ad Anon dominum suum putas quod propter honorem patris tui David miserit ad te consolatores et non ideo ut investigaret et exploraret civitatem et everteret eam misit David servos suos ad te
Genèse 42.9 Genèse 42.16 1 Corinthiens 13.7 1 Corinthiens 13.5
⁴ tulit itaque Anon servos David rasitque dimidiam partem barbae eorum et praecidit vestes eorum medias usque ad nates et dimisit eos
Esaïe 20.4 Esaïe 15.2 Jérémie 41.5 Lévitique 19.27 Psaumes 109.4-109.5
⁵ quod cum nuntiatum esset David misit in occursum eorum erant enim viri confusi turpiter valde et mandavit eis David manete Hiericho donec crescat barba vestra et tunc revertimini
1 Chroniques 19.5 Josué 6.24-6.26 1 Rois 16.34
⁶ videntes autem filii Ammon quod iniuriam fecissent David miserunt et conduxerunt mercede Syrum Roob et Syrum Soba viginti milia peditum et a rege Maacha mille viros et ab Histob duodecim milia virorum
2 Samuel 8.3 2 Samuel 8.5 Genèse 34.30 1 Samuel 27.12 Juges 18.28
⁷ quod cum audisset David misit Ioab et omnem exercitum bellatorum
2 Samuel 23.8-23.39 1 Chroniques 19.8-19.19
⁸ egressi sunt ergo filii Ammon et direxerunt aciem ante ipsum introitum portae Syrus autem Soba et Roob et Histob et Maacha seorsum erant in campo
2 Samuel 10.6 Josué 19.28 1 Chroniques 19.7 Juges 1.31 Nombres 13.21
⁹ videns igitur Ioab quod praeparatum esset adversum se proelium et ex adverso et post tergum elegit ex omnibus electis Israhel et instruxit aciem contra Syrum
Josué 8.21-8.22 Juges 20.42-20.43
¹⁰ reliquam autem partem populi tradidit Abisai fratri suo qui direxit aciem adversum filios Ammon
¹¹ et ait Ioab si praevaluerint adversum me Syri eris mihi in adiutorium si autem filii Ammon praevaluerint adversum te auxiliabor tibi
Philippiens 1.27-1.28 Galates 6.2 Luc 22.32 Romains 15.1 Néhémie 4.20
¹² esto vir fortis et pugnemus pro populo nostro et civitate Dei nostri Dominus autem faciet quod bonum est in conspectu suo
1 Corinthiens 16.13 Deutéronome 31.6 1 Samuel 3.18 1 Samuel 4.9 Néhémie 4.14
¹³ iniit itaque Ioab et populus qui erat cum eo certamen contra Syros qui statim fugerunt a facie eius
1 Rois 20.13-20.21 1 Chroniques 19.14-19.15 1 Rois 20.28-20.30 2 Chroniques 13.5-13.16
¹⁴ filii autem Ammon videntes quod fugissent Syri fugerunt et ipsi a facie Abisai et ingressi sunt civitatem reversusque est Ioab a filiis Ammon et venit Hierusalem
¹⁵ videntes igitur Syri quoniam corruissent coram Israhel congregati sunt pariter
Zacharie 14.2-14.3 Apocalypse 19.19-19.21 Michée 4.11-4.12 Psaumes 2.1 Esaïe 8.9-8.10
¹⁶ misitque Adadezer et eduxit Syros qui erant trans Fluvium et adduxit exercitum eorum Sobach autem magister militiae Adadezer erat princeps eorum
1 Chroniques 19.16 2 Samuel 8.3-8.8 1 Chroniques 18.3 1 Chroniques 18.5
¹⁷ quod cum nuntiatum esset David contraxit omnem Israhelem et transivit Iordanem venitque in Helema et direxerunt aciem Syri ex adverso David et pugnaverunt contra eum
1 Chroniques 19.17
¹⁸ fugeruntque Syri a facie Israhel et occidit David de Syris septingentos currus et quadraginta milia equitum et Sobach principem militiae percussit qui statim mortuus est
1 Chroniques 19.18 Juges 5.26 2 Samuel 8.4 Psaumes 18.38 Juges 4.2
¹⁹ videntes autem universi reges qui erant in praesidio Adadezer victos se ab Israhel fecerunt pacem cum Israhel et servierunt eis timueruntque Syri auxilium praebere filiis Ammon
2 Samuel 8.6 Josué 11.10 1 Rois 20.1 Esaïe 26.11 Psaumes 48.4-48.5